હેમિલ્ટન – વાઈસ કેપ્ટન અને ઓપનર રોહિત શર્માએ આજે અહીં સીડન પાર્કમાં રમાઈ ગયેલી ત્રીજી ટ્વેન્ટી-20 ઈન્ટરનેશનલ મેચમાં છગ્ગાનો વરસાદ વરસાવતાં ન્યૂઝીલેન્ડનો સુપર ઓવરમાં પરાજય થયો છે અને એ સાથે જ ભારતે પાંચ-મેચોની સિરીઝ પર 3-0થી કબજો લઈ લીધો છે.
ન્યૂઝીલેન્ડના કેપ્ટન કેન વિલિયમ્સને ટોસ જીતીને પહેલા ભારતને બેટિંગ આપી હતી. ભારતે તેના હિસ્સાની 20 ઓવરમાં પાંચ વિકેટના ભોગે 179 રન કર્યા હતા. એમાં રોહિત શર્માનું યોગદાન સૌથી વધુ, 65 રનનું હતું.
એના જવાબમાં ન્યૂઝીલેન્ડનો દાવ ભારે નાટ્યાત્મક વળાંકોવાળો બની રહ્યો હતો. જીતની એકદમ નજીક આવવા છતાં ટીમ 20 ઓવરમાં 6 વિકેટે 179 રન કરી શકી હતી. આમ, મેચ ટાઈ થઈ હતી અને પરિણામ માટે સુપર ઓવરનો સહારો લેવો પડ્યો હતો.
સુપર ઓવરમાં ન્યૂઝીલેન્ડનો વિલિયમ્સન અને માર્ટિન ગપ્ટીલ મેદાનમાં ઉતર્યા હતા. ફાસ્ટ બોલર જસપ્રિત બુમરાહે ફેંકેલી ઓવરમાં કિવી જોડીએ 6 બોલમાં 17 રન ઝૂડી કાઢ્યા હતા. વિલિયમ્સને 11 રન કર્યા હતા.
ભારતનો જવાબ આપવા માટે રોહિત શર્મા અને લોકેશ રાહુલની જોડી મેદાનમાં ઉતરી હતી. ફાસ્ટ બોલર ટીમ સાઉધીની તે ઓવરના પહેલા બોલમાં રોહિતે બે રન લીધા હતા. બીજા બોલમાં એક રન દોડ્યા બાદ રાહુલે ત્રીજા બોલમાં બાઉન્ડરી ફટકારી હતી. ચોથા બોલમાં રાહુલ સિંગલ દોડ્યો હતો અને તે પછીના બંને બોલમાં રોહિતે સિક્સર ફટકારી હતી. આમ, ભારતે 6 બોલમાં 20 રન ઝૂડીને મેચ જીતી લીધી.
રોહિત શર્માએ અગાઉ 40 બોલમાં 65 રન કર્યા હતા, જેમાં 3 સિક્સર અને 6 બાઉન્ડરી હતી. એને પ્લેયર ઓફ ધ મેચ ઘોષિત કરવામાં આવ્યો હતો. સાથી ઓપનર લોકેશ રાહુલે 27 રન કર્યા હતા અને આ જોડીએ પહેલી વિકેટ માટે 9 ઓવરમાં 89 રન કર્યા હતા.
શિવમ દુબે 3, કેપ્ટન વિરાટ કોહલી 38 અને શ્રેયસ ઐયર 17 રન કરીને આઉટ થયો હતો. મનીષ પાંડે 14 અને રવિન્દ્ર જાડેજા 10 રન કરીને નોટઆઉટ રહ્યો હતો.
ન્યૂઝીલેન્ડના દાવમાં માર્ટિન ગપ્ટીલ (31) અને કોલીન મુનરો (14)ની જોડીએ 47 રનનો પાયો નાખ્યો હતો. ત્રીજા નંબરે આવેલા વિલિયમ્સને તોફાની બેટિંગ કરી હતી અને 48 બોલમાં 95 રન કરીને નોટઆઉટ રહ્યો હતો. એના દાવમાં 6 સિક્સર અને 8 બાઉન્ડરીનો સમાવેશ થતો હતો.
ન્યૂઝીલેન્ડના પરાજય માટે જવાબદાર બની રહી એના રેગ્યૂલર દાવની આખરી ઓવર. એમાં ન્યૂઝીલેન્ડે જીત માટે 9 રન કરવાના હતા. મોહમ્મદ શમીએ ફેંકેલી તે ઓવરમાં ગૃહ ટીમે કુલ 8 રન કર્યા હતા. જીતનો રન કરી શકી નહોતી અને બે વિકેટ ગુમાવી હતી. ત્રીજા બોલે વિલિયમ્સન અને છેલ્લા બોલે રોસ ટેલર (17) આઉટ થયો હતો.
હવે ચોથી મેચ 31 જાન્યુઆરીએ વેલિંગ્ટનમાં રમાશે.
           |
26 જાન્યુઆરીની પરેડમાં દુનિયાને પોતાની તાકાત બતાવ્યા બાદ 29 જાન્યુઆરીના રોજ થનારી બીટિંગ રિટ્રીટ સેરેમનીની રાહ જોવાય છે. રાયસીના રોડ પર રાષ્ટ્રપતિ ભવન સામે આનું પ્રદર્શન કરવામાં આવે છે. 26 જાન્યુઆરીની સવારે 10 વાગ્યે નેશનલ સેલ્યૂટ સાથે શરુ થયેલી આ પરેડ આશરે 90 મીનિટ સુધી ચાલી. આમાં એમઆઈ-17 અને રુદ્ર આર્મ્ડ હેલિકોપ્ટરોએ ફ્લાયપાસ્ટ કર્યું. આમાં અલગ-અલગ રાજ્યો, કેન્દ્ર શાસિત પ્રદેશો અને સરકારી વિભાગોના 22 જેટલા ટેબ્લો ઈન્ડિયા ગેટ સામેથી પસાર થયા, બાદમાં સાંસ્કૃતિક કાર્યક્રમ કરતા શાળાના બાળકો અને સીઆરપીએફની ઓલ વુમન ટીમે પોતાનું પ્રદર્શન બતાવ્યું. આ પરેડને જોવા માટે, હજારોની સંખ્યામાં લોકો રાજપથની બંન્ને બાજુ બેસે છે.
અતનુ ચક્રવર્તી પાસે સરકારી પરિસંપત્તિઓના ડિસઇન્વેસ્ટમેન્ટ સંબંધિત કુશળતા છે. બજેટ બનાવવામાં ચક્રવર્તીની મહત્વની ભૂમિકા છે, કારણ કે હાલમાં જ જ્યારે આર્થિક વૃદ્ધિની ગતિ પાંચ ટકાથી નીચે જતી રહી હતી ત્યારે ચક્રવર્તીની અધ્યક્ષતામાં જ એક સમિતિની રચના કરવામાં આવી હતી. આ સમિતિએ દેશના અર્થતંત્રને ફરી પાટા પર લાવવા માટે ઈન્ફ્રાસ્ટ્રક્ચર ક્ષેત્રમાં એક ટ્રિલિયન ડોલરના રોકાણની રૂપરેખા તૈયાર કરી હતી. તેમનું મંતવ્ય ભારતને બજેટ સંબંધી નુકસાનીને નક્કી કરવાની દ્રષ્ટીએ ઘણું મહત્વનું રહેશે. આ ઉપરાંત અર્થતંત્રમાં પૂંજી નાખવા સંબંધિત તેમના સૂચનો જરૂરી બની રહેશે.
