Home Blog Page 2158

જાપાનમાં ફરી એકવાર આવ્યો જોરદાર ભૂકંપ

જાપાનની ધરતી ફરી એકવાર જોરદાર ભૂકંપથી હચમચી ગઈ છે. GFZ જર્મન રિસર્ચ સેન્ટર ફોર જીઓસાયન્સે જણાવ્યું હતું કે મંગળવારે જાપાનના હોન્શુના પશ્ચિમ કિનારે રિક્ટર સ્કેલ પર 6ની તીવ્રતા ધરાવતો ભૂકંપ આવ્યો હતો. જો કે ભૂકંપ બાદ હજુ સુધી કોઈ જાનહાનિના અહેવાલ નથી. આ પહેલા રવિવારે 5ની તીવ્રતાનો ભૂકંપ આવ્યો હતો. આ વર્ષની શરૂઆત જાપાન માટે સારી રહી ન હતી. 1 જાન્યુઆરીએ દેશમાં આવેલા ખતરનાક ભૂકંપ બાદ સુનામીની ચેતવણી આપવામાં આવી હતી.

1 જાન્યુઆરીએ ખતરનાક ભૂકંપ આવ્યો હતો

આ વર્ષના પહેલા જ દિવસે ખતરનાક ભૂકંપ આવ્યો હતો. 7.6ની તીવ્રતાના ભૂકંપે સમગ્ર દેશમાં તબાહી મચાવી હતી. સુનામીને લઈને ચેતવણી જારી કરવામાં આવી હતી અને ભવિષ્યમાં વધુ ભૂકંપ આવવાની શક્યતા વ્યક્ત કરવામાં આવી હતી. 1 જાન્યુઆરીએ આવેલા ભૂકંપમાં અત્યાર સુધીમાં 126 લોકોના મોત થયા છે. સેંકડો દુકાનો અને મકાનોને નુકસાન થયું હતું.

ભૂકંપ પછી પાવર કટોકટી

1 જાન્યુઆરીએ આવેલા ભૂકંપ બાદ અનેક ઘરોમાં વીજળી સંકટ છે. જાપાનના ઇશિકાવા પ્રીફેક્ચરના રહેવાસીઓ પાવર કટનો સામનો કરી રહ્યા છે. એનામિઝુમાં 1,900 ઘરો પાવર વગરના હતા અને ઇશિકાવા પ્રીફેક્ચરમાં લગભગ 20,000 ઘરો પાવર વગરના હતા. ટેલિફોન સેવા પણ બંધ છે.

પતંગ મહોત્સવથી પ્રભાવિત થયા પરદેશી પતંગ રસિયા

આંતરરાષ્ટ્રીય પતંગ મહોત્સવ-૨૦૨૪ને અમદાવાદમાં સાબરમતી રિવરફ્રન્ટ, વલ્લભસદન ખાતે ખુલ્લો મુકાયા બાદ દેશ વિદેશથી પધારેલા પતંગબાજો ભરપુર મજા માણી રહ્યા છે. આ વર્ષે પતંગ મહોત્સવમાં ૫૫ દેશોના ૧૫૩ આંતરરાષ્ટ્રીય પતંગબાજો, ૧૨ રાજ્યોના ૬૮ રાષ્ટ્રીય પતંગબાજો, ગુજરાતનાં ૨૩ શહેરોના ૮૬૫ પતંગબાજોએ ભાગ લીધો છે. આ પતંગબાજો વિવિધ આકારના પતંગો આકાશમાં ઉડાવીને મુલાકાતીઓમાં આકર્ષણ જમાવી રહ્યા છે. પતંગોને અનુકુળ પવનોને કારણે કાઈટિસ્ટને મજા પડી ગઈ છે. પતંગ મહોત્સવના સતત ત્રીજા દિવસે પણ આંતરરાષ્ટ્રીય પતંગ રસિયાઓ નિષ્ણાતો પતંગોત્સવને માણી રહ્યા છે.


