મુંબઈ: મલયાલમ ફિલ્મ ઈન્ડસ્ટ્રીમાં જસ્ટિસ હેમા કમિટીના રિપોર્ટ સામે આવ્યા બાદ MeToo 2.Oનો યુગ શરૂ થઈ ગયો છે. ઈન્ડસ્ટ્રીમાં યૌન ઉત્પીડનને લઈને દરરોજ નવા ખુલાસા થઈ રહ્યા છે. હેમા કમિટીના રિપોર્ટ સામે આવ્યા બાદ ઘણી મહિલા કલાકારો આગળ આવી અને ઈન્ડસ્ટ્રીનું કાળું સત્ય સામે આવ્યું. આ મહિલા કલાકારોએ મોલીવૂડના પ્રભાવશાળી સેલેબ્સ સામે અવાજ ઉઠાવ્યો હતો અને તેમને જે ગેરવર્તણૂકનો સામનો કરવો પડ્યો હતો તે જાહેર કર્યો હતો. ફિલ્મ નિર્માતા રંજીત પર પણ આ મામલે ગંભીર આરોપો લાગી રહ્યા છે અને હવે એક પુરૂષ અભિનેતાએ તેમની મુસીબત વધારી દીધી છે. અભિનેતાએ ફિલ્મ નિર્માતા પર જાતીય સતામણીનો આરોપ લગાવ્યો છે અને તેની સામે ફરિયાદ પણ નોંધાવી છે.
ઓડિશનના બહાને પુરુષ અભિનેતા સાથે દુષ્કર્મ
ન્યૂઝ એજન્સી ANI અનુસાર, પીડિત અભિનેતાએ જણાવ્યું કે રંજીતે તેને ઓડિશન આપવાના બહાને બેંગલુરુની એક હોટલમાં બોલાવ્યો હતો. પરંતુ ત્યાં ઓડિશન લેવાને બદલે તેની સાથે મારપીટ કરવામાં આવી હતી. રંજીતે તેને તેના બધા કપડા કાઢી નાખવા કહ્યું અને પછી તેને માર માર્યો.પીડિતને શરૂઆતમાં લાગ્યું કે તેને ઓડિશન માટે બોલાવવામાં આવ્યો છે, પરંતુ બાદમાં તેને સમગ્ર પરિસ્થિતિનો અહેસાસ થયો.
પુરુષ અભિનેતાએ રંજીત પર ગંભીર આરોપો લગાવ્યા
એટલું જ નહીં, પીડિતે એવો પણ દાવો કર્યો છે કે ઘટનાના બીજા દિવસે રંજીતે તેને ચૂપ રહેવા માટે પૈસાની ઓફર પણ કરી હતી. તે દરમિયાન તેની સાથે શું થયું તેનું વર્ણન કરતાં પુરુષ અભિનેતાએ દાવો કર્યો, જ્યારે રંજીતે મને નગ્ન ઊભા રહેવા કહ્યું ત્યારે તે એક અભિનેત્રી સાથે વાત કરી રહ્યો હતો. મેં તે અભિનેત્રીનું નામ પહેલેથી જ જણાવી દીધું છે, રેવતી. રણજીતે મને કહ્યું કે તે રેવતી હતી. મને ખબર નથી કે રંજીત અને રેવતી વચ્ચે કોઈ સંબંધ છે કે નહીં, પણ રંજીતે મારી તસવીરો લીધી અને મોકલી.
રણજીત સામે વધુ એક ફરિયાદ
આ અઠવાડિયાની શરૂઆતમાં રંજીત સામે તેની 2009ની ફિલ્મ પાલેરી મણિક્યમ: ઓરુ પાથિરકોલાપાથકથિંટે કથાના ઓડિશન દરમિયાન બંગાળી અભિનેત્રી પર જાતીય હુમલો કરવા બદલ બીજી એફઆઈઆર દાખલ કરવામાં આવી હતી. આ પછી તાજેતરમાં કેરળ પોલીસે એક અભિનેત્રીની ફરિયાદના આધારે ફિલ્મ નિર્માતા રંજીત વિરુદ્ધ કેસ નોંધ્યો છે. તપાસ ટીમે ગઈ કાલે ફરિયાદીનું નિવેદન નોંધ્યું હતું. આ કેસ કોઝિકોડમાં નોંધાયેલ છે.
