ભારતીય ક્રિકેટ ટીમના પૂર્વ કેપ્ટન મહેન્દ્રસિંહ ધોની હંમેશા પોતાના કૂલ અંદાજ માટે જાણીતા છે. આવો જ તેમનો એક કૂલ ડાન્સ વીડિયો હાલ સોશિયલ મીડિયામાં વાયરલ થઈ રહ્યો છે. જેમાં ઉત્તરાખંડમાં તેઓ પત્ની સાક્ષી સાથે સ્થાનિક કલાકારો સંગ પહાડી ગીતો પર ડાન્સ કરતા જોવા મળી રહ્યા છે. પહાડી ગીત પર ડાન્સને ખૂબ જ એન્જોય કરતો દેખાય છે.
ઇન્ટરનેટ પર તેમના ફેન્સને તેમનો આ અનોખો અંદાજ ખૂબ જ પસંદ પડી રહ્યો છે. એમ. એસ. ધોની પત્ની સાક્ષી અને અન્ય મિત્રો સાથે ઋષિકેશમાં ગઢવાલી ગીત પર ડાન્સ કરતા આ વીડિયોમાં જોઈ શકાય છે. ધોનીના ફેન્સે આ વીડિયો પર લાખો લાઈક અને વ્યૂઝ આપ્યા છે. મેદાન પર હંમેશા શાંત અને ધીર-ગંભીર રહેતા ધોનીનો આ અંદાજ તેમના ફેન્સને ખૂબ જ પસંદ પડી રહ્યો છે. આથી ટૂંક સમયમાં વીડિયો વધુ વાયરલ થાય તો નવાઈ નહીં.
