લાખો એન્ડ્રોઇડ યુઝર્સ હેકિંગના જોખમમાં, સરકારની ચેતવણી
જો તમે એન્ડ્રોઇડ સ્માર્ટફોનનો ઉપયોગ કરો છો, તો ભારતીય સરકારી એજન્સી તરફથી તમારા માટે ચેતવણી છે. કમ્પ્યુટર ઇમરજન્સી રિસ્પોન્સ ટીમ (CERT-in) દ્વારા ચેતવણી જારી કરવામાં આવી હતી. જે વર્ઝન માટે ચેતવણી જારી કરવામાં આવી છે તે વર્ઝન ભારતમાં લાખો લોકો દ્વારા ઉપયોગમાં લેવાય છે.
એજન્સીએ એન્ડ્રોઇડ ઓપરેટિંગ સિસ્ટમમાં કેટલીક નબળાઈઓ શોધી કાઢી હોવાના અહેવાલ છે. હુમલાખોરો આ નબળાઈઓનો ઉપયોગ કરીને ડિવાઇસ પર મનસ્વી કોડ ચલાવી શકે છે, જે સંભવિત રીતે સ્માર્ટફોન માટે ખતરો ઉભો કરી શકે છે. CERT-in અનુસાર, આ બગ એન્ડ્રોઇડ 13, 14, 15 અને 16 ને અસર કરે છે. આનો અર્થ એ છે કે લાખો સ્માર્ટફોન જોખમમાં છે, કારણ કે એન્ડ્રોઇડ 16 એ નવીનતમ સંસ્કરણ છે. જો કે, મોટાભાગના લોકો પાસે એન્ડ્રોઇડ 14 અને 15 ચલાવતા સ્માર્ટફોન છે.
જો તમારી પાસે Pixel, Vivo, Oppo, Xiaomi, Realme, Motorola, OnePlus અથવા Samsung સ્માર્ટફોન છે જે આ એન્ડ્રોઇડ વર્ઝન ચલાવે છે, તો સાવચેત રહો. એજન્સી અનુસાર, આ નબળાઈઓ હાર્ડવેર અને સોફ્ટવેર વિક્રેતાઓ તરફથી છે. આમાં Qualcomm, NVIDIA, Broadcom અને Unisoc ના ઘટકોનો સમાવેશ થાય છે. એ નોંધવું યોગ્ય છે કે આ ઘટકોનો ઉપયોગ મોટાભાગના Android સ્માર્ટફોનમાં થાય છે.
ભારત સરકારી એજન્સીએ આ નબળાઈને ઉચ્ચ જોખમ તરીકે વર્ગીકૃત કરી છે. આનો અર્થ એ છે કે હેકર્સ તમારા ફોનમાંથી નાણાકીય વિગતો ચોરી કરવા માટે તેનો ઉપયોગ કરી શકે છે. તેઓ તમારા એકાઉન્ટને ડેબિટ પણ કરી શકે છે.
સારા સમાચાર એ છે કે Google પણ આ નબળાઈથી વાકેફ છે અને નવેમ્બરના સુરક્ષા પેચમાં તેને સુધારી દીધી છે. જો કે, જો તમે સુરક્ષિત રહેવા માંગતા હો, તો તમારે તાત્કાલિક તમારા ફોન પર નવીનતમ સુરક્ષા પેચ ઇન્સ્ટોલ કરવાની જરૂર પડશે, નહીં તો તમારો ફોન સંવેદનશીલ રહેશે.
પરમાણુ પરીક્ષણો પર રાજનાથ સિંહનું મોટું નિવેદન
અમેરિકાના રાષ્ટ્રપતિ ડોનાલ્ડ ટ્રમ્પના નિવેદનો અને પરમાણુ પરીક્ષણોને લગતી ચર્ચા વચ્ચે, સંરક્ષણ પ્રધાન રાજનાથ સિંહે કહ્યું છે કે રાષ્ટ્રીય સુરક્ષા અથવા પરમાણુ પરીક્ષણના મુદ્દાઓ પર કોઈ પણ દેશ ભારત પર દબાણ કરી શકે નહીં. સંરક્ષણ પ્રધાને કહ્યું કે ભારત પરમાણુ પરીક્ષણો અંગે યોગ્ય સમયે યોગ્ય પગલાં લેશે. તેમણે સ્પષ્ટ કર્યું કે ભારત અમેરિકા, પડોશી ચીન, પાકિસ્તાન કે અન્ય કોઈ દેશના આદેશ કે દબાણને વશ નહીં થાય. તેમણે કહ્યું કે ભારત સરકાર વિદેશી દબાણ હેઠળ નહીં, પણ તેના રાષ્ટ્રીય હિતોના આધારે કોઈપણ નિર્ણય લેશે.
