નવી દિલ્હીઃ કોરોના વાઇરસના જોખમને જોતાં અને એનો ચેપ વધારે ફેલાય નહીં એના માટે વડા પ્રધાન નરેન્દ્ર મોદીએ ત્રીજી મે, 2020 સુધી દેશભરમાં લોકડાઉન વધારવાનો નિર્ણય કર્યો છે. આ લોકડાઉનને ધ્યાનમાં રાખતાં ઇન્ડિયન રેલવે દ્વારા પ્રીમિયમ ટ્રેનો, મેલ/એક્સપ્રેસ ટ્રેનો, પેસેન્જર ટ્રેનો, ઉપનગર ટ્રેનો, કોલકાતા મેટ્રો ટ્રેનો, કોંકણ રેલવે સહતિ બધી પેસેન્જર્સ ટ્રેન સેવાઓને ત્રીજી મે, 2020 સુધી 24 કલાક રદ રહેશે.
માલ અને પાર્સલ ગાડીઓ ચાલુ રહેશે
આ સિવાય ભારતીય રેલવે દ્વારા કરાયેલી જાહેરાત મુજબ દેશના વિવિધ ભાગોમાં આવશ્યક ચીજવસ્તુઓનો પરુવઠો પહોંચાડવા માટે માલ અને પાર્સલ ગાડીઓની આવ-જા ચાલુ રાખવામાં આવશે.આ સાથે પેસેન્જર ટિકિટ બુકિંગ ત્રીજી મો સુધી બંધ કરવામાં આવી છે.રેલવે સ્ટેશનો અને રેલવે સ્ટેશનના વિસ્તારમાં રિઝર્વ-અનરિઝર્વ પ્રવાસ માટે રેલવે પ્રવાસની ટિકિટોનાં બુકિંગ માટે બધાં કાઉન્ટર ત્રીજી મે, 2020 સુધી બંધ રહેશે, એમ રેલવે મંત્રાલયના એક્ઝિક્યુટિવ ડિરેક્ટર રાજેશ દત્ત વાજપેયીએ આપી હતી.
આ પહેલાં રાષ્ટ્રને નામ સંબોધનમાં વડા પ્રધાન મોદીએ કહ્યું હતું કે ત્રીજી મે સુધુ દરેક દેશવાસીઓએ લોકડાઉનમાં ઘરે જ રહેવું પડશે. આગામી એક સપ્તાહમાં કોરોના સામેની લડાઈમાં સખતાઈ વધારવામાં આવશે. તેમણે કહ્યું હતું કે કોઈએ બેજવાબદારી કરવી ના જોઈએ અને કોઈને બેજવાબદાર વર્તણૂક કરવા દેવાની છે. આ માટે સરકાર દ્વારા એક વિસ્તૃત ગાઇડલાઇન જારી કરવામાં આવશે.
