બિહાર વિધાનસભા ચૂંટણીઃ મતગણતરી ટ્રેન્ડ્સમાં NDAને બહુમતી પ્રાપ્ત

પટનાઃ બિહાર વિધાનસભાની ચૂંટણીમાં આજે સવારથી હાથ ધરાયેલી મતગણતરીમાં બપોરે 12 વાગ્યા સુધીમાં પ્રાપ્ત ટ્રેન્ડ અનુસાર, મુખ્ય પ્રધાન નીતિશ કુમારની જનતા દળ યુનાઈટેડ (જેડીયુ) અને ભારતીય જનતા પાર્ટી સહિતનું એનડીએ ગ્રુપ 131 બેઠકો પર સરસાઈ મેળવીને બહુમતી હાંસલ કરી ચૂક્યું હતું. ભાજપ અને જેડીયુ પાર્ટીઓના કાર્યકર્તાઓએ પટનામાં જીતની ઉજવણી કરવાનું શરૂ પણ કરી દીધું છે.

243-સભ્યોની વિધાનસભામાં સરકાર રચવા માટે કોઈ પણ પાર્ટી કે પાર્ટીઓના જૂથે ઓછામાં ઓછી 122 સીટ જીતવી પડે.

બિહાર ચૂંટણી માટે 38 જિલ્લાના 55 મતગણતરી કેન્દ્રો પર મતગણતરી થઈ રહી છે. નીતીશકુમાર છેલ્લાં 15 વર્ષોથી બિહારના મુખ્ય પ્રધાન પદે છે.

તેજસ્વી યાદવના નેતૃત્ત્વ હેઠળના રાષ્ટ્રીય જનતા દળે ચૂંટણીમાં ઉલ્લેખનીય દેખાવ કર્યો છે. આરજેડી, કોંગ્રેસ તથા ડાબેરી પક્ષોના બનાવાયેલા મહાગઠબંધનના ઉમેદવારો 103 સીટ પર સરસાઈમાં હતા.

પક્ષવાર સ્થિતિ મુજબ, ભાજપના ઉમેદવારો 74 સીટ પર આગળ હતા, જ્યારે જેડીયુના 48, આરજેડીના 64, કોંગ્રેસના 20, એલજેપીના 2, તથા અન્ય પક્ષો તથા અપક્ષ સહિતના ઉમેદવારો 29 બેઠકો પર આગળ હતા.

પ્રારંભિક મતગણતરી ઝોક તેજસ્વી યાદવની આગેવાની હેઠળના મહાગઠબંધનતરી જણાઈ રહ્યો છે. જોકે નીતીશકુમારની આગેવાની હેઠળના NDA પણ કાંટાની ટક્કર આપી રહ્યો છે. જોકે તેજસ્વી યાદવના નેતૃત્વમાં ચૂંટણી લડી રહેલા મહાગઠબંધને 125નો આંકડો પાર કર્યો હતો, જ્યારે NDA 110 સીટો પર આગળ ચાલી રહ્યો છે.આમ મહાગઠબંધન અને NDA વચ્ચે તીવ્ર રસાકસી ચાલી રહી છે.

પોસ્ટલ બેલેટમાં ભાજપ- જેડીયુની પકડ માનવામાં આવે છે, પણ એમાં મહાગઠબંધન આગળનો અર્થ છે કે નોકરિયાત- મિડલ ક્લાસ મતો મહાગઠબંધની તરફેણમાં પડ્યા છે. જોકે ચૂંટણીનો અસલી માહોલ સવારે 10 કલાક પછી લાગશે, જ્યારે EVM ખૂલશે.

તેજસ્વીને જન્મદિવસની ગિફ્ટ મળશે? કે નીતીશને મળશે વધુ એક તક?

તમામ એક્ઝિટ પોલમાં મહાગઠબંધનને બહુમતી મળતી જોવા મળી હતી, પરંતુ શું નીતીશકુમારનો વિશ્વાસ કામ કરશે? છેલ્લા કેટલાક સમયથી એક મોટો સવાલ બિહારમાં ‘કા બા’ નો જવાબ આજે મળી જશે. ગઈ કાલે આરજેડીના સુપ્રીમો તેજસ્વી યાદવે જન્મદિવસ ઊજવ્યો હતો. હવે જોવાનું એ રહે છે કે તેમનો ગિફ્ટમાં મુખ્ય પ્રધાનની ખુરશી મળે છે કે નહીં?

બીજી બાજુ, નીતીશકુમાર તો પહેલાં જ કહી ચૂક્યા છે કે આ તેમની અંતિમ ચૂંટણી છે. આવામાં શું જનતા તેમને વધુ એક તક આપશે? વળી, ચિરાગ પાસવાન પર લોકોની નજર ચોંટેલી છે, કેમ કે પરિણામો પછી તે કયું વલણ અપનાવે છે?  નવી ખેલાડી પુષ્પમ પ્રિયા પર પણ લોકો નજર રાખી રહ્યા છે.

 

 

 

 

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]