તેમણે ઓપરેશન સિંદૂર દરમિયાન ભારત અને પાકિસ્તાન વચ્ચે યુદ્ધવિરામમાં યુએસ હસ્તક્ષેપનો પણ ઇનકાર કર્યો હતો, સ્પષ્ટપણે કહ્યું હતું કે તેમાં કોઈ તૃતીય પક્ષની સંડોવણી નથી. પાકિસ્તાન અને અમેરિકા વચ્ચે સંભવિત પરમાણુ પરીક્ષણ અંગેની ચર્ચાઓ સંબંધિત તાજેતરના વિકાસ વિશે પૂછવામાં આવતા, સિંહે ભારતના વલણને સ્પષ્ટ કરતા કહ્યું, ભવિષ્ય કહેશે કે ભારત શું કરશે. અમેરિકા કે પાકિસ્તાન જે કરી રહ્યું છે તેનાથી ભારત દબાણમાં આવશે નહીં. તેઓ જે ઇચ્છે છે તે કરી શકે છે. અમે જે યોગ્ય લાગે છે તે યોગ્ય સમયે કરીશું.
ઓપરેશન સિંદૂર અંગે, સંરક્ષણ પ્રધાને પુષ્ટિ આપી કે નિયંત્રણ રેખા પર ભારત દ્વારા તેના ઇચ્છિત ઉદ્દેશ્યો પ્રાપ્ત કર્યા પછી જ ઓપરેશન રદ કરવામાં આવ્યું હતું. સિંહે કહ્યું, હું સ્પષ્ટ કરવા માંગુ છું કે અમને પાકિસ્તાનના ડીજીએમઓ તરફથી યુદ્ધવિરામ માટે વારંવાર ફોન આવ્યા હતા. તે ફોન કોલ્સ પ્રાપ્ત થયા પછી અને અમે જે ઉદ્દેશ્યો પ્રાપ્ત કરવા માંગતા હતા તે પ્રાપ્ત કર્યા પછી જ અમે યુદ્ધવિરામનો નિર્ણય લીધો હતો.” તેમણે ઉમેર્યું, “જો જરૂરી હોય તો અમે ઓપરેશન ફરી શરૂ કરીશું.
આતંકવાદ પર શૂન્ય સહિષ્ણુતા
આતંકવાદ પર ભારતની શૂન્ય સહિષ્ણુતા નીતિનો પુનરાવર્તિત કરતા, સંરક્ષણ પ્રધાને સ્પષ્ટ કર્યું કે ભારતીય સેના ફક્ત આતંકવાદી ઠેકાણાઓને નિશાન બનાવવાના તેના લક્ષ્ય પર ધ્યાન કેન્દ્રિત કરે છે. તેમણે કહ્યું કે ભારતીય સેનાએ ઓપરેશન સિંદૂર દરમિયાન ક્યારેય નાગરિક વિસ્તારોને નિશાન બનાવ્યા નથી. સરહદ પારના હુમલાઓ દરમિયાન નાગરિક જાનહાનિના પાકિસ્તાનના દાવાઓને નકારી કાઢતા તેમણે કહ્યું, અમે ફક્ત આતંકવાદીઓને નિશાન બનાવ્યા, નાગરિકોને નહીં.
ખેડૂતોને પાક નુકસાની બદલ રૂ. 10 હજાર કરોડનું સહાય પેકેજ જાહેર
ગાંધીનગર: ગુજરાત સરકારે ખેડૂતોને પાક નુકસાની બદલ રૂ. 10 હજાર કરોડનું સહાય પેકેજ જાહેર કર્યું છે. કમોસમી વરસાદ અને કુદરતી આફતોને કારણે પાકને થયેલા ભારે નુકસાન બાદ સરકારે ખેડૂતોને રાહત આપી છે. હાલમાં ગુજરાતના ખેડૂતો સૌથી મોટી મુશ્કેલીમાં છે, કારણ કે આ વર્ષે ચોમાસામાં ભરપૂર વરસાદ બાદ સતત માવઠાના કારણે ખેડૂતોના પાકને ભારે નુકસાન થયું છે. ત્યારે હવે રાજ્ય સરકારે ખેડૂતો માટે મહત્ત્વપૂર્ણ નિર્ણય લીધો છે.
ગુજરાત સરકારનો મોટો નિર્ણય
રાજ્ય સરકાર દ્વારા મુખ્યમંત્રી ભૂપેન્દ્ર પટેલની અધ્યક્ષતામાં કૃષિ વિભાગ, મહેસૂલ વિભાગ અને નાણાં વિભાગ સહિતના ઉચ્ચ અધિકારીઓ અને મંત્રીઓની સમીક્ષા બેઠક યોજાઈ હતી. બેઠક બાદ ખેડૂતોને પાક નુકસાનીના વળતર માટે રૂપિયા 10 હજાર કરોડ રાહત પેકેજ આપવાનો નિર્ણય લેવાયો છે.
ગુજરાતમાં ગત બે દાયકામાં ન થયો હોય એ પ્રકારનો અસાધારણ કમોસમી વરસાદ આ વર્ષે થતા રાજ્યના વિવિધ જિલ્લાના ખેડૂતોના પાકને મોટું નુકસાન થયું છે.