ઈન્ડોનેશિયાથી આવેલા સુરોઆજી ચિત્રલેખા.કોમને કહે છે હું મુળ જોકજાકાર્તાનો છું. ઘણા બધા પતંગોત્સવ જોયા પણ ગુજરાતના અમદાવાદ જેવો ક્યાંય થતો નથી. મને અમદાવાદમાં ખુબજ મજા આવે છે. હું ત્રીજી વાર અહીં આવ્યો છું. મારા ગૃપમાં ચાર જણા છે એ તમામ લોકો એન્જોય કરી રહ્યા છે. અહીં લોકો મદદ કરવાની ભાવનાવાળા છે.
કોલમ્બિયાથી આવેલી એના અને એની સખી એમની ભાષા સિવાય અન્ય ભાષાઓ બહુજ ઓછી સમજે છે પરંતુ એ સાંકેતિક ભાષામાં અને તુટક તુટક અંગ્રેજીમાં કહે છે અમને મજા પડી. ગુજરાત પહેલીવાર જોયું અદભુત. છ વર્ષ કરતાં વધારે સમયથી પતંગબાજ છું પણ આવો સરસ ઉત્સવ ક્યાંય જોયો નથી.


યુરોપના એકદમ નાના દેશ સ્લોવેકિયાથી આવેલી બે પતંગબાજ લુબા અને એન્ડ્રા તો પતંગ મહોત્સવની ભવ્યતા અને આયોજનથી અભિભુત થઈ ગયા હતા. લુબા કહે છે ઘણાં દેશોમાં પતંગ ઉડે છે..હું નાના બાળકોની શિક્ષક છું..અમારા ત્યાં પાનખરની ઋતુ આવે એટલે બાળકોના ઉત્સવ કરીએ. જેમાં જુદી જુદી એક્ટિવિટી થાય છે. આ પતંગ મહોત્સવ જોયા પછી અમને લાગે છે કે અમારે પણ આવા મોટા સ્કેલ કાર્યક્રમ કરવો જોઈએ. અમારો દેશ તો એકદમ નાનો છે. ઓછી વસ્તી, ઓછું ક્ષેત્રફળ પરંતુ અહીંનો ટ્રાફિક જોઈ હું અચંબિત થઈ ગઈ..વિશાળ દેશના લોકોનું હ્રદય પણ મોટું છે. અમને આ પતંગ મહોત્સવમાં ઘણી પ્રેરણા મળી છે. લંડનથી પતંગો પર પુસ્તક લખવા આવેલી લુસી કહે છે આ લોકોને જોડવાનો અનોખો ઉત્સવ છે. હું પ્રથમવાર આવી છું. આ રંગબેરંગી પતંગોથી ભરેલા વિવિધ ડિઝાઇનર પતંગોને માણ્યા છે. હું જુના સિટી વિસ્તારના પતંગ બજારમાં પણ જઈ આવી. પતંગ મહોત્સવથી બહેરિન, ઈટાલી, ઈસ્ટોનિયા અને બેલારુસના પતંગબાજો પણ પ્રભાવિત થયા હતા.

(પ્રજ્ઞેશ વ્યાસ)

ગેબ્રિયલ અટલ ફ્રાન્સના નવા વડાપ્રધાન બન્યા

ફ્રાન્સના રાષ્ટ્રપતિ એમેન્યુઅલ મેક્રોને ગેબ્રિયલ અટલને વડા પ્રધાન તરીકે નિયુક્ત કર્યા છે. ગેબ્રિયલ ફ્રાન્સના વડા પ્રધાન બનનાર સૌથી યુવા અને પ્રથમ ગે વ્યક્તિ છે. તેઓ હાલમાં મેક્રોન સરકારમાં શિક્ષણ મંત્રીનું પદ સંભાળી રહ્યા છે. ગેબ્રિયલએ ખુલ્લેઆમ કહ્યું છે કે તે ગે છે. ખરેખર, ગેબ્રિયલ એલિઝાબેથ બોર્નનું સ્થાન લીધું છે. એલિઝાબેથ બોર્ને ઈમિગ્રેશનને કારણે ઉભી થયેલી તાજેતરની રાજકીય તણાવને કારણે સોમવારે (8 જાન્યુઆરી) PM પદ પરથી રાજીનામું આપી દીધું હતું. એલિઝાબેથ બોર્ને મે 2022 માં પદ સંભાળ્યું. તેમનું રાજીનામું આ વર્ષના અંતમાં યોજાનારી યુરોપિયન ચૂંટણીને કારણે છે. મેક્રોને તેમના વિશે કહ્યું હતું કે એલિઝાબેથે તેમના કાર્યકાળ દરમિયાન હિંમત, પ્રતિબદ્ધતા અને નિશ્ચય દર્શાવ્યો હતો.

 

ઈમેન્યુઅલ મેક્રોને ગેબ્રિયલ વિશે શું કહ્યું?

