દેશમાં ચૂંટણીનો માહોલ જામ્યો છે. ત્યારે તારીખ 26 એપ્રિલના બીજા તબક્કાનું મતદાન પૂર્ણ થઈ ચૂક્યું છે. ઉલ્લેખનીય છે તમામ EVM ખામી બોગસ મતદાના આરોપો વચ્ચે શાંતિ પૂર્ણ માહોલમાં મતદાન પૂર્ણ થયું હતું. લોકસભા ચૂંટણીના બીજા તબક્કામાં 13 રાજ્યોની 88 બેઠકો પર મતદાન શુક્રવારે પૂર્ણ થઇ ગયું છે. બીજા તબક્કામાં સરેરાશ મતદાન 61 ટકા નોંધાયું છે.
મતદાન પ્રક્રિયા દરમિયાન EVM સાથે ચેડા અને બોગસ વોટિંગના કેટલાક આરોપો થયા હતા. ઉત્તર પ્રદેશના મથુરા, રાજસ્થાનના બાંસવાડા અને મહારાષ્ટ્રના પરભાનીમાં કેટલાક ગ્રામીણ વિસ્તારોના લોકોએ વિવિધ પ્રશ્નોને લઇને મતદાનનો બહિષ્કાર કર્યો હતો. આ સાથે જ મતદાન દરમિયાન કોઈ પણ હિંસાના બનાવો બન્યા ન હતા. તો બીજી બાજુ લોકસાહિના પર્વની ઉજવણી કરતા 9 લોકોએ જીવ ગુમાવ્યા હોવાનું સામે આવ્યું છે. સૂત્રો પ્રમાણે ભારે ગરમી અને ઉંમરના કારણે 9 લોકોના મોત થયા છે.
ત્યારે ત્રિપુરામાં સૌથી વધુ 78.53, મણિપુરમાં 77.18 જ્યારે ઉત્તર પ્રદેશ અને મહારાષ્ટ્રમાં મામૂલી 53 ટકા જેટલું મતદાન થયું છે. પ્રાપ્ત આંકડા અનુસાર સરેરાશ મતદાનની ટકાવારી 60.96 સુધી પહોંચી છે. ચૂંટણી પંચે જણાવ્યું હતું કે આંકડો હજુ વધી શકે છે. કેરળની તમામ 20 બેઠકો પર, કર્ણાટકની 28, રાજસ્થાનની 13, મહારાષ્ટ્ર અને ઉત્તર પ્રદેશની 8-8, મધ્ય પ્રદેશની 6 આસામ અને બિહારની 5-5, છત્તીસગઢ અને બંગાળની 3-3 બેઠકો પર મતદાન યોજાયું હતું. જ્યારે મણીપુર, ત્રિપુરા, જમ્મુ કાશ્મીરમાં 1-1 બેઠક પર મતદાન થયું હતું.
જ્યારે કેરળની વાત કરીએ તો કેરળમાં કુલ 65.23 ટકા મતદાન થયું હતું. જેમાં કેટલા વિસ્તારોમાં EVM ખરાબ થયા સાથે બોગસ વોટિંગ થવાના આરોપ લાગ્યા હોવાનું સામે આવ્યું. આરોપા બાદ કેટલાક પ્રભાવિત મતદાન મથકો પર મતદાન પ્રક્રિયાને અસર પહોંચી હતી. લોકશાહિના મહા પર્વમાં ભાગ લેવા ભારે ગરમીનો સામનો કરી મતદાન મથક પહોંચ્યા હતા. જેમાંથી ગરમી અને વધુ ઉંમરને કારણએ 8 જેટલા લોકોના મૃત્યું થયા હોવાનું સામે આવ્યું. આ ઉપરાંત એક પોલિંગ એજન્ટનું મોત થયાનું સામે આવ્યું છે. કર્ણાટકમાં 64.85 ટકા મતદાન થયું હતું અહીંયા બેંગ્લોર દક્ષિણના ભાજપના વર્તમાન સાંસદ અને ઉમેદવાર તેજસ્વી સૂર્યા સામે ધર્મના નામે મત માગવા બદલ ફરિયાદ દાખલ થયાનું ચૂંટણી પંચે જણાવ્યું હતું.
