વોશિંગ્ટનઃ અબજોપતિ એલન મસ્કની X સ્પેસ ઇવેન્ટમાં રિપબ્લિકન રાષ્ટ્રપતિપદના ઉમેદવાર અને બિઝનેસમેન વિવેક રામાસ્વામીને બાથરૂમ જવાને કારણે શરમજનક સ્થિતિમાં મુકાવવું પડ્યું હતું. તેઓ ઇવેન્ટમાં અચાનક જ બાથરૂમ બ્રેક પર ચાલ્યા ગયા હતા. આ ઇવેન્ટમાં એક લાખથી વધુ લોકો જોડાયેલા હતા. રામાસ્વામીએ વાતચીતમાં માફી માગવી પડી હતી. આ ઇવેન્ટમાં એલન મસ્ક અને એલેક્સ જોન્સ પણ સામેલ હતા.
મસ્ક ઇન્ફોવાર્સના સંસ્થાપક એલેક્સ જોન્સ સાથે સોશિયલ મિડિયા પ્લેટફોર્મને લઈને ચર્ચા કરી રહ્યા હતા. એ દરમ્યાન રામાસ્વામીએ વચ્ચે કહ્યું હતું કે મારે બાથરૂમ જવું પડશે. ત્યાર બાદ એ ઇવેન્ટમાં પાણી વહેતું થયાનો અવાજ આવવા લાગ્યો હતો. એલેક્સ જોન્સે કહ્યું હતું કે કદાચ, કોઈનો ફોન બાથરૂમમાં રહી ગયો છે, પણ ઇવેન્ટના યજમાન મારિયો નવાફલને ખ્યાલ આવી ગયો હતો કે એ અવાજ વિવેક રામાસ્વામીના ફોનથી આવી રહ્યો છે.
Presidential candidate Vivek Ramaswamy takes a piss with his mic on during an 𝕏 Space with 100K+ listeners
Elon Musk: “I hope you feel better”
Vivek: “I feel great, thank you” pic.twitter.com/3ljslTqnpX
— Holden Culotta (@Holden_Culotta) December 10, 2023
વિવેક તમારા ફોનથી અવાજ આવી રહ્યો છે, પરંતુ હું તમારો ફોન મ્યુટ નથી કરી શકતો. ત્યાર બાદ વિવેક રામાસ્વામીએ લોકોથી અજાણ્યામાં થયેલી ભૂલની માફી માગી હતી. જોકે મસ્કે રામાસ્વામીની મોજ લીધી હતી. મસ્કે માહોલ હળવો બનાવવા માટે વિવેકને પૂછ્યું હતું કે મને આશા છે કે હવે તમે સારું મહસૂસ કરી રહ્યા હશો. મસ્કના જવાબ આપતાં જ રામાસ્વામીએ કહ્યું હતું કે મને ઘણું સારું લાગી રહ્યું છે.
જોકે X પર આ ઘટનાને લઈને મીમ્સ બનાવી રહ્યા છે તો કેટલાય લોકો એને હાસ્યાસ્પદ જણાવી રહ્યા છે. એક યુઝરે લખ્યું હતું કે જ્યારે વિવેક જેવી હસ્તીઓથી આવી ભૂલ થઈ જાય તો આપણી શું વિસાત?