આ સંદર્ભે, મેં તથા મારા સાથી મંત્રીશ્રીઓએ જુદા-જુદા જિલ્લાઓમાં જઈને અસરગ્રસ્ત ખેડૂતોની સાથે પ્રત્યક્ષ વાતચીત કરીને તેમની સ્થિતિ જાણી હતી.…
— Bhupendra Patel (@Bhupendrapbjp) November 7, 2025
આ સાથે 9 નવેમ્બરથી ગુજરાત સરકાર ખેડૂતો પાસેથી ટેકાના ભાવે રૂ. 15 હજાર કરોડના મૂલ્યની મગફળી, મગ, અડદ અને સોયાબીનની પણ ખરીદી કરશે. મુખ્યમંત્રી ભૂપેન્દ્ર પટેલે એક્સ પર પોસ્ટ કરીને આ માહિતી આપી હતી. જણાવી દઈએ કે, રાજ્યમાં કમોસમી વરસાદના લીધે 42 લાખ હેક્ટર માં 16,000 જેટલા ગામોમાં આ વરસાદથી નુકસાન થયું છે.
આ અંગે મુખ્યમંત્રી ભૂપેન્દ્ર પટેલે જણાવ્યું કે, ‘ગુજરાતમાં ગત બે દાયકામાં ન થયો હોય એ પ્રકારનો અસાધારણ કમોસમી વરસાદ આ વર્ષે થતા રાજ્યના વિવિધ જિલ્લાના ખેડૂતોના પાકને મોટું નુકસાન થયું છે. આ સંદર્ભે, મેં તથા મારા સાથી મંત્રીઓએ જુદા-જુદા જિલ્લાઓમાં જઈને અસરગ્રસ્ત ખેડૂતોની સાથે પ્રત્યક્ષ વાતચીત કરીને તેમની સ્થિતિ જાણી હતી.’
રૂ. 15 હજાર કરોડના મૂલ્યની મગફળી, મગ, અડદ અને સોયાબીનની પણ ખરીદી કરાશે: રાજ્ય સરકાર
મુખ્યમંત્રી ભૂપેન્દ્ર પટેલે વધુમાં જણાવ્યું કે, રાજ્યભરના ખેડૂતોના પાકને થયેલા વ્યાપક નુકસાન સામે તેમની લાગણીને ધ્યાને રાખીને રાજ્ય સરકાર દ્વારા ધરતીપુત્રો માટે આશરે રૂપિયા 10 હજાર કરોડના રાહત-સહાય પેકેજની જાહેરાત કરું છું. આ ઉપરાંત, રાજ્ય સરકાર 9 નવેમ્બરથી ખેડૂતો પાસેથી ટેકાના ભાવે આશરે રૂ. 15,000 કરોડથી વધુના મૂલ્યની મગફળી મગ, અડદ અને સોયાબીનની ખરીદી કરવા પણ જઈ રહી છે. અન્નદાતાઓની આર્થિક સુખાકારીની ચિંતા પોતાના માથે લઈને રાજ્ય સરકાર તેમની સહાયતા માટે હંમેશા પ્રતિબદ્ધ હતી, છે અને રહેશે તેવો વિશ્વાસ આપું છું.’
મગફળી઼ની 9મી નવેમ્બરથી ટેકાના ભાવે ખરીદી: કૃષિ મંત્રી
રાજ્ય સરકારના પ્રવક્તા મંત્રી અને કૃષિ મંત્રી જીતુ વાઘાણીએ જણાવ્યું હતું કે મુખ્યમંત્રીએ મગફળી, અડદ, મગ અને સોયાબીનની ખરીદી માટે સાર્વજનિક રીતે ટેકાના ભાવની ખરીદીની જાહેરાત કરી હતી. SMSથી જાણકારી આપવામાં આવશે અને તે પ્રમાણે ખેડૂતો તેમનો જથ્થો પહોંચાડશે.
125 મણ ખેડૂતની ખરીદી કરવાની સૂચના: કૃષિ મંત્રી
કેન્દ્ર સરકારે ટેકાના ભાવના વધારામાં જાહેરાત કરી છે ત્યારે નિયમ પ્રમાણે ખરીદ કેન્દ્રો દ્વારા ખરીદી થશે અને જરૂર પ્રમાણે સબ સેન્ટર પણ ખોલવામાં આવશે. 125 મણ ખેડૂતની ખરીદી કરવાની સૂચના રાજ્યની સરકારે આપી છે. કેન્દ્રનાં નિયમો મુજબ નિર્ણય લેવામાં આવ્યો છે અને સમગ્ર દેશમાં આ પ્રમાણે ખરીદી થઈ હતી. ભારત સરકારે મગફળીના ભાવ, મગના ભાવની ખરીદીમાં વધારો કર્યો છે. ભારત સરકાર નિયમ પ્રમાણે 25 % ની ખરીદીની જોગવાઈ છે. જેમાં રાજ્ય સરકાર દ્વારા એનાથી વધુ ખરીદી થાય એ પ્રમાણે સપ્રમાણમાં ખરીદી કરી શકાય એ પ્રમાણે સરકાર ખરીદી કરશે. જ્યારે રાહત પેકેજ માટે સરકાર દ્વારા કોઈ જાહેરાત કરવામાં આવી નથી.
