મારા પ્રોબ્લેમનું તમારે સોલ્યુસન આપવું પડશે. એક વાત કહી દઉં છુ, મારાથી ખરાબ કોઈ નહિ હોય. મારા 
લગ્ન થયા અને પછી ખબર પડીકે મારા પતિને રાજકારણમાં રસ હતો. મને રાજકારણ જરા પણ ન ગમે. એ બધે દોડાદોડી કરે. પણ આવડત પણ હોવી જોઈએ ને? આખી જિંદગી કાર્યકર રહીને જીવન થોડું ચાલે. મારા કારણે એમણે મકાનની લે વેચ ચાલુ કરી. હવે સારું છે. મને જ્યોતિષમાં બહુ રસ પણ એમને એ બધું ન ગમે. તમારા એક પણ શો છોડ્યા નથી. તમારા લેખ પણ વાંચુ. મારા ઘરમાં એ પ્રમાણે ફેરફાર પણ કરું અને ફાયદો પણ થયો. પણ આવું થોડું ચાલે? માંડ બધું સારું ચાલતું હતું ને કેવું થઇ ગયું? અમે ફ્લેટ લીધો અને વાસ્તુની સલાહ લેવાનો વિચાર જ કરતા હતા કે બધું બંધ થઇ ગયું. કલર કામના કારીગરો પણ મળી ગયા હતા. એ લોકો નવા ફ્લેટમાં જ રહેતા. બે દિવસથી સફેદો મારતા હતા ને ખબર પડીકે વાયરસ આવ્યો છે. મેં એમને ઘરે જવા કહ્યું. પાછુ આપણે ત્યાં રહે ને અમારા ઘર સુધી ચેપ લાવે તો? એ લોકો ઉત્તર પ્રદેશ જતા રહ્યા. ફોન ઉપાડતા ન હતા એટલે મારા દીકરાને જોવા મોકલેલો. બાકી આપણને તો ખબર પણ ન પડે. મારા પતિ ખીજાયા કે મને દીકરો વહાલો નથી. બોલો, એવું હોય? આપણને ખબરતો હોવી જોઈએ ને? હવે મૂળ વાત. અમે વાસ્તુનો વિચાર કર્યો અને બધું બંધ થઇ ગયું. હવે એવું કોઈક વાસ્તુનું તારણ આપો કે આખા વિશ્વમાંથી આ કોરોના ભાગી જાય, અમારું કામ ફરી ચાલુ થાય અને ઝટ અમે નવા ઘરે રહેવા જતા રહીએ. અને હા, પેલા લોકો યુપી થી વહેલા પાછા આવે એવું પણ કૈક કરજો. ભૂલચૂક માફ પણ મારા એમને પણ થોડી સદબુદ્ધિ આવે એવું કરજો.
બહેનશ્રી, તમે ખરેખર ભોળા છો પણ જીદ્દી પણ છો. તમે પોતે જ આખી વાત વાંચો. તમારાથી ખરાબ કોઈ ન હોય એ ગર્વ લેવા જેવી બાબત ન જ ગણાય. તમારા પતિ જો તમને ગમતું કરતા હોય તો તમે એમનું મન અને માન સચવાય એવું તો કરો. તમને વાસ્તુ નિયમોથી ફાયદો થયો તે ખરેખર સારી વાત છે. ભારતીય વાસ્તુના નિયમોમાં વિજ્ઞાન છે તેથી સારા પરિણામો મળે જ. પણ, હા, જ્યોતિષ અને વાસ્તુ એ બંને અલગ વિષયો છે. બંને પોતપોતાની જગ્યાએ અદ્ભુત છે. તમને સારા માણસો મળી ગયા હતા. એ તમારા નવા ફ્લેટમાં રહીને કામ કરતા હતા અને જાતે પોતાનું ખાવાનું મેનેજ કરતા હતા. તો એમનો ચેપ તમને થોડો જ લાગવાનો હતો? જો એલોકો ત્યાજ રહેતા હોત તો એ યુપી ન ગયા હોત અને તમને ચિંતા ન થઇ હોત. એમને જવાનું તમેજ કહ્યું ને? વળીતમે તમારા દીકરાને એમને ત્યાં જોવા મોકલ્યો એ કેટલું વ્યાજબી કહેવાય? તમારા પતિની ચિંતા સાચીજ છે. એક વિંનતી છે. “ કોઈ પણ વ્યક્તિ ઘરની બહાર ન નીકળો.” નવા ઘરે રહેવા જવાની તમારી તાલાવેલી વ્યાજબી છે. પણ અત્યારના સંજોગોમાં કોઈ બહાર નીકળે નહિ તેજ સારું છે. બહેન, આ વાઈરસ વિષે હજુ સંપૂર્ણ માહિતી કોઈની પાસે નથી. તેથીજ ઘરમાં રહીને કોઈના સંપર્કમાં ન આવવું એ જરૂરી છે.
