કટક – ઓડિશા રાજ્યના કટક શહેરના સ્ટેશન નજીક નરગુંડી સ્ટેશન પાસે આજે સવારે મુંબઈ-ભૂવનેશ્વર વચ્ચે દોડતી લોકમાન્ય તિલક એક્સપ્રેસ ટ્રેન ખડી પડતાં 20 જેટલા પ્રવાસીઓને ઈજા થઈ છે. તમામ પ્રવાસીઓને હોસ્પિટલમાં દાખલ કરવામાં આવ્યા હતા અને તેઓ ભયમુક્ત હોવાનો અહેવાલ છે.
આ દુર્ઘટના ગાઢ ધૂમ્મસને કારણે થઈ હોવાનું કહેવાય છે. દુર્ઘટના કટક શહેરથી 15 કિ.મી. દૂરના સ્થળે થઈ હતી.
સવારે 7 વાગ્યે નરગુંડી સ્ટેશન નજીક લોકમાન્ય તિલક એક્સપ્રેસ ટ્રેન એક ગૂડ્સ ટ્રેનની ગાર્ડ વાન સાથે અથડાતાં એક્સપ્રેસ ટ્રેનના પાંચ ડબ્બા પાટા પરથી ખડી પડ્યા હતા.
ઈજાગ્રસ્તોને હોસ્પિટલમાં દાખલ કરવામાં આવ્યા છે.
ઈસ્ટ કોસ્ટ રેલવે હેલ્પલાઈન નંબર છેઃ 1072.