7263 રૂ. પ્રતિ ક્વિન્ટન કિંમતે મગફળી ખરીદી કરવામાં આવશે. ગત વર્ષે 3.5 લાખ ખેડૂતોની નોંધણી થઈ હતી, અને સરકાર ખેડૂતોની બજાર બહાર મદદ કરી હતી. આ વખતે 9.5 લાખ મગફળીનું વાવેતર છે અને ગત વર્ષની સરખામણીએ ઓછું હતું. તેમણે જણાવ્યું કે આગમી સમયમાં જરૂરી પરિપત્રો કરવામાં આવશે. કમોસમી વરસાદના નુકસાનને જોતા નિયમો મુજબ જ ખરીદી થશે.
પાક વિમા યોજના અમલમાં મૂકવા માગ
વર્ષ 2019માં રાજ્ય સરકારે રૂ. 3750 કરોડનું કૃષિ રાહત પેકેજ જાહેર કરાયુ હતું. પણ તે વખતે પાક વિમા યોજના અમલમાં હતી પરિણામે ખેડૂતોને રૂ. 10 હજાર કરોડનો આર્થિક ફાયદો પહોંચ્યો હતો. ખેડૂતોનું કહેવુ છે કે, આ વખતે ભલે સરકાર કરોડોનું પેકેજ જાહેર કરે પણ પાક વિમા યોજના બંધ કરાઇ છે. ત્યારે ખેડૂતોની આર્થિક ખોટ સહાયથી સરભર થાય તેમ નથી. આ કારણોસર ખેડૂતોમાં અસંતોષની લાગણી જોવા મળશે તેમાં બે મત નથી.
ધ ફેમિલી મેન 3 નું ધમાકેદાર ટ્રેલર રિલીઝ
ચાહકોની વર્ષોની રાહ જોયા પછી, ‘ધ ફેમિલી મેન’ આખરે આ મહિને તેની શક્તિશાળી ત્રીજી સીઝન સાથે પરત ફરી રહી છે. મનોજ બાજપેયી અભિનીત આ સ્પાય થ્રિલર વેબ સિરીઝમાં ઘણા નવા ચહેરાઓ છે, જે તેને જોવાનું વધુ આનંદપ્રદ બનાવે છે.
નિર્માતાઓ ‘ધ ફેમિલી મેન’ વિશે એક પછી એક અપડેટ્સ જાહેર કરી રહ્યા છે. રિલીઝ તારીખ જાહેર કર્યા પછી, પ્રાઇમ વિડિયોએ તાજેતરમાં બહુપ્રતિક્ષિત વેબ સિરીઝ ‘ધ ફેમિલી મેન 3’ નું ટ્રેલર રિલીઝ કર્યું છે. આ થોડા મિનિટના ટ્રેલરમાં દરેક દ્રશ્ય દર્શકોને વ્યસ્ત રાખશે તે ખાતરી છે.
‘ધ ફેમિલી મેન’ સીઝન 3 નું ટ્રેલર મનોજ બાજપેયીના પ્રિય, શ્રીકાંત તિવારી સાથે શરૂ થાય છે, જે તેમના પુત્રને જણાવે છે કે તે એક એજન્ટ છે. આ ખુલાસા સાથે, શ્રીકાંત તિવારી, જે વર્ષોથી પોતાની ઓળખ છુપાવીને ગુપ્તચર સેવા માટે કામ કરી રહ્યો છે, અને તેનો પરિવાર પણ ઘણી મુશ્કેલીઓનો સામનો કરી રહ્યો છે.
ટ્રેલરમાં બતાવવામાં આવ્યું છે કે દેશની સુરક્ષા માટે જવાબદાર શ્રીકાંત તિવારી વિરુદ્ધ ધરપકડ વોરંટ જારી કરવામાં આવે છે અને પોલીસની નજરમાં તેને મોસ્ટ વોન્ટેડ ગુનેગાર જાહેર કરવામાં આવે છે. શ્રીકાંત તિવારી સમજે છે કે કોઈ સંગઠન મોટી રમત રમી રહ્યું છે, જ્યારે બીજી તરફ, નિમ્રિત કૌર ‘મીરા’ તરીકે પ્રવેશ કરે છે, જે ઉત્તર પૂર્વના સૌથી મોટા ડ્રગ સ્મગલર (જયદીપ અહલાવંત) સાથે હાથ મિલાવે છે.
‘ચંદ્રકાન્ત બક્ષીના શબ્દોનો રોમાંસ’ : ૩૫૦૦ અનોખા શબ્દોનું પુસ્તક
ચંદ્રકાંત બક્ષીના વાચકો એટલે કે ‘યાર બાદશાહો’નો વર્ગ બહોળો છે. ગુજરાતી સાહિત્યમાં એક એલગ અને બહોળો વર્ગ ચંદ્રકાંત બક્ષીના લેખનનો દિવાનો છે. બક્ષીબાબુના નામથી ભાગ્યે જ કોઈ અજાણ હશે.
પરંતુ ચંદ્રકાંત બક્ષીના લેખનમાં એવાં કેટલાંય શબ્દો છે જે ગુજરાતી ભાષામાં પહેલાં ક્યારેય વપરાયા નથી. આવાં જ કેટલાંક શબ્દોને એક પુસ્તકનું સ્વરૂપ આપ્યુ છે સૂરતના મૌલિકાબેન દેરાસરી.