તમારા ઘરમાં દક્ષિણ અગ્નિનું પ્રવેશદ્વાર છે તેથી તમારું ઘર નારી પ્રધાન છે. તમે ઈશાનના બેડરૂમમાં દક્ષિણ તરફ માથું રાખીને સુવો છો તેથી તમે એવું ઈચ્છો છો કે તમે જે કહો એવુજ બધાએ કરવું જોઈએ. જે અશક્ય છે. તમારા ઘરમાં ઉત્તરનો દોષ છે. તેથી તમારો સ્વભાવ ભૌતિક્તાવાદી થઇ ગયો. તમારો દીકરો પૂર્વમાં રહે છે એટલે કહ્યાગરો છે. આજના જમાનામાં આવો દીકરો આશીર્વાદ ગણાય. તમારી તિજોરી યોગ્ય જગ્યાએ મુક્યા બાદ તમને આર્થિક લાભ પણ થયા જ છે. અને એટલે જ તમે આટલી મોંઘી પ્રોપર્ટી ખરીદી શક્યા છો. બહેન સમય ક્યાં ગયો ખબર નહિ પડે. બસ થોડો સમય રાહ હુઓ અને શાંતિ રાખો. બીજું ખાસ, કુદરત પોતાનું કાર્ય કરેજ છે. માણસે પૃથ્વીને પોતાની જાગીર સમજી લીધી હતી. કુદરત પોતાનું સંતુલન પાછુ લાવી રહી છે. આખા સૌરમંડળ માં એકજ ગ્રહ પર જીવન શક્ય છે. જો પૃથ્વી જ નહિ હોય તો આપણે સહુ જઈશું ક્યાં? વિજ્ઞાન અને વિકાસ જરૂરી છે પણ કુદરતના સંતુલન સાથે. ભારતીયજીવન શૈલી અત્યારે વખણાઇ રહી છે. અને સયંમ એ પણ આપની ઓળખ છે. હું વિશ્વ માટે પ્રાર્થના કરું જ છુ પણ એ બધા સુધી પહોંચે એના માટે બધાએ પણ પ્રયત્ન કરવો પડશે ને? જયારે અહં, કપટ, વૈમનસ્ય, લોભ, લાલચ,જેવા ન દેખાતા ગુણો ઓગળવા લાગશે ત્યારે આપોઆપ બધુજ સંતુલિત થવા લાગશે. તમે દરરોજ ગાયત્રી મંત્ર અને મહામૃત્યુંન્જય મંત્ર જાપ કરો. સારું લાગશે. કુટુંબ સાથે રહીને આનંદ કરો.
આજના દિવસે સાવચેતી રાખવી, ગુસ્સા પર કાબુ રાખવો, વાહન ધીમે ચલાવવું, તાવ, માથા, આંખ, હાડકા ની તકલીફથી સાચવવું, વાર્તાલાપમાં ક્યાય ગેરસમજના થાય તેનું ધ્યાન રાખવું, ખરીદી પાછળકે ફરવામાં ધાર્યા કરતા વધુ નાણા ખર્ચાય અને તેનો થોડો અજંપો તમારી શાંતિને ખલેલ પોહ્ચાડી શકે છે.
આજનો દિવસ સારી રીતે પસાર થાય કારણકે તમને ઉત્સાહ રહે તેવા સંજોગો બને અને નવીનકામનું આયોજન થાય, જુનામતભેદ ભૂલવાની તક મળે, ધાર્મિકકાર્ય હેતુ ક્યાક મુસાફરી થાય અને તેમાં તમને ખુશીની લાગણી અનુભવાય, તમે કોઈને મદદ કરવાની સદભાવના રાખો તેવું બની શકે.
આજનો દિવસ સામાન્ય છે, કુટુંબ, મિત્રો સાથે સારી રીતે સમય પસાર થાય, ક્યાંક બિનજરૂરી નાણાકીય ખર્ચ થઈ શકે છે, પ્રવાસનું આયોજન થાય, હરવાફરવામાં ઉત્સાહ સારો જોવા મળે, માર્કેટિંગક્ષેત્રમાં તમારા પરિચિતકે જુનાસંપર્ક દ્વારા તમને તમારા કામમાં સારો પ્રતિસાદ જોવા મળી શકે છે.
આજનો દિવસ શાંતિ અને સાવચેતીથી પસાર કરવો ખાસ કરીને વાદવિવાદથી દુર રહેવું જરૂરી છે જેથી ખોટો અજંપો ટાળી શકાય, વાહન ધીમે ચલાવવું, પાડવા, વાગવા, છાતી, પ્રેસર જેવી તકલીફથી સાચવવું, માર્કેટિંગક્ષેત્રમાં મહેનત કરતા ઓછું ફળ મળે તેવું બની શકે છે, વેપારમાં જોખમથી દુર રહેવું યોગ્ય છે.
