ટીવી શો ‘નાગિન’થી જાણીતી થયેલી અને બોલીવુડની ફિલ્મોમાં પણ ચમકેલી અભિનેત્રી મૌની રોય-નામ્બિયારે મુંબઈના લોઅર પરેલ ઉપનગરમાં ‘બદમાશ’ નામે પોતાની નવી રેસ્ટોરન્ટ શરૂ કરી છે. એના ઉદઘાટન પ્રસંગે એણે 14 ડિસેમ્બર, ગુરુવારે એક પાર્ટીનું આયોજન કર્યું હતું જેમાં ફિલ્મ ઉદ્યોગમાં એની મિત્ર અભિનેત્રીઓ તથા અન્ય સેલિબ્રિટીએ હાજરી આપી હતી. મૌની પાર્ટીમાં મેટાલિક ગોલ્ડ ડ્રેસ પહેરીને આવી હતી અને ખૂબ સુંદર અને સેક્સી દેખાતી હતી. મૌની રોય બેંગલુરુસ્થિત ઉદ્યોગપતિ સૂરજ નામ્બિયારને પરણી છે.