‘ચંદ્રકાન્ત બક્ષીના શબ્દોનો રોમાંસ’ નામનું આ પુસ્તક જાન્યુઆરી મહિનામાં પ્રકાશિત થયુ છે. જેમાં મૌલિકાબેને બક્ષીબાબુના અનન્ય ગુજરાતી શબ્દોનું સંકલન કર્યું છે. આ પુસ્તકમાં બક્ષીબાબુના તમામ પુસ્તકોમાંથી, સંશોધન કરીને લગભગ 3500 જેટલા શબ્દો અને શબ્દપ્રયોગો અલગ તારવવામાં આવ્યા છે. એવા શબ્દો કે જે ગુજરાતી સાહિત્યમાં લગભગ સાવ પહેલીવાર પ્રયોજાયા છે. ચંદ્રકાંત બક્ષીના લખાણમાં આવા અનન્ય શબ્દો જ નહિ, આખેઆખાં વાક્યો પણ જોવા મળ્યાં છે, જે વાચકને અભિભૂત કરતાં રહે છે!
કોઈ લેખકના માત્ર શબ્દો અને શબ્દપ્રયોગો પર પુસ્તક બને એવી આ સાહિત્ય ક્ષેત્રે લગભગ પહેલી ઘટના છે. આવાં જ કેટલાંક શબ્દોની જો વાત કરીએ તો, નપુંસક રોષ, ખડખડ કંકાલ હસવું, નપુંસક સારાઈની બદબૂ, સલ્ફ્યુરિક મિજાજ, સંસ્કારીપણાનો અફીણી કૈફ, એસોર્ટેડ મહાનુભાવો, યાર બાદશાહો, લંગુરાવલોકન, ઉંધા તમાચા જેવી સાફ ભાષા, ક્રોમિયમ પ્લેટેડ પ્રેમ, રોટીવાદી લેખક, આગ જેવો ભડકતો મિજાજ વગેરે.
મૌલિકાબેનનું ચંદ્રકાંત બક્ષી વિશે કહેવું છે કે, “લગભગ ૧૫ વર્ષની ઉંમરથી કોમિક્સ અને વાર્તાઓ ઉપરાંત થોડા ગંભીર વાંચનની શરૂઆત કરી અને એ પણ ઓશોથી. કારણ કે ઘરમાં પિતાજી અને કાકા ઓશોને વાંચતા હતા. પરંતુ જ્યારથી ચંદ્રકાંત બક્ષીને વાંચવાના શરૂ કર્યા છે, પછી બીજા કોઈને વાંચવાની જરૂર જ પડી નથી.”
મૌલિકાબેને ગ્રેજ્યુએશન માઈક્રો બાયોલોજીમાં કર્યુ છે અને પોસ્ટ ગ્રેજ્યુએશન લેબ ટેક્નોલોજીમાં કર્યુ છે. પરંતુ ગુજરાતી સાહિત્યમાં એટલો ઊંડો રસ છે કે વાંચન એમનું સતત ચાલુ રહેતું હોય છે. પરંતુ મૌલિકાબેનનું કહેવું છે કે, “મારા જીવનમાં ચંદ્રકાંત બક્ષી પહેલાંનું વાંચન અને ચંદ્રકાંત બક્ષી પછીનું વાંચન એ બંન્નેમાં ખૂબ જ અંતર રહેલું છે. પહેલાં તો જે હાથમાં આવ્યું એ વાંચ્યું, બધાં જ લેખકોને વાંચ્યા હતા. પરંતુ બક્ષીને વાંચ્યા બાદ પછી બીજા કોઈને વાંચવાની ઈચ્છા જ થઈ નથી. એમણે જે મારા જીવનમાં અને મારા મગજ પર છાપ પાડી તે ખૂબ જ જબરદસ્ત આજે પણ છે. બક્ષીબાબુને જેમ-જેમ વાંચ્યા એમ-એમ જીવન બક્ષીમય બની ગયું. એમની જે વાતો તેમના લખાણમાં હતી તે ધીમે-ધીમે જીવનમાં ઉતરતી ગઈ. આમ તો કહેવાય છે કે પ્રાણ અને પ્રકૃતિ માણસની સાથે જ જાય. પરંતુ મારા જીવનમાં મારી પ્રકૃતિ બક્ષીબાબુને વાંચ્યા બાદ ખૂબ જ બદલાય ગઈ છે. મારી પ્રકૃતિ તો શાંત રહી પણ મિજાજ ક્રાંતિકારી બની ગયો છે. દુનિયા જોવાનો મારો નજરિયો બદલાય ગયો છે.”
