નવી દિલ્હીઃ દેશમાં કોરોનાનો નવા કેસોમાં ઘટાડો નોંધાયો હતો. છેલ્લા 24 કલાકમાં કોરોનાના 2,09,918 નવા કેસ નોંધાયા છે, જે ગઈ કાલની તુલનાએ 10.4 ટકા ઓછા છે. ગઈ કાલે કોરોના 2.34 લાખ કેસો નોંધાયા હતા. દેશમાં છેલ્લા 24 કલાકમાં 959 લોકોનાં મોત થયાં છે. દેશમાં આ વાઇરસથી અત્યાર સુધી કુલ 4,13,02,440 લાખ લોકો સંક્રમિત થઈ ચૂક્યા છે. દેશમાં અત્યાર સુધી 4,95,050 લોકોનાં મોત થયાં છે. દૈનિક પોઝિટિવ રેટ ઘટીને 15.77 ટકા થયો છે. સાપ્તાહિક સંક્રમણ દર 15.75 ટકા છે. 
દેશમાં અત્યાર સુધી આ ખતરનાક બીમારીને 3,89,76,122 લોકો માત આપી ચૂક્યા છે. પાછલા 24 કલાકમાં 2,62,628 લોકો કોરોના સંક્રમણથી ઠીક થયા છે. દેશમાં કુલ સક્રિય લોકોની સંખ્યા 18,31,268એ પહોંચી છે. રિકવરી રેટ વધીને 94.37 ટકાએ પહોંચ્યો છે. મૃત્યુદર ઘટીને 1.20 ટકા થયો છે.કેન્દ્રીય આરોગ્ય મંત્રાલયના આંકડા ગઈ કાલે 13,31,198 લોકોનાં સેમ્પલનાં ટેસ્ટિંગ થયાં છે. દેશમાં અત્યાર સુધી 72.89 કરોડ કોરોનાના ટેસ્ટ કરવામાં આવ્યા છે.
દેશમાં 166.03 લાખ લોકોનું રસીકરણ
દેશમાં અત્યાર સુધીમાં 1,66,03,96,227 લાખ લોકોને કોરોનાની રસી આપવામાં આવી ચૂકી છે. ગઈ કાલે 28,90,986 લોકોને રસી આપવામાં આવી હતી.
દેશમાં કોરોના કેસોની રાજ્યવાર માહિતી નીચે મુજબ છે.