ઇમેન્યુઅલ મેક્રોને સોશિયલ મીડિયા X પર ફ્રેન્ચમાં લખ્યું: પ્રિય ગેબ્રિયલ અટલ, હું તમારા પર વિશ્વાસ કરી શકું છું. ગેબ્રિયલ અટલ સોશ્યલિસ્ટ પાર્ટીના સભ્ય રહી ચૂક્યા છે. તેઓ 2016 માં મેક્રોન સાથે જોડાયા હતા અને ત્યારબાદ 2020 થી 2022 સુધી સરકારના પ્રવક્તા હતા. જુલાઈ 2023 માં શિક્ષણ પ્રધાન તરીકે નિયુક્ત થયા પહેલા, અટલ બજેટ પ્રધાન પદની જવાબદારી નિભાવી રહ્યા હતા. તાજેતરના ઘણા ઓપિનિયન પોલમાં એવો દાવો કરવામાં આવ્યો હતો કે મેક્રોન સરકારમાં લોકો ગેબ્રિયલ અટલને સૌથી વધુ પસંદ કરે છે.

અયોધ્યામાં વ્યક્તિદીઠ માસિક કમાણી રૂ. 5000થી પણ ઓછી

અયોધ્યાઃ લોકસભાની ચૂંટણીથી પહેલાં અયોધ્યા રાજકીય ચર્ચાનું કેન્દ્ર બની ગયું છે. ભાજપનો દાવો છે કે અયોધ્યામાં વિકાસની ગંગા વહી રહી છે. એ દાવો અયોધ્યાને એક તીર્થ સ્થળ રૂપે વિકસિત કરવામાં આવી રહ્યું છે. વડા પ્રધાન મોદીએ 30 ડિસેમ્બરે અયોધ્યા માટે રૂ. 15,700 કરોડથી વધુના કેટલાય વિકાસ પ્રોજેક્ટનું ઉદઘાટન અને શિલાન્યાસ કર્યો હતો. એમાં પણ રૂ. 15,700 કરોડમાંથી રૂ. 11,100 કરોડ અયોધ્યા અને એની આસપાસનાં વિસ્તારોના વિકાસ પ્રોજેક્ટો માટે છે. વડા પ્રધાને જણાવ્યું હતું કે આ પ્રોજેક્ટ્સ અયોધ્યાને દેશના નકશા પર ફરીથી ગૌરવ સાથે સ્થાપિત કરશે.

આ દાવાઓની સચાઈ તો પછી માલૂમ થશે, પણ અયોધ્યાના લોકોની આવક ઉત્તર પ્રદેશની સરેરાશ પ્રતિ વ્યક્તિ આવક કરતાં પણ ઓછી છે. જિલ્લાની અડધોઅડધ મહિલાઓ એનિમિયા (લોહીની ઊણપ)થી પીડિત છે. પ્રતિ વ્યક્તિ વીજવપરાશ રાષ્ટ્રીય સરેરાશથી ઘણી ઓછી છે. ઉત્તર પ્રદેશના કેન્દ્રમાં સ્થિત અયોધ્યા કેટલાય જિલ્લાઓથી ઘેરાયેલો છે, ઇતિહાસ અને પરંપરાની દ્રષ્ટિએ અયોધ્યા સમૃદ્ધ છે, પરંતુ સામાજિક-આર્થિક મોરચે એની નબળી છબિ ઊભરે છે.

અયોધ્યા જિલ્લામાં વર્ષ 2021-22માં પ્રત્યેક વ્યક્તિની આવક રૂ. 56,787 હતી, જ્યારે યુપીમાં પ્રતિ વ્યક્તિની આવક રૂ. 70,792 છે. જ્યારે રાષ્ટ્રીય સરેરાશ રૂ. 92,583 છે. પ્રતિ વ્યક્તિની આવકને મામલે યુપીના 75 જિલ્લાઓમાં અયોધ્યા 48મા સ્થાને છે.  રાજ્યના કુલ ગ્રોસ ડોમેસ્ટિક પ્રોડક્ટમાં અયોધ્યાનું ઉત્પાદન 0.94 ટકા હતી. અયોધ્યા જિલ્લામાં 2019થી 2021માં 15થી 49 વર્ષની વયની આશરે અડધી મહિલાઓ (50.3 ટકા) એનિમિયાથી પીડિત હતી.

