જનતા કર્ફયુ માટે દીપિકાએ આપી ટિપ્સ

નવી દિલ્હી: કોરોનાને લઈને તમને ઘરમાં રહેવાનો કંટાળો આવે છે? જનતા કર્ફ્યુ સમયે ઘરમાં રહીને કેવી રીતે ટાઈમ પાસ કરવો? અભિનેત્રી દીપિકા પાદુકોણ જણાવી રહી છે કે ઘરમા રહીને તમે શું કરી શકો છો… વર્તમાન સમયમાં, કોરોનાએ આખી દુનિયાને ઘેરી લીધી છે. ચીનના વુહાન શહેરથી લઈને આખી દુનિયામાં ફેલાયેલા કોરોના વાઈરસની અસર બોલીવુડ પર પણ જોવા મળી છે. કોરોના વાઈરસના ચેપને કારણે ઘણી મોટી ફિલ્મોની રિલીઝ ડેટ મોકૂફ રાખવામાં આવી છે. અભિનેત્રી દીપિકા પાદુકોણે આ સમયે ઘરે ટાઈમ પાસ કરવા એક નવો નુસખો શોધી કાઢ્યો છે.

દીપિકા પાદુકોણ તેની આજુબાજુની સ્વચ્છતાની ખૂબ કાળજી લે છે. એકબાજુ બોલીવુડ કોરોનાથી પોતાને સંપૂર્ણ બચાવવા માટે પ્રયાસ કરી રહ્યું છે, તો બીજી બાજુ દીપિકાએ તેમના વૉરડ્રોબની સફાઈ કરવામાં વ્યસ્ત છે. દીપિકાએ આ તસવીર તેના ઇન્સ્ટાગ્રામ પર શેર કરી છે. તસવીરમાં દીપિકા વૉરડ્રોબની સફાઈ કરતી નજરે પડે છે.

હાલમાં ઇન્સ્ટાગ્રામ પર 45 મિલિયનથી વધુ ચાહકો દીપિકા પાદુકોણને ફોલો કરી રહ્યા છે. તાજેતરમાં , બોલીવુડની અનેક હસ્તીઓએ કોરોનાને ટાળવા અને તેનો સામનો કરવા માટે સોશિયલ મીડિયા પર તેમની વાતો પોસ્ટ કરી છે. આ જ ક્રમમાં દીપિકાએ કોરોના સામે રક્ષણ આપવા સ્વચ્છતા લેવાનું પણ કહ્યું છે . દીપિકાનો આ સંદેશ તેના ચાહકો દ્વારા ખૂબ જ ગંભીર રીતે લેવામાં આવી રહ્યો છે અને ઘણા ચાહકોએ પોતાના ઘરની સફાઈ અંગે પણ જણાવ્યું છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]