નવી દિલ્હીઃ લાંબા સમયથી પેટ્રોલ અને ડીઝલમાં કાપની માગ નવા વર્ષે પૂરી થવાની શક્યતા છે. સરકારે સંકેત આપ્યા છે કે ક્રૂડની કિંમતો 80 ડોલરની નીચે રહેવા પર પેટ્રોલ અને ડીઝલની કિંમતોમાં કાપ મૂકવાની જાહેરાત કરાવાની સંભાવના છે. ડિસમ્બરમાં બ્રેન્ટ ક્રૂડ આ સ્તરની નીચે રહ્યું છે.
આ સાથે છેલ્લા બે મહિનાથી મોટો ભાગનો સમય બ્રેન્ટ પ્રતિ ડોલર 85 ડોલરથી નીચે રહ્યું છે. એ સાથે વર્ષ 2024માં પણ ક્રૂડ ઓઇલમાં નરમાઈનો અંદાજ છે, જેથી અપેક્ષા છે કે ક્રૂડમાં નરમાઈને કારણે પેટ્રોલ અને ડીઝલની કિંમતોમાં પણ ઘટાડો થશે. વર્ષ 2023માં ક્રૂડ ઓઇલની કિંમતોમાં ઘટાડો જોવા મળ્યો હતો અને ભાવ 10 ટકા તૂટ્યા હતા. ક્રૂડની કિંમતોમાં ઘટાડો ત્યારે જોવા મળ્યો હતો, જ્યારે ક્રૂડ ઉત્પાદક દેશો ઉત્પાદનમાં કાપ મૂકી રહ્યા હતા અને જિયો પોલિલિટિકલ ટેન્શનની અસર પણ જોવા મળી રહી છે.
વર્ષ 2023ના અંતમાં બ્રેન્ટ ફ્યુચર 77 ડોલર પ્રતિ બેરલ પર હતું. જ્યારે WTI ક્રૂડ પ્રતિ ડોલર 72 ની નીચે બંધ થયું હતું. આ વર્ષે ભાવ 10 ટકા તૂટ્યા છે, જ્યારે વર્ષ 2022માં બ્રેન્ટ 10 ટકા અને WTI સાત ટકા વધ્યું હતું.
વિશ્લેષકોના સર્વે અનુસાર વર્ષ 2024માં ક્રૂટનો સરેરાશ ભાવ પ્રતિ બેરલ 82.56 ડોલર રહેવાની શક્યતા છે. જોકે આ પહેલાં પ્રતિ બેરલ 84 ડોલર રહેવાનો અંદાજ હતો, પણ બે મહિનામાં ક્રૂડની વૈશ્વિક કિંમતોમાં બે ડોલરનો ઘટાડો નોંધાયો હતો.