 

 

 

 

PM મોદીએ ગાંધીનગરમાં વૈશ્વિક CEO સાથે મુલાકાત કરી

ગાંધીનગરઃ વડા પ્રધાન મોદી વાઇબ્રન્ટ ગુજરાતમાં ભાગ લેવા માટે અમદાવાદ આવી ચૂક્યા છે. આ વખતે સમિટમાં 36 દેશો સામેલ થઈ રહ્યા છે. એમાં 10 દેશોના ગવર્નર અને મંત્રી સમિટમાં હાજર રહેશે. એ સાથે 15થી વધુ ગ્લોબલ CEO હાજર રહેશે. સમિટના ચીફ ગેસ્ટ UAEના રાષ્ટ્રપતિ શેખ મોહમ્મદ બિન ઝાયેદ અલ નાહ્યાન છે. તેઓ સાંજે અમદાવાદ પહોંચી જશે. વડા પ્રધાન મોદી રાષ્ટ્રપતિ નાહયાનનું સ્વાગત કરશે. ત્યાર બાદ તેઓ એરપોર્ટથી ગાંધી આશ્રમ સુધી ત્રણ કિલોમીટર લાંબો રોડ-શો કરશે.

વાઇબ્રન્ટ ગુજરાત સમિટનું ઉદઘાટન વડા પ્રધાન મોદી આવતી કાલે કરશે. આ સમિટ 10થી 12 જાન્યુઆરી સુધી થશે. આ વખતે સમિટની થીમ ગેટવે ટુ ધ ફ્યુચર છે. આ સમિટમાં માઇક્રોસોફ્ટ, નેસ્ડેક, ગૂગલ, સુઝુકી દેવી મોટી કંપનીઓના CEO સામેલ થશે. આ ઉપરાંત ગૌતમ અદાણી, મુકેશ અંબાણી અને નટરાજન ચંદ્રશેખરન જેવા ભારતીય ઉદ્યોગપતિ પણ ભાગ લેશે. ગુજરાતની યાત્રા દરમ્યાન વડા પ્રધાને ગ્લોબલ કંપનીઓના CEO અને બિઝનેસ લીડર્સ સાથે મુલાકાત કરી હતી.

માઇક્રોન ટેક્નોલોજીના CEO સંજય મેહરોત્રાએ મોદીની સાથે બેઠક પર કહ્યું હતું કે હંમેશાંની જેમ વડા પ્રધાન મોદીની સાથે એક બેઠક ઉત્સાહજનક રહી હતી. આ બેઠકમાં અમે સાણંદ પ્રોજેક્ટની પ્રગતિ અને સેમીકંડક્ટરના ઉત્પાદન માટે કર્મચારીઓ વધારવા વિશે માહિતી આપી હતી.

DP વર્લ્ડના CEO સુલતાન અહેમદ બિન સુલેયમે મોદી સાથેની મુલાકાત પછી કહ્યું હતું કે અમે ભારતમાં મૂડીરોકાણ વિશે ચર્ચા કરી હતી હતી. અમે 2.5 અબજ ડોલરનું મૂડીરોકાણ કર્યું છે અને આવનારાં ત્રણ વર્ષમાં અમે વધુ મૂડીરોકાણ કરીશું.

 

 

 

 

 

વાઈબ્રન્ટ સમિટનો 20 વર્ષમાં દેશના GDPમાં આઠ ટકાનો ફાળો

અમદાવાદઃ વડા પ્રધાન આવતી કાલે 10મી વાઇબ્રન્ટ ગ્લોબલ સમિટનું ઉદઘાટન કરવાના છે, ત્યારે વડા પ્રધાન આજે વિવિધ દેશોના CEOની સાથે મુલાકાત કરી રહ્યા છે. જો આ સમિટની યજમાની માટે ગુજરાત સજ્જ હોવાનું કહીને રાજ્યના મુખ્ય મંત્રી ભૂપેન્દ્ર પટેલે જણાવ્યું હતું કે છેલ્લા બે દાયકામાં દ્વિવાર્ષિક સમિટ માત્ર ગુજરાતની ગતિશીલ ઉદ્યોગ સાહસિક ભાવનાને જ ઉજાગર કરી નથી, પરંતુ અર્થપૂર્ણ ચર્ચાઓને પ્રોત્સાહન આપી એકમો શરૂ કરવા ઉદ્યોગોને આદર્શ મંચ પૂરો પાડ્યો છે. રાજ્યમાં મૂડીરોકાણો આકર્ષિત કરવાના ઉદ્દેશની સાથે આ સમિટે સામાજિક અને આર્થિક વિકાસને પણ ઉત્તેજન આપ્યું છે.