મૌલિકાબેને ‘ચંદ્રકાન્ત બક્ષીના શબ્દોનો રોમાંસ’ પુસ્તક લખવા માટે બક્ષીના તમામત 250થી વધુ પુસ્તકો ફરી વાંચ્યા. આ પુસ્તકો મેળવવા માટે મૌલિકાબેન અલગ-અલગ જગ્યાએ ફર્યા, રખડ્યા અનેક મથામણો પછી બક્ષીના તમામ પુસ્તકો મેળવ્યા છે. સૂરતની સરકારી લાયબ્રેરી, નડિયાદની ડાહીલક્ષ્મી લાયબ્રેરી, બક્ષીના ચાહકો, બક્ષી ફેન ક્લબ એવી અનેક જગ્યાઓથી મૌલિકાબેને પુસ્તકો એકત્ર કર્યા હતા અને ‘ચંદ્રકાન્ત બક્ષીના શબ્દોનો રોમાંસ’નો જન્મ થયો.
(રાધિકા રાઓલ, અમદાવાદ)
(તસવીરઃ પ્રજ્ઞેશ વ્યાસ)
એમએસ ધોની આઈપીએલ 2026 રમશે? CSKના CEOએ આપ્યું આશ્ચર્યજનક નિવેદન..
એમએસ ધોની અને ચેન્નાઈ સુપર કિંગ્સના ચાહકો માટે સારા સમાચાર છે. ધોનીએ સ્પષ્ટ કર્યું છે કે તે આઈપીએલ 2026 માટે ઉપલબ્ધ રહેશે. તેની ફિટનેસ અંગે ઘણા પ્રશ્નો હતા, અને ધોનીએ અગાઉ કહ્યું હતું કે તે નવેમ્બર-ડિસેમ્બરમાં નિર્ણય લેશે કે તે આગામી સીઝનમાં રમી શકશે કે નહીં. સીએસકેના સીઈઓ કાસી વિશ્વનાથે પુષ્ટિ આપી હતી કે ધોની 2026 માં પણ રમશે.
એમએસ ધોની આઈપીએલની પહેલી આવૃત્તિથી ટીમ માટે રમી રહ્યા છે, અને ટીમે તેમની કેપ્ટનશીપ હેઠળ પાંચેય ટાઇટલ જીત્યા છે. હાલમાં, રુતુરાજ ગાયકવાડ ઇન્ચાર્જ છે. ધોનીએ 2020માં આંતરરાષ્ટ્રીય ક્રિકેટમાંથી નિવૃત્તિ લીધી ત્યારથી, દર વર્ષે તેમની આઈપીએલ નિવૃત્તિની અફવાઓ સામે આવી છે. આ વખતે, ધોનીના ચાહકોએ નિરાશ થવાની જરૂર નથી, કારણ કે તેણે પોતે કહ્યું છે કે તે આગામી સીઝન માટે ઉપલબ્ધ રહેશે.
કાસી વિશ્વનાથને એમએસ ધોની વિશે શું કહ્યું?
ધોનીની જેમ, પ્રથમ આવૃત્તિ (IPL 2008)થી ફ્રેન્ચાઇઝી સાથે સંકળાયેલા કાસી વિશ્વનાથને ધોનીની ઉપલબ્ધતાની પુષ્ટિ કરી. વિશ્વનાથને જણાવ્યું, “એમએસ ધોનીએ અમને જાણ કરી છે કે તે આગામી સિઝન માટે ઉપલબ્ધ રહેશે.”
CSKની બેઠક 10 અને 11 નવેમ્બરે થવાની સંભાવના છે
ચેન્નઈ સુપર કિંગ્સ ફરી એકવાર સંજુ સેમસન સાથે વેપાર કરાર પર ચર્ચા કરી શકે છે. ટીમના કેપ્ટન રુતુરાજ ગાયકવાડ, કોચ સ્ટીફન ફ્લેમિંગ, CEO અને અન્ય અધિકારીઓ ખેલાડીઓની જાળવણી અને રિલીઝ અંગે ચર્ચા કરવા માટે 10 અને 11 નવેમ્બરે મળવાની અપેક્ષા છે. આગામી સિઝન માટે IPL ની હરાજી ડિસેમ્બરના મધ્યમાં યોજાશે, જેમાં 15 નવેમ્બર તમામ ફ્રેન્ચાઇઝીઓ માટે જાળવી રાખેલા અને રિલીઝ કરાયેલા ખેલાડીઓની યાદી સબમિટ કરવાની અંતિમ તારીખ છે.
અમેરિકા દુનિયાને 150 વખત નષ્ટ કરી શકે છે, પરમાણુ બોમ્બ અંગે ટ્રમ્પના નિવેદનથી હોબાળો
અમેરિકાના રાષ્ટ્રપતિ ડોનાલ્ડ ટ્રમ્પે ફરી એકવાર ભારપૂર્વક ધમકી આપી છે કે, તેમની પાસે દુનિયાને ઘણી વખત નષ્ટ કરવા માટે પૂરતા પરમાણુ શસ્ત્રો છે.
ચીનના રાષ્ટ્રપતિ શી જિનપિંગ સાથેની તેમની મુલાકાતને જબરદસ્ત ગણાવતા ટ્રમ્પે કહ્યું કે તેમનું અંતિમ લક્ષ્ય પરમાણુ મુક્ત વિશ્વ પ્રાપ્ત કરવાનું છે. વ્હાઇટ હાઉસમાં બોલતા ટ્રમ્પે કહ્યું, “મને લાગે છે કે પરમાણુ નિઃશસ્ત્રીકરણ એક અદ્ભુત બાબત હશે. આપણે ગ્રહને 150 વખત ઉડાવી શકીએ છીએ, પરંતુ તેની કોઈ જરૂર નથી.”
