મોહાલીઃ ભારત અને શ્રીલંકા વચ્ચે આજે અહીં ત્રણ મેચની શ્રેણીની પહેલી ટેસ્ટ મેચ શરૂ થઈ ગઈ છે. ભારતના કેપ્ટન રોહિત શર્મા ટોસ જીતી પહેલા બેટિંગ પસંદ કરી છે. આ ટેસ્ટ ભૂતપૂર્વ કેપ્ટન વિરાટ કોહલીની કારકિર્દીની 100મી મેચ છે. ભારતીય ક્રિકેટ કન્ટ્રોલ બોર્ડ તરફથી મેચના આરંભ પૂર્વે કોહલીનું સમ્માન કરવામાં આવ્યું હતું. ટીમના હેડ કોચ અને ભૂતપૂર્વ કેપ્ટન રાહુલ દ્રવિડે કોહલીને સ્પેશિયલ કેપ સુપરત કરી હતી.
એ પ્રસંગે કોહલીની સાથે એની અભિનેત્રી પત્ની અનુષ્કા શર્મા પણ ઉપસ્થિત રહી હતી.