તેમણે જણાવ્યું હતું કે દેશનાં અન્ય રાજ્યોને આ પ્રકારની સમિટનું આયોજન કરવા માટે ગુજરાતે પ્રેરણા આપી છે. આ ઇવેન્ટ એ વૈશ્વિક કાર્યક્રમ બની ગયો છે. યાત્રાનાં 20 વર્ષ દરમ્યાન રાજ્યની ગ્રોસ ડોમેસ્ટિક પ્રોડક્ટ (GDP) વધીને રૂ. 21.61 લાખ કરોડ સુધી પહોંચ્યો છે, જે દેશના GDPમાં 8.3 ટકાનો ફાળો અને ઔદ્યોગિક ઉત્પાદનમાં ૧૮ ટકાનું યોગદાન આપે છે. એ ઉપરાંત નિકાસમાં ૩૩ ટકા હિસ્સો બન્યો છે.

રાજ્ય માત્ર મેન્યુફેક્ચરિંગ, ઓટોમોબાઇલ કે ફાર્માસ્યુટિકલ જ નહીં, પણ અન્ય સેક્ટરોમાં પણ અગ્રેસર રહ્યું છે. આજે ગુજરાતમાં ૧૫ લાખ કરતાં વધુ MSME છે, જે ઔદ્યોગિક ઇકોસિસ્ટમમાં મહત્વ ધરાવે છે. ઔદ્યોગિક જરૂરિયાત અનુસાર કુશળ માનવબળ પણ ગુજરાત ધરાવે છે. રાજ્યમાં બંદરોનું વિશાળ નેટવર્ક છે. એ ઉપરાંત રાજ્યએ સેમિકન્ડક્ટર ટેકનોલોજી, રિન્યુએબલ એનર્જી, ગ્રીન હાઇડ્રોજન અને ઇ-મોબિલિટી જેવા ઉભરતાં ક્ષેત્રો પર લક્ષ્ય કેન્દ્રિત કર્યું છે. આ વાઇબ્રન્ટ સમિટની થીમ ગેટવે ટુ ધ ફ્યુચર છે, જે આંતરરાષ્ટ્રીય સહયોગ મજબૂત બનાવશે.

 

 

 

લેન્ડ ફોર જોબ કેસમાં હેમા યાદવનું પણ નામ

નવી દિલ્હીઃ લાલુ યાદવની મુશ્કેલીઓ ઓછી નથી થતી. લેન્ડ ફોર જોબ એટલે કે નોકરીના બદલામાં જમીન મામલે અંતિમ ચાર્જશીટ દાખલ કરી દેવામાં આવી છે, એમાં લાલુ યાદવની એક વધુ પુત્રી હેમા યાદવનું નામ પણ સામેલ કરવામા આવ્યું છે. આ પહેલાં લાલુ યાદવના પત્ની રાબડી દેવી અને મોટી પુત્રી મિસા ભારતીનું નામ ચાર્જશીટમાં સામેલ કરવામાં આવ્યું હતું. તેમનાથી પૂછપરછ કરવામાં આવી ચૂકી છે. હેમા યાદવ સિવાય ચાર્જશીટમાં હ્દયાનંદ ચૌધરી અને અમિત કાત્યાલનું પણ નામ સામેલ કરવામાં આવ્યું હતું.

આ ચાર્જશીટમાં RJDના પ્રમુખ લાલુ પ્રસાદ યાદવના પરિવારના એક નજદીકી સહયોગી અમિત કાત્યાલ, કેટલીક અન્ય વ્યક્તિઓને નામે પણ કંપનીનાં નામ છે. આ ચાર્શીટમાં PMLA કોર્ટ સમક્ષ દાખલ કરવામાં આવી હતી અને કોર્ટે આ મામલાની સુનાવણી 16 જાન્યુઆરીએ નિર્ધારિત કરી છે.EDએ આ મામલે કાત્યાલની ગયા વર્ષના નવેમ્બરમાં ધરપકડ કરી હતી, જ્યારે લાલુ પ્રસાદ યાદવ અને તેમના પુત્ર અને બિહારના ઉપ મુખ્ય મંત્રી તેજસ્વી યાદવને સમન જારી કર્યા હતા.

શું છે મામલો?

લેન્ડ ફોર જોબ કેસ 2004થી 2009ની વચ્ચેનો છે, જ્યારે લાલુ પ્રસાદ રેલવેપ્રધાન હતા. તેમની પર આરોપ છે કે લાલુ પ્રસાદે પદ પર રહેતાં પરિવારને જમીન હસ્તાંતરિતના બદલામાં રેલવેમાં નોકરીઓ અપાવી હતી. CBIએ એ પણ આરોપ લગાવ્યો હતો કે રેલવેમાં કરવામાં આવેલી ભરતીઓ રેલવેના માપદંડોને અનુરૂપ નહોતી. દિલ્હીની ન્યુ ફ્રેન્ડલી કોલોની સ્થિત મકાન નં.D-1088 (એબી એક્સપોર્ટ્સ પ્રા. લિ.)ને નામે રજિસ્ટર્ડ છે.

