મુંબઈઃ કોરોના વાઈરસે સમગ્ર ભારતમાં લોકોને ઘરમાં પૂરી દીધા છે. વડા પ્રધાન નરેન્દ્ર મોદીએ ગયા મંગળવારથી 21-દિવસ માટે ‘લોકડાઉન ભારત’ની ઘોષણા કરી છે. વાઈરસનો ફેલાવો રોકવા માટે લોકોને કામ-ધંધો છોડીને માત્ર ઘરમાં જ રહ્યા સિવાય કોઈ છૂટકો નથી.
આને કારણે ઘણા લોકો કંટાળી ગયા છે. સેલિબ્રિટી વ્યક્તિઓ પણ આ સમયગાળો પસાર કરવા માટે જુદી જુદી રીત અપનાવી રહ્યાં છે. કોઈક સંગીત વગાડીને, તો કોઈક યોગા કરીને.
બોલીવૂડ અભિનેત્રી કેટરીના કૈફ પણ ‘હોમ ક્વોરન્ટાઈન’થી કંટાળી ગઈ છે. એ ઘરમાં જુદા જુદા કામ કરતી હોવાની તસવીરો અને વિડિયો ઈન્સ્ટાગ્રામ પર અપલોડ કરતી હોય છે.
થોડાક દિવસો પહેલાં એણે વાસણ ધોઈ રહી હોવાનો પોતાનો વિડિયો શેર કર્યો હતો.
એક નવા વિડિયોમાં એ ઘરમાં ઝાડુ કાઢી રહી છે અને એની બહેન ઈઝાબેલ સાથે વાતચીત કરતી સંભળાય છે. આખરે તે એટલી બધી કંટાળી ગઈ કે ઝાડુનો બેટ તરીકે ઉપયોગ કરીને વર્ચુઅલ ક્રિકેટ રમવા માંડી અને કાલ્પનિક બોલને ફટકારતી હોય એવો પોઝ આપ્યો હતો.
કેટરીના છેલ્લે સલમાન ખાન સાથે ‘ભારત’ ફિલ્મમાં જોવા મળી હતી. ઈઝાબેલ કૈફ પણ બોલીવૂડમાં એન્ટ્રી કરવા માટે આતુર છે. એ આયુશ શર્મા સાથે ‘ટાઈમ ટૂ ડાન્સ’ ફિલ્મનું શૂટિંગ કરી હતી, ત્યાં 21-દિવસનું ‘ભારત લોકડાઉન’ લાગુ કરી દેવાતાં બધી ફિલ્મી પ્રવૃત્તિઓ ઠપ થઈ ગઈ છે અને કલાકારોને પણ ઘરમાં બેસવાનો વખત આવ્યો છે.
