19 જૂને યોજાશે રાજ્યસભાની ચૂંટણી; ગુજરાતની 4 બેઠકો પર જંગ

અમદાવાદ: 70 દિવસ બાદ દેશમાં ચૂંટણીનો માહોલ ફરી સર્જાવા જઈ રહ્યો છે. રાજ્યસભાની આગામી ચૂંટણીને લઈને ચૂંટણી પંચ દ્વારા મહત્વનો નિર્ણય લેવામાં આવ્યો છે. કોરોનાના કારણે મુલતવી રાખવામાં આવેલી રાજ્યસભાની ચૂંટણીની તારીખ જાહેર કરવામાં આવી છે.

ગુજરાતની રાજ્યસભાની 4 બેઠકો સહિત દેશભરમાં કુલ 18 બેઠકો માટે 19 જૂને ચૂંટણી યોજાશે. 19 જૂને સવારે 9 થી સાંજે 4 વાગ્યા સુધી મતદાન થશે. ત્યાર બાદ સાંજે 5 વાગ્યે મતગણતરી યોજાશે.

ગુજરાતની 4 બેઠકો પર 5 ઉમેદવારોએ ફોર્મ ભર્યા છે. આ ચૂંટણીમાં કોંગ્રેસમાંથી શક્તિસિંહ ગોહિલ અને ભરતસિંહ સોલંકીએ ઉમેદવારી કરી છે જ્યારે ભાજપમાંથી અભય ભારદ્વાજ, રમીલાબેન બારા અને નરહરિ અમીને ઉમેદવારી નોંધાવી છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]