 

 

 

 

 

 

 

મોહમ્મદ શમી સહિત 26 એથ્લીટોને અર્જુન એવોર્ડ એનાયત

નવી દિલ્હીઃ ટીમ ઇન્ડિયાના ઝડપી બોલર મોહમ્મદ શમીને દેશના પ્રતિષ્ઠિત અર્જુન એવોર્ડથી સન્માનિત કરવામાં આવ્યો છે. છેલ્લાં કેટલાંક વર્ષોમાં શમીનું પ્રદર્શન શાનદાર રહ્યું છે. વનડે વર્લ્ડ કપમાં શમીએ ટીમ ઈન્ડિયાને ફાઇનલમાં મહત્વની ભૂમિકા ભજવી હતી. શમીએ સાત મેચમાં 24 વિકેટ લીધી હતી. જે પછી તેને અર્જુંન એવોર્ડ માટે પસંદ કરવામાં આવ્યો હતો.

રાષ્ટ્રપતિ દ્રૌપદી મુર્મુએ મોહમ્મદ શમીને અર્જુન એવોર્ડથી સન્માનિત કર્યા. છેલ્લા કેટલાક વર્ષોમાં શમીનું પ્રદર્શન શાનદાર રહ્યું છે. ભારતની ધરતી પર રમાયેલા વર્લ્ડ કપમાં શમીએ ટીમ ઈન્ડિયાને ફાઇનલમાં લઈ જવામાં મહત્વની ભૂમિકા ભજવી હતી.

મોહમ્મદ શમીએ અર્જુન એવોર્ડ વિશે કહ્યું હતું કે આ એવોર્ડ મારા માટે એક સ્વપ્ન સમાન છે, ઘણા રમતવીરો પોતાની રમતમાં શ્રેષ્ઠ યોગદાન આપવા છતાં આ એવોર્ડ જીતી શકતા નથી. હું ખુશ છું કે મને આ એવોર્ડથી સન્માનિત કરવામાં આવ્યો છે.

વર્ષ 2023માં કુલ 26 એથ્લીટોને અર્જુન એવોર્ડથી સન્માનિત કરવામાં આવ્યા હતા. આ યાદીમાં એશિય ગેમ્સ-2023ના એથ્લીટોનો દબદબો રહ્યો હતો. ચીનમાં થયેલા એશિયન ગેમ્સમાં ભારતે 107 મેડલો જીતીને શાનદાર દેખાવ કર્યો હતો.

પેરા-તીરંદાજ શીતલ દેવીને રાષ્ટ્રીય રમત પુરસ્કારમાં રાષ્ટ્રપતિ દ્રૌપદી મુર્મુ તરફથી અર્જુન એવોર્ડ મળ્યો હતો. શીતલ દેવીએ વર્ષ 2023માં ભારત માટે વ્યક્તિગત રીતે ત્રણ ગોલ્ડ મેડલ જીત્યા હતા, આ સાથે તે વિશ્વ પહેલાં નંબરના મહિલા તીરંદાજ બન્યા છે.


અર્જુન એવોર્ડ 2023

ખેલાડી  રમત

ઓજસ પ્રવીણ દેવતાલે- આર્ચરી

અદિતિ ગોપીચંદ સ્વામી- આર્ચરી

શ્રીશંકર એમ –  એથ્લેટિક્સ

પારુલ ચૌધરી-  એથ્લેટિક્સ

મોહમ્મદ હુસામુદ્દીન-બોક્સિંગ

આર વૈશાલી-ચેસ

મોહમ્મદ શમી-ક્રિકેટ

અનુષ અગ્રવાલ-હોર્સ રાઈડિંગ

દિવ્યાકૃતિ સિંહ-હોર્સ રાઈડિંગ

દીક્ષા ડાગર-ગોલ્ફ

કૃષ્ણ બહાદુર પાઠક-હોકી

પુખરામબમ સુશીલા ચાનુ-હોકી

પવન કુમાર-કબડ્ડી

રિતુ નેગી-કબડ્ડી

નસરીન-ખો-ખો

પિંકી-લોન બાઉલ્સ

ઐશ્વર્યા પ્રતાપ સિંહ તોમર-શૂટિંગ

ઈશા સિંહ-શૂટિંગ

હરિન્દર પાલ સિંહ સંધુ-સ્ક્વોશ

આહિકા મુખર્જી-ટેબલ ટેનિસ

સુનીલ કુમાર-રેસલિંગ

અંતિમ-રેસલિંગ

નાઓરેમ રોશિબીના દેવી-વુશુ

શીતલ દેવી પારા-આર્ચરી

ઇલુરી અજય કુમાર રેડ્ડી-બ્લાઇન્ડ ક્રિકેટ

પ્રાચી યાદવ-પેરા કેનોઇંગ

 

