હાંગ્ઝોઃ ભારતની સ્ટાર બેડમિન્ટન ખેલાડી અને બે વખત ઓલિમ્પિક્સમાં મેડલ જીતનાર પી.વી. સિંધુ અહીં રમાતી 19મી એશિયન ગેમ્સમાં સફળ થઈ શકી નથી. મહિલાઓની સિંગલ્સ ક્વાર્ટર ફાઈનલ મેચમાં આજે એનો ચીનની હરીફ સામે પરાજય થયો છે. ચીનની બિંગજિયાઓ હે સામે સિંધુનો 0-2થી પરાજય થયો છે. બિંગજિયાઓએ આ મેચમાં સિંધુને 21-16, 21-12 સ્કોરથી પરાજય આપ્યો હતો.
2023ના આખા વર્ષમાં સિંધુનો દેખાવ નીરસ રહ્યો છે. તે સાત સ્પર્ધાઓમાં પહેલા જ રાઉન્ડમાં હારી ગઈ છે. આ વર્ષમાં તેણે હજી સુધી એકેય વિજેતાપદ જીત્યું નથી.
