નવી દિલ્હીઃ વેઈટલિફ્ટર મીરાબાઈ ચાનૂને આવતા વર્ષે નિર્ધારિત ટોકિયો ઓલિમ્પિક્સ પૂર્વે ખાસ તાલીમ લેવા માટે અમેરિકા મોકલવાના પ્રસ્તાવને સ્પોર્ટ્સ ઓથોરિટી ઓફ ઈન્ડિયા સંસ્થાએ મંજૂર રાખ્યો છે.
સંસ્થાએ મીરાબાઈની તાલીમ માટે રૂ. 40 લાખની રકમને મંજૂરી આપી છે.
આ ફંડ ‘ટાર્ગેટ ઓલિમ્પિક પોડીયમ સ્કીમ’ના ભાગરૂપે મંજૂર કરવામાં આવ્યું છે.
સંસ્થાએ જુદી જુદી છ રમતોના ખેલાડીઓની તાલીમ માટે કુલ રૂ. દોઢ કરોડ ફાળવ્યા છે.
કેન્દ્રીય સ્પોર્ટ્સ પ્રધાન કિરન રીજીજુનું કહેવું છે કે અમેરિકામાં વિશેષ તાલીમ મેળવવાથી ચાનૂને એની ઓલિમ્પિક્સની તૈયારીમાં સજ્જ બનવામાં સહાયતા મળશે.