 

 

 

તિમોર-લેસ્ટેના રાષ્ટ્રપતિ સાથે વડા પ્રધાનની બેઠક

નવી દિલ્હીઃ વડા પ્રધાન મોદી ત્રણ દિવસની ગુજરાતની મુલાકાતે છે. તેમણે આ દરમ્યાન પહેલા દિવસે ગાંધીનગરમાં  તિમોર-લેસ્ટેના રાષ્ટ્રપતિ જોસ રામોસ-હોર્ટા સાથે દ્વિપક્ષી બેઠક કરી હતી. વડા પ્રધાન ગાંધીનગરમાં મહાત્મા મંદિરમાં વાઇબ્રન્ટ ગુજરાત ગ્લોબલ સમિટ 2024નું ઉદઘાટન કરશે.

તિમોર-લિસ્ટેના રાષ્ટ્રપ્રમુખ ડો. જોસ રામોસ હોર્ટા 8-10 જાન્યુઆરી, 2024 દરમિયાન ગાંધીનગરમાં 10મી વાઇબ્રન્ટ ગુજરાત ગ્લોબલ સમિટમાં ભાગ લેવા માટે ભારતની મુલાકાતે આવ્યા છે.

વડા પ્રધાન નરેન્દ્ર મોદી અને રાષ્ટ્રપતિ હોર્ટા આજે ગાંધીનગરમાં મળ્યા હતા. વડા પ્રધાને રાષ્ટ્રપતિ હોર્ટા અને તેમના પ્રતિનિધિમંડળને વાઇબ્રન્ટ ગુજરાત સમિટમાં ઉષ્માસભર આવકાર આપ્યો હતો, જે બંને દેશો વચ્ચે સૌપ્રથમ વાર રાજ્યના વડા કે સરકારી સ્તરની મુલાકાત છે. પ્રધાનમંત્રીએ જીવંત “દિલ્હી-દીલી” જોડાણનું નિર્માણ કરવાની ભારતની પ્રતિબદ્ધતાની પુનઃપુષ્ટિ કરી હતી. સપ્ટેમ્બર 2023માં, તેમણે દેશમાં ભારતીય મિશન શરૂ કરવાની જાહેરાત કરી હતી. તેમણે ક્ષમતા નિર્માણ, માનવ સંસાધન વિકાસ, આઇટી, ફિનટેક, ઊર્જા અને પરંપરાગત ચિકિત્સા અને ફાર્મા સહિત હેલ્થકેરમાં તિમોર-લેસ્ટેને સહાયની ઓફર કરી હતી. તેમણે તિમોર-લેસ્ટને આંતરરાષ્ટ્રીય સૌર ગઠબંધન (આઇએસએ) અને કોએલિશન ફોર ડિઝાસ્ટર રેસિલન્ટ ઇન્ફ્રાસ્ટ્રક્ચર (સીડીઆરઆઈ)માં જોડાવા આમંત્રણ પણ આપ્યું હતું.

તેમણે તિમોર-લેસ્ટને તેના 11માં સભ્ય તરીકે સ્વીકારવાના આસિયાનના સૈદ્ધાંતિક નિર્ણય બદલ રાષ્ટ્રપતિ હોર્ટાને અભિનંદન પાઠવ્યા હતા અને ટૂંક સમયમાં જ સંપૂર્ણ સભ્યપદ પ્રાપ્ત કરવાની આશા વ્યક્ત કરી હતી.

રાષ્ટ્રપતિ હોર્ટાએ સમિટમાં સહભાગી થવાનું આમંત્રણ આપવા બદલ વડા પ્રધાનનો આભાર માન્યો હતો. તેમણે ભારતની વિકાસલક્ષી પ્રાથમિકતાઓ પૂર્ણ કરવા, ખાસ કરીને આઇટીમાં હેલ્થકેર અને ક્ષમતા નિર્માણનાં ક્ષેત્રોમાં, ભારત પાસેથી ટેકો માગ્યો હતો.

