અમદાવાદઃ અદાણી એન્ટરપ્રાઇઝીસ અને EdgeConneXના સંયુક્ત સાહસ AdaniConneXએ ચેન્નાઈના SIPCOT IT પાર્કમાં ‘Chennai-1’ હાઇપરસ્કેલ ડેટા સેન્ટર કેમ્પસ ખોલવાની જાહેરાત કરી છે. પ્રથમ તબક્કામાં કેમ્પસ 17 મેગાવોટ (આઇટી લોડ) સુધીની 33 મેગાવોટ (આઇટી લોડ) સુધીનું પૂર્ણ ક્ષમતા પર સ્કેલ કરવામાં આવશે.
ભારત વિશ્વમાં સૌથી ઝડપથી વિકસતા ડેટા સેન્ટર બજારોમાંનું એક છે. ભારતની વર્તમાન ડેટા સેન્ટરની ક્ષમતા લગભગ 600 મેગાવોટ છે અને 20241 સુધીમાં તે વધીને 1300 મેગાવોટ થવાની ધારણા છે. વિશ્વસનીય IT ઇન્ફ્રાસ્ટ્રક્ચરની વધતી જતી જરૂરિયાતોને પહોંચી વળવા AdaniConneX આગામી દાયકામાં 1 GWથી વધુનું નિર્માણ કરવાના મિશન સાથે ગ્રીન ડેટા સેન્ટર પ્લેટફોર્મ સંયુક્ત સાહસમાં મૂડીરોકાણ કરી રહ્યું છે. AdaniConneX મુંબઈ, નવી મુંબઈ, નોઇડા, પુણે, કોલકાતા, ભુવનેશ્વર, બેંગલુરુ, હૈદરાબાદ અને વિઝાગ સહિત દેશનાં તમામ મોટાં શહેરોમાં હાઇપરસ્કેલ કેમ્પસ પણ બનાવી રહ્યું છે. AdaniConneX ટાયર-2 અને 3 માર્કેટમાં વિતરિત એજ ડેટા સેન્ટર્સ અને ફાર એ જ સુવિધાઓ પણ વિકસાવી રહ્યું છે.
‘ચેન્નઈ 1’ કેમ્પસ તમિલનાડુનું પ્રથમ પ્રી-સર્ટિફાઇડ IGBC પ્લેટિનમ રેટેડ ડેટા સેન્ટર છે. આ સુવિધા 100 ટકા રિન્યુએબલ એનર્જીથી પણ સંચાલિત થશે, જે એન્ટરપ્રાઇઝ અને હાઇપરસ્કેલ ગ્રાહકોને ટકાઉ ઊર્જા પસંદગીઓ ઓફર કરે છે. EdgeConneX અને તેની અનુભવી ટીમ વિશ્વની સૌથી મોટી અને સૌથી વધુ માગ ધરાવતી ટેક અને ક્લાઉડ કંપનીઓ માટે ડેટા સેન્ટર્સ બનાવે છે. જ્યારે AdaniConneX દેશમાં હાઇપરલોકલથી હાઇપર સ્કેલ ડેટા સેન્ટર પહોંચાડવાની તેની યોજના પર ઝડપથી અમલ કરી રહ્યું છે.
AdaniConneXના CEO જયકુમાર જનકરાજે જણાવ્યું હતું કે અમે ભારતમાં ડેટા જનરેશન અને વપરાશમાં જબરદસ્ત વૃદ્ધિ જોઈ રહ્યા છીએ, અમારું મિશન પેન-ઈન્ડિયા ડેટા સેન્ટરના પ્લેટફોર્મ સાથે ટકાઉપણા અને ઊર્જા વ્યવસ્થાપન સાથે ભારતના ડિજિટલ વિકાસના આગલા તબક્કાને સક્ષમ કરવાનું છે.
EdgeConneXના CEO રેન્ડી બ્રુકમેને જણાવ્યું હતું કે ભારતના ચેન્નઈમાં અમારા નવીનતમ ડેટા સેન્ટરના ઉદઘાટનથી અને ટીમ દ્વારા કરવામાં આવેલી મહેનતથી હું ખૂબ જ ખુશ છું. અમારી પાસે આક્રમક ડેટા સેન્ટર વિસ્તરણ યોજના અને ભારે સંખ્યામાં ગ્રાહકો અપેક્ષિત છે. AdaniConneX દેશમાં અગ્રણી ડિજિટલ ઇન્ફ્રાસ્ટ્રક્ચર પ્લેટફોર્મ તરીકે ઝડપથી પ્રસ્થાપિત થશે.