અમેરિકા પાસે સૌથી વધુ પરમાણુ શસ્ત્રો છે
ટ્રમ્પના મતે, અમેરિકા પાસે સૌથી વધુ પરમાણુ શસ્ત્રો છે, ત્યારબાદ રશિયા અને ચીનનો નંબર આવે છે. તેમણે કહ્યું, “શી જિનપિંગ અને વ્લાદિમીર પુતિન જેવા નેતાઓ હવે પૈસાનો ઉપયોગ અન્ય હેતુઓ માટે કરશે. મેં તેમની સાથે વાત કરી છે. હવે તેઓ એવા કાર્યો કરશે જેનાથી લોકોનો ફાયદો થાય.” ટ્રમ્પનું આ નિવેદન અમેરિકા, રશિયા અને ચીન વચ્ચે પરમાણુ નિયંત્રણ પર ત્રિપક્ષીય સહયોગની શક્યતા ઉઠાવ્યાના એક દિવસ પછી આવ્યું છે.
આપણે નંબર વન પરમાણુ શક્તિ છીએ: ટ્રમ્પ
ડોનાલ્ડ ટ્રમ્પે કહ્યું હતું કે, “અમે આપણા પરમાણુ શસ્ત્રોને ફરીથી સજ્જ કર્યા છે.” આપણે નંબર વન પરમાણુ શક્તિ છીએ, જે ભયાનક લાગે છે કારણ કે તે ખૂબ જ ડરામણી છે. રશિયા બીજા ક્રમે છે, અને ચીન ત્રીજા ક્રમે છે, પરંતુ તેઓ આગામી ચાર કે પાંચ વર્ષમાં આપણી સાથે પહોંચી શકે છે. હું આખી દુનિયામાં શાંતિ ઇચ્છું છું.
ગયા અઠવાડિયે, યુએસ રાષ્ટ્રપતિએ કહ્યું હતું કે યુનાઇટેડ સ્ટેટ્સ પરમાણુ પરીક્ષણ ફરી શરૂ કરશે. ટ્રમ્પે જાહેરાત કરી હતી કે તેમણે પેન્ટાગોનને શસ્ત્ર પરીક્ષણ ફરી શરૂ કરવા નિર્દેશ આપ્યો છે. ટ્રમ્પે કહ્યું, “મને લાગે છે કે તેઓ (રશિયા અને ચીન) બધા પરમાણુ પરીક્ષણો કરી રહ્યા છે. અમારી પાસે અન્ય કોઈપણ દેશ કરતાં વધુ પરમાણુ શસ્ત્રો છે. અમે પરીક્ષણ કરતા નથી, હકીકતમાં, અમે ઘણા વર્ષો પહેલા તેને બંધ કરી દીધું હતું, પરંતુ અન્ય પરીક્ષણ કરી રહ્યા છે માટે મને લાગે છે કે આપણે પણ કરવું જોઈએ.” ટ્રમ્પે ઉત્તર કોરિયા અને પાકિસ્તાનનો પણ ઉલ્લેખ કરતા કહ્યું કે તેઓ ભૂગર્ભ પરમાણુ પરીક્ષણો પણ કરી રહ્યા છે.
નાયબ મુખ્યમંત્રીએ જવાનો સાથે રાષ્ટ્રગીતનું સમૂહગાન કર્યું
ભૂજ: વંદે માતરમ્ રાષ્ટ્રગીતને આજે 150 વર્ષ પૂર્ણ થયા. આ પ્રસંગે રાજ્યના નાયબ મુખ્યમંત્રી હર્ષ સંઘવીએ લખપત તાલુકાના મોટી છેર ગામની બોર્ડર આઉટ પોસ્ટ ખાતે જવાનો સાથે રાષ્ટ્રગીતનું સમૂહગાન કર્યું હતું. નાયબ મુખ્યમંત્રીએ જવાનો સહિત ઉપસ્થિત અધિકારીઓ અને કર્મચારીઓ સાથે શપથ લઈને “સ્વદેશી અપનાવવા” આહવાન કર્યું હતું.
