ગુજરાતમાં સ્માર્ટ વીજ મીટર લગાવાનું શરૂ થયું છે આ મીટરને લઇ શરૂઆતથી જ વિરોધ થઇ રહ્યો છે. સ્થાનિકોનો દાવો છે કે આ મીટરમાં વપરાશથી પણ વધુ બીલ આવે છે. વડોદરા અને સુરતમાં આ મીટર લગાવ્યા બાદ સ્થાનિકોએ તેનો સામુહિક વિરોધ કર્યાં છે.
સુરતમાં વિરોધના વંટોળ વચ્ચે સ્માર્ટ વીજ મીટર લગાવવાનું શરૂ રાખ્યું છે. જો કે લોકોના બહોળા વિરોધ બાદ હવે DGVCL સ્માર્ટ વીજ મીટર સાથે એક ચેક મીટર પણ લગાવવામાં આવી રહ્યું છે. 15થી 20 દિવસ બંન્ને મીટરનું રિડીંગ તપાસવામાં આવશે. જુના અને નવા મીટર વચ્ચે રહેલી ગેરસમજ દૂર કરાશે.
ઉલ્લેખનય છે કે, વડોદરાના ગોરવા વિસ્તારની રિદ્ધિ સિદ્ધિ ફ્લેટમાં સ્માર્ટ મિટર લગાવ્યા પછી 9.24 લાખનું બિલ આવ્યું હતું. અહિં પાછલા ઘણા વખતથી બે મહિનાનું બિલ 1500 થી 2000 રૂપિયા આવતું હતું. જ્યારે આ 9 લાખના બિલ સામે આવતાની સાથે લોકોમાં સ્માર્ટ મિટરને લઈ વિશ્વાસ ઉડી ગયો છે.
ત્યારે સ્માર્ટ મિટર મામલે રાજનીતિ પણ થવા લાગી છે. સ્થાનિક સ્વરાજની ચૂંટણીઓ અંગે અમિત ચાવડાએ પ્રેસ કોન્ફરન્સ યોજી હતી. સરકાર પર વાર કરતા કહ્યું હતું કે, “ગુજરાતમાં ચૂંટણી પૂરી થઈ અને પ્રજા મોંઘવારી ઓછી થવાની રાહ જોઈ રહી હતી પરંતુ સરકારે રાહત આપવાને બદલે સ્માર્ટ મીટર લગવવની શરૂઆત કરી દીધી. રાજ્યમાં તમામ જગ્યાએ વિરોધ થઈ રહ્યો છે, તેમ છતાં 1.64 કરોડ મીટર ગુજરાત ની વિંજ કંપનીઓ લગાવવાની છે, આ મીટરમાં મીનીમમ 300 રૂપિયાનું બેલેન્સ એડવાન્સ રાખવાનો નિયમ છે,ગુજરાત ની જનતા પાસેથી 500 કરોડ રૂપિયા એડવાન્સ લઈ લુટવાનું કામ કરી રહી છે”
