નડિયાદ: શહેરમાં બે દિવસીય 23મી ઉષા નેશનલ એથ્લેટિક્સ ચેમ્પિયનશિપ ફોર ધ બ્લાઈન્ડ પીપલનું આયોજન કરવામાં આવ્યું હતું. જેમાં યુવા રમતવીરોએ ઉત્સાહભેર મોટી સંખ્યામાં ભાગ લીધો હતો. ખેલાડીઓને પ્રોત્સાહન આપવા માટે નડિયાદ નગરપાલિકાના પ્રમુખ કિન્નરીબેન શાહ ખાસ ઉપસ્થિત રહ્યા હતા. ઇન્ડિયન બ્લાઇન્ડ સ્પોર્ટ્સ એસોસિએશન (IBSA) દ્વારા આ દ્વિ-વાર્ષિક આયોજન કરવામાં આવ્યું હતું.
પુરૂષ અને મહિલા ખેલાડીઓએ ઓપન કેટેગરીમાં ફિલ્ડ સ્પોર્ટસ, ટ્રેક સ્પોર્ટ્સ અને રિલે રેસ જેવી સ્પર્ધાઓમાં ભાગ લીધો હતો. સંપૂર્ણ દૃષ્ટિહીન એથ્લેટ્સે T-11 અને F-11 કેટેગરીમાં ભગા લીધો હતો. જ્યારે ઓછી દ્રષ્ટિ ધરાવતા ખેલાડીઓએ T-12, T-13 અને F-12, F-13 કેટેગરીમાં ભાગ લીધો હતો. તામિલનાડુ, મહારાષ્ટ્ર, ઉત્તર પ્રદેશ, પશ્ચિમ બંગાળ, કર્ણાટક, છત્તીસગઢ, મધ્ય પ્રદેશ, રાજસ્થાન, ગુજરાત, પંજાબ, તેલંગાણા, હિમાચલ પ્રદેશ, દિલ્હી, દમણ, દીવ, જમ્મુ-કાશ્મીર, મિઝોરમ, ઉત્તરાખંડ, આંધ્ર પ્રદેશ અને ચંદીગઢે સહિત 19 રાજ્ય અને કેન્દ્ર શાસિત પ્રદેશના અધિકારીઓ સાથે કુલ 175 દૃષ્ટિહીન ખેલાડીઓએ આ રમતોત્સવમાં ભાગ લીધો હતો. ચેમ્પિયનશિપમાં ભાગ લીધો હતો. દરેક શ્રેણી હેઠળ ટીમ ચેમ્પિયનશિપના પરિણામો પર એક નજર કરીએ તો,
| શ્રેણી | ટીમ | ચેમ્પિયનશિપ્સ |
| પુરુષો | T11 અને F11 | તમિલનાડુ |
| પુરુષો | T12 અને F12 | ગુજરાત |
| પુરુષો | T13 અને F13 | ઉત્તરાખંડ |
| મહિલા | T11 અને F11 | ચંદીગઢ |
| મહિલા | T12 અને F12 | મહારાષ્ટ્ર |
| મહિલા | T13 અને F13 | મધ્યપ્રદેશ |
ઇન્ડિયન બ્લાઇન્ડ સ્પોર્ટ્સ એસોસિએશનના જનરલ સેક્રેટરીએ ડેવિડ એ. જણાવ્યું, ” દૃષ્ટિહીન ખેલાડીઓ માટે એથ્લેટિક્સ ચેમ્પિયનશીપનું આયોજન કરવું તે ખરેખર અમારા માટે ગર્વની વાત છે. દરેક ઇવેન્ટ સાથે તેમની વધતી જતી સફળતાના સાક્ષી બનવાનો અમને અવસર મળે છે. હું પેરા સ્પોર્ટ્સ એસોસિએશન ઓફ ગુજરાત અને બ્લાઈન્ડ સ્પોર્ટ્સ એસોસિએશન ઓફ ગુજરાતનો ખરેખર દિલથી આભારી છું. તેઓ ઈન્ડિયન બ્લાઈન્ડ સ્પોર્ટ્સ એસોસિએશન સાથે જોડાયા અને આ અવિશ્વસનીય સિદ્ધિઓને વિશ્વ સમક્ષ દર્શાવવા માટે અમારા સહયોગી બન્યા. અહીં અમે વિજેતાઓને જ નહીં, પરંતુ દરેક ભાગ લેનારા ખેલાડીના ઉત્સાહ અને પ્રયાસોની ઉજવણી કરી રહ્યા છીએ. જે ખેલદિલી અને ટીમવર્કના સાચા સારને સાર્થક બનાવે છે.”
IBSA શું છે?
1986માં સ્થપાયેલ ઈન્ડિયન બ્લાઈન્ડ સ્પોર્ટ્સ એસોસિએશન એ ઈન્ટરનેશનલ બ્લાઈન્ડ સ્પોર્ટ્સ ફેડરેશન સાથે જોડાયેલ રાષ્ટ્રીય કક્ષાનું સ્પોર્ટ્સ ફેડરેશન છે. જે દૃષ્ટિહીન તેમજ ભારતની પેરાલિમ્પિક્સ કમિટી સાથેની સર્વોચ્ચ વિશ્વ રમત-ગમત સંસ્થા છે. એસોસિએશન પાસે 20 રાજ્ય સંસ્થાઓ અને 4 રમત (ફૂટબોલ, ગોલબોલ, કબડ્ડી અને જુડો) વિશિષ્ટ ફેડરેશન્સનું જોડાણ છે. વિશ્વ સંસ્થાના સંલગ્ન તરીકે, IBSA દૃષ્ટિહીન ખેલાડીઓને પસંદ કરે છે, તાલીમ આપે છે અને વિશ્વકક્ષાએ રમવા માટે મોકલે છે. ભારત તરફથી વર્લ્ડ ચેમ્પિયનશિપ અને ગેમ્સ ફોર ધ બ્લાઈન્ડ સહિતની આંતરરાષ્ટ્રીય ઈવેન્ટ્સમાં ભાગ લેવા માટે ખેલાડીઓને તૈયાર કરીને આગળ મોકલે છે.