माँ भारती को नमन! 🇮🇳
माँ भारती की उपासना को समर्पित हमारे राष्ट्रगीत ‘वंदे मातरम्’ के गौरवशाली 150 वर्ष पूर्ण होने के पावन अवसर पर, आज बी.एस.एफ़ की 176वीं बटालियन के वीर जवानों के साथ सहभागी होकर ‘वंदे मातरम्’ के पूर्ण संस्करण का सामूहिक गान किया।
माननीय प्रधानमंत्री श्री… pic.twitter.com/gEgDx9ZRij
— Harsh Sanghavi (@sanghaviharsh) November 7, 2025
આ પ્રસંગે નાયબ મુખ્યમંત્રીએ જણાવ્યું હતું કે, વંદે માતરમ્ રાષ્ટ્રગીતમાં દેશની એકતાના દર્શન થાય છે. સ્વતંત્ર સંગ્રામમાં આઝાદીની ચળવળ સમયે દેશને એકજૂટ રાખવામાં રાષ્ટ્રગીતે મહત્વપૂર્ણ ભૂમિકા ભજવી હતી. આ રાષ્ટ્રગીત દેશભક્તિ, ત્યાગ અને સમર્પણની ભાવના જગાડે છે. દેશના વડાપ્રધાન નરેન્દ્રભાઈ મોદીની પ્રેરણાથી રાષ્ટ્ર ગીતના 150 વર્ષ નિમિત્તે કાશ્મીરથી કન્યાકુમારી સુધી રાષ્ટ્રવ્યાપી ઉજવણી કરીને આ અવસરને મનાવવામાં આવી રહ્યો છે. સીમાઓથી લઈને સમુદ્ર તટ સુધી રાષ્ટ્રગીતનું સમૂહગાન કરવામાં આવી રહ્યું છે. આ પ્રસંગે હર્ષ સંઘવીએ BSF જવાનો સાથે તેમની વચ્ચે જઈને સંવાદ સાથે ચાય પે ચર્ચા કરી હતી.
ICCને બદલવા પડ્યા નિયમો, પ્રતિકા રાવલને પણ મળશે વિજેતા મેડલ..જાણો કેમ?
પ્રતિકા રાવલને મહિલા વર્લ્ડ કપ 2025 જીતવા બદલ ભારતીય ખેલાડીઓને મળેલો વિજેતા મેડલ મળ્યો ન હતો. જોકે, જય શાહની દરમિયાનગીરી બાદ, ICC એ તેના નિયમોમાં ફેરફાર કરવો પડ્યો છે. પ્રતિકાએ પોતે પુષ્ટિ આપી છે કે તેણીને પણ વિજેતા મેડલ મળશે.
ગયા રવિવારે, ભારતીય મહિલા ક્રિકેટ ટીમે ફાઇનલમાં દક્ષિણ આફ્રિકાને હરાવીને પોતાનો પહેલો વર્લ્ડ કપ ટાઇટલ જીત્યો હતો. ચેમ્પિયન બન્યા બાદ, બધી ખેલાડીઓને ટ્રોફી સાથે મેડલ આપવામાં આવ્યા હતા. પ્રતિકા રાવલ પણ હાજર હતી, પરંતુ તેણીને મેડલ મળ્યો ન હતો. નિયમો પ્રમાણે ટીમનો ભાગ રહેલી ફક્ત 15 ખેલાડીઓને મેડલ આપવામાં આવે છે.
જોકે શેફાલી વર્માએ ફક્ત બે મેચ રમી હતી, તેણીને મેડલ આપવામાં આવ્યો હતો કારણ કે તે ફાઇનલમાં ટીમનો ભાગ હતી. શેફાલી કરતાં વધુ મેચ રમનાર પ્રતિકા રાવલને મેડલ આપવામાં આવ્યો ન હતો કારણ કે તે ફાઇનલમાં ટીમનો ભાગ નહોતી.
પ્રતિકા રાવલે પુષ્ટિ આપી કે તેને મેડલ મળશે
એક ન્યૂઝ ચેનલ સાથે વાત કરતા પ્રતિકા રાવલે કહ્યું, “જય શાહે અમારા મેનેજરને મેસેજ કર્યો અને કહ્યું કે તેઓ પ્રતિકાનો મેડલ લાવવાની વ્યવસ્થા કરવા માંગે છે. તેથી હવે આખરે મારી પાસે મારો મેડલ છે.” પ્રતિકાએ પ્રધાનમંત્રી અને રાષ્ટ્રપતિ સાથેની મુલાકાત દરમિયાન જે મેડલ લીધો હતો તે સપોર્ટ સ્ટાફના એક સભ્ય દ્વારા તેમને આપવામાં આવ્યો હતો.
પ્રતિકા રાવલે ખુલાસો કર્યો કે ICC પ્રમુખ જય શાહે પહેલાથી જ અને ખાતરી આપી હતી કે તેણીને તેનો મેડલ મળશે, પરંતુ તેમાં થોડો સમય લાગી શકે છે. એને કહ્યું કે, “જો તમે માનો છો કે મારી પાસે મારો મેડલ છે, તો તે આવવાનો છે.”
બાંગ્લાદેશ સામેની લીગ મેચમાં ઇજાગ્રસ્ત
પ્રતિકા રાવલ બાંગ્લાદેશ સામેની અંતિમ લીગ સ્ટેજ મેચમાં ઘાયલ થઈ હતી, ફિલ્ડિંગ કરતી વખતે તેનો પગ ખરાબ રીતે મચકોડાઈ ગયો હતો. તેણી વ્હીલચેરમાં ફાઇનલમાં હાજરી આપી હતી, અને એ વડા પ્રધાન અને રાષ્ટ્રપતિને પણ મળી હતી. તેણીએ ન્યુઝીલેન્ડ સામેની મહત્વપૂર્ણ મેચમાં ૧૨૨ રનની શાનદાર ઇનિંગ રમી હતી. ઉપરાંત વર્લ્ડ કપમાં છ ઇનિંગમાં ૩૦૮ રન બનાવ્યા હતા.