નવી દિલ્હી: દેશભરમાં ચાલી રહેલા 21 દિવસના લોકડાઉનમાં લોકો ઘરે જ મનોરંજન મળી રહે તે માટે સરકાર તરફથી પણ તમામ પ્રયત્નો કરવામાં આવી રહ્યા છે. ઘરમાં જ લોકોને મનોરંજન મળી રહે તે માટે ડીડી તેમના લોકપ્રિય ટીવી શોન ફરી પ્રસારીત કરી રહી છે. ડીડીએ સૌથી પહેલા રામાયણનું ટેલિકાસ્ટ શરુ કર્યું. ત્યારપછી હવે શક્તિમાન સિરિયલનું પણ પ્રસારણ શરુ કરી દીધું છે. હકીકતમાં 90ના દાયકામાં બાળકોનો આ ફેવરીટ શો હતો.
હવે જેવી ડીડીએ જાહેરાત કરી છે ત્યારથી ડીડી પર લોકો ફરી વખત શક્તિમાન જોવા આતુર બની ગયા છે. આ સાથે લોકો શક્તિમાનને લઈને સોશિયલ મીડિયા પર પણ પોસ્ટ કરી રહ્યા છે ટ્વિટર પર #Shaktimaan ટ્રેન્ડ કરી રહ્યો છે. સાથે જ લોકો શક્તિમાન પર મજેદાર મીમ્સ પણ બનાવીને શેર કરી રહ્યા છે.
મહત્વનું છે કે, દેશભરમાં 14 એપ્રીલ સુધી લોકડાઉન કરવામાં આવ્યું છે. કોરોના વાઈરસથી બચવા માટે સરકાર દ્વારા આ પગલુ લેવામાં આવ્યું છે.
