લોકડાઉનમાં આ વેબસાઈટ કરશે તમારી મદદ

નવી દિલ્હી: લોકડાઉનની સ્થિતિમાં ઘરની બહાર કઈ દુકાનો ખુલી છે અને કઈ દુકાનો બંધ એ જાણવું મુશ્કેલ બની જાય છે. આ મુશ્કેલીના નિવારણ માટે માર્કેટપ્લેસ પ્લેટફોર્મ Quikr એક નવી વેબસાઈટ લોન્ચ કરી છે જેનું નામ www.stillopen.in છે. આ વેબસાઈટ પરથી તમે તમારી નજીકના કરિયાણા સ્ટોર, હોસ્પિટલ, મેડિકલ, કોવિડ-19 સેન્ટર્સ સહિત અન્ય સ્ટોર્સ ખુલા છે કે નહીં એ અંગેની જાણકારી આપશે.

લોકોને રિસ્પોન્સ પર નિર્ભર છે આ વેબસાઈટ:

આ વેબસાઈટ લોકોના રિસ્પોન્સ પર આધાર રાખે છે, એટલે કે તમે આ વેબસાઈટને આધારે કોઈ સ્ટોર્સ પર જાઓ અને તે ખુલ્લો કે બંધ હોય તો તમે આ એપમાં તેનું સ્ટેટ્સ અપડેટ કરી શકો છો. આ રીતે તમે બીજાની મદદ કરી શકો છો. તો અન્ય લોકોએ કરેલી અપડેટથી તમને પણ મદદ મળશે. લોકડાઉનના કપરા સમયે આ વેબસાઈટ યુઝર્સને અત્યંત મદદરૂપ થઈ શકે છે.

આ જગ્યાઓ પર શરું થઈ સર્વિસ:

આ વેબસાઈટ સર્વિસ બેંગ્લુરુ, હૈદરાબાદ, ચૈન્નાઈ, પુણે, મુંબઈ, નવી મુંબઈ, ઠાણે, દિલ્હી, ગુડગાંવ, નોઈડા, ગ્વાલિયર, ગાઝિયાબાદ, ફરીદાબાદ, લખનૌ, અમદાવાદ, પટના, ઈન્દોર, જયપુર, કોચ્ચિ, ચંદીગઢ, કોયમ્બટૂર અને સિકંદરાબાદમાં ઉપલબ્ધ કરવામાં આવી છે.

તો આ પહેલા ગૂગલે ભારત માટે એક વેબસાઈટ રોલઆઉટ કરી હતી. જેમાં મુખ્ય હેલ્પલાઈન નંબર્સ, વાઈરસના લક્ષણો, પ્રોટેક્ટિવ મેજર્સ સહિત અન્ય માહિતી સામેલ છે. આ ઉપરાંત આમાં વિડિયો પણ છે જેની મારફતે બતાવવામાં આવી રહ્યું છે કે, કેવી રીતે લોકો તેમનો સમય ઘર પર પસાર કરી રહ્યા છે, જેમાં કેટલાક ટ્રેનિંગ મોડ્યુલ્સ પણ સામેલ છે. આ વેબસાઈટનું નામ www.google.co.in/covid19 છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]