આજનો દિવસ સામાન્ય છે, કામકાજમાં થોડી વ્યસ્તતા જોવા મળી શકે છે, મનમાં થોડી અશાંતિ જોવા મળી શકે છે, સરકારીકામ,યુનિફોર્મવાળી નોકરી,સોનાઝવેરાત,ફાર્મા જેવા ક્ષેત્રમાં કામકરનારને માનસિકથાકની લાગણી અનુભવાય. માર્કેટિંગક્ષેત્રમાં તમને સમયનો વ્યય વધુ જોવા મળી શકે છે.
આજનો દિવસ સારી રીતે પસાર થઇ શકે છે અને જો જુના કામની કોઈ ગુંચ પડેલી હોયતો તેને ઉકેલી શકાય તેવા યોગ બની શકે છે, તમારા મનમાં રહેલી કોઈ ઈચ્છા પૂરી થાય કે તેમાં તમને કોઇ મદદ કરતા મળે તેવું પણ બની શકે છે, વેપારમાં યોગ્ય ગણતરીપૂર્વક કામકાજ કરવાથી લાભ થઈ શકે છે.
આજનો દિવસ તમારે સાવચેતીથી પસાર કરવો ઇચ્છનીય છે , વાહન ધીમે ચલાવવું સલાહ ભર્યું છે, હિતશત્રુ અને ખટપટી લોકોથી દુર રહેવાની જરૂર છે , ક્યાય કોઇપણ બાબતની મિલનમુલાકાત કરવાની હોય તે દરમિયાન વાર્તાલાપમાં ધ્યાન આપવું કે જેથી કોઇપણ પ્રકારની ગેરસમજ ટાળી શકાય.
આજનો દિવસ સરસ છે અને તેમાં પણ જો કોઈ જૂનીઓળખાણ તાજી થાયતો તમારી ખુશી અને લાગણીમાં ખુબજ વધારો થાય, તમારા કોઈકામની કદર પ્રત્યક્ષકે પરોક્ષ રીતે થાય. વેપારમાં લાભની વાત સંભાળવા મળી શકે છે. પ્રિયજન તરફથી સારો આદરભાવ જોવા મળે અને ક્યાંક નાનાઅંતરની યાત્રા પણ થઈ શકે.
આજનો દિવસ ધીરજ અને સાવચેતીથી પસાર કરવો, વાહન ધીમે ચલાવવું સલાહ ભર્યું છે, ખટપટ અને ગુસ્સાથી દુર રહેવું જેથી બિનજરૂરી વિવાદ ટાળી શકાય, યુવાવર્ગ માટે મશ્કરીમજાક જેવી બાબતથી દુર રહેવાની સલાહ છે. વેપારમાં કોઈ મોટાનિર્ણય લેતા પહેલા વાતને ચકાસવી યોગ્ય કહી શકાય.
આજનો દિવસ સારો છે, તમને તમારા કામકાજમાં ઉત્સાહ સારો રહે, ક્યાંક મુસાફરી થઈ શકે છે, તમારા ધાર્યા કામ થઇ શકે તેવા યોગ પણ છે, સ્પર્ધાત્મકપરીક્ષાની તૈયારીમાં વધુ સમય ફાળવો યોગ્ય છે, પ્રિયજન સાથે કોઈ ખરીદીકે ફરવાના પ્રસંગ બને અને તેમાં તમને સારી લાગણીનો અનુભવ થાય.
આજનો દિવસ સામાન્ય છે, તમારા કામમાં વ્યસ્ત વધુ રહેવાય તેવા સંજોગો બની શકે છે, જુના કોઈ કામમાં અટવાવતો તેમાં જલ્દીથી ઉકેલન આવે અને સમયનો વ્યય થાય તેવું બની શકે છે, માનસિક થાકની લાગણી તમે વધુ અનુભવો. વેપારમાં નાનું કામ કરવું યોગ્ય છે.
આજનો દિવસ સામાન્ય છે, તમારા મિત્રો સાથે કામની કોઈ લાભકારી ચર્ચા થાય અને તેમાં તમારી ગણતરી મુજબ કામ થાય તેવું બની શકે છે, મુસાફરી થઈ શકે છે, માર્કેટિંગક્ષેત્રમાં રેફરન્સથી કામ કરોતો લાભ થાય, આજે તમારામાં ધાર્મિકભાવના સારી રહે અને કોઈક જાત્રા કરવા જવાના વિચાર વધુ જાગે.
