નવી દિલ્હીઃ દેશમાં કોરોના સંક્રમિતોની સંખ્યામાં સતત વધારો થઈ રહ્યો છે. આરોગ્ય મંત્રાલયે જારી કરેલા આંકડા મુજબ પાછલા 24 કલાકમાં 16,922 નવા કેસ સામે આવ્યા છે અને 418 લોકોનાં મોત થયાં છે. દેશમાં આ વાઇરસથી અત્યાર સુધી કુલ 4,73,105 લોકો સંક્રમિત થઈ ચૂક્યા છે અને અત્યાર સુધી 14,894 લોકોનાં મોત થયાં છે. જોકે આ ખતરનાક બીમારીને 2,71,697 લોકો માત આપી ચૂક્યા છે. જ્યારે હાલ આ વાઇરસના સંક્રમિત સક્રિય લોકોની સંખ્યા 1,86,514એ પહોંચી છે. રિકવરી રેટ 57.42 ટકાએ પહોંચ્યો છે. દેશમાં કોરોનાના 75 લાખથી વધુ ટેસ્ટ થઈ ચૂક્યા છે.
પાછલા 20 કલાકમાં મહત્ત્વના અપડેટ…
|
વિશ્વમાં કોરોનાથી 95 લાખથી વધુ લોકો કોરોના સંક્રમિત
વિશ્વમાં કોરોના વાઇરસથી અત્યાર સુધી 4,84,1960 લોકોનાં મોત થયાં છે અને અત્યાર સુધી કોરોના સંક્રમિતોની સંખ્યા 95,26,495એ પહોંચી છે.
દેશમાં કોરોના કેસોની રાજ્યવાર માહિતી નીચે મુજબ છે.