બંને નેતાઓએ ઈન્ડો-પેસિફિકમાં પ્રાદેશિક મુદ્દાઓ અને વિકાસ પર પણ ચર્ચા કરી હતી. રાષ્ટ્રપતિ હોર્ટાએ સંયુક્ત રાષ્ટ્ર સુરક્ષા પરિષદમાં ભારતની કાયમી સદસ્યતા માટે મજબૂત સમર્થન વ્યક્ત કર્યું હતું. બંને નેતાઓએ બહુપક્ષી ક્ષેત્રમાં ઉત્કૃષ્ટ સહકાર જાળવી રાખવાની કટિબદ્ધતા વ્યક્ત કરી હતી. વડા પ્રધાને વોઇસ ફ ગ્લોબલ સાઉથ સમિટનાં બે સંસ્કરણોમાં તિમોર-લેસ્ટેની સક્રિય ભાગીદારીની પ્રશંસા કરી હતી. તેઓ સંમત થયા હતા કે વૈશ્વિક દક્ષિણના દેશોએ વૈશ્વિક મુદ્દાઓ પર તેમની સ્થિતિનો સમન્વય કરવો જોઈએ.

ભારત અને તિમોર-લેસ્ટે વચ્ચેના દ્વિપક્ષી સંબંધો લોકશાહી અને અનેકતાના સહિયારા મૂલ્યો સાથે જોડાયેલા છે. ભારત 2002માં તિમોર-લેસ્ટે સાથે રાજદ્વારી સંબંધો સ્થાપિત કરનાર પ્રથમ દેશોમાંનો એક હતો.

 

 

 

 

 

 

ભારતના વિરોધ પછી મુઇજ્જુ કૂણા પડ્યાઃ દિલ્હી આવવાની શક્યતા

નવી દિલ્હીઃ ભારતથી પંગો લઈને માલદીવે મુસીબત વહોરી લીધી છે. સોશિયલ મિડિયા પર બોયકોટ માલદીવના ટ્રેન્ડથી ત્યાંની સરકારને બેકફૂટમાં મૂકી દીધી છે. માલદીવના રાષ્ટ્રપતિ મોહમ્મદ મુઇજ્જુ સંબંધોમાં આવેલા ટેન્શનને ઓછો કરવા માટે પ્રયાસો કરી રહ્યા છે.

દ્વિપક્ષી દેશના અર્થતંત્રનો મોટો હિસ્સો ટુરિઝમ પર નિર્ભર કરે છે અને ભારતથી આવનારા પર્યટકો, ફિલ્મોના શૂટિંગ વગેરેનો મોટો હિસ્સો હોય છે.હાલ ચીનની યાત્રા પર ગયેલા રાષ્ટ્રપતિ મુઇજ્જુ સંબંધોમાં આવેલી ખટાશને દૂર કરવા માટે ભારતની મુલાકાત લેવા ઇચ્છે છે. મિડિયા અહેવાલમાં દાવો કરવામાં આવી રહ્યો છે કે તેમણે એ માટે પ્રસ્તાવ પણ મોકલ્યો છે. અત્યાર સુધી પરંપરા ચાલી આવી રહી હતી કે માલદીવના રાષ્ટ્રપતિ સત્તા સંભાળ્યા પછી સૌથી પહેલાં ભારતની યાત્રા કરતા હતા. બંને દેશો વચ્ચે ગાઢ કૂટનીતિના સંબંધ છે. મોહમ્મદ મુઇજ્જુને ચીનના સમર્થક કહેવામાં આવે છે. તેઓ ગયા વર્ષે નવેમ્બરમાં પદભાર સંભાળ્યા પછીસતત બીજિંગ માટે પોતાની વફાદારી જારી કરતા રહે છે. સત્તામાં આવ્યા પછી તેઓ તુર્કી, સંયુક્ત આરબ અમીરાતની મુલાકાત લઈ ચૂક્યા છે. હાલ તેઓ ચીનની યાત્રા પર છે.

માલદીવનાં મહિલા મંત્રી મરિયમ શિઉના દ્વારા વડા પ્રધાન મોદીના સોશિયલ મિડિયા પર કરવામાં આવેલી અપમાનજનક ટિપ્પણી પછી માલદીવ સરકારને ભૂલનો અહેસાસ થયો છે. હવે માલદીવના વડા પ્રધાન ભારતની મુલાકાત લેવા ઇચ્છે છે.

 

 

 

 

1...2,1572,1582,159...5,131Page 2,158 of 5,131