કોલકત્તા: પશ્ચિમ બંગાળની રાજધાની કોલકાતામાં વહેલી સવારે ભૂકંપના જોરદાર આંચકા અનુભવાયા હતા. જેના પગલે ડરના માર્યા લોકો ઘરની બહાર દોડી ગયા હતા. એવું કહેવાય છે કે ભૂકંપની તીવ્રતા રિક્ટર સ્કેલ પર 5.1 માપવામાં આવી છે. ભૂકંપનું કેન્દ્ર બિંદુ બંગાળની ખાડીમાં હતું અને તેની ઊંડાઈ 91 કિલોમીટર હતી.
EQ of M: 5.1, On: 25/02/2025 06:10:25 IST, Lat: 19.52 N, Long: 88.55 E, Depth: 91 Km, Location: Bay of Bengal.
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/J6q53lzNd1— National Center for Seismology (@NCS_Earthquake) February 25, 2025
ભૂકંપથી થયેલા નુકસાન અંગે હજુ સુધી કોઈ માહિતી પ્રાપ્ત થઈ નથી. કોલકાતામાં આવેલા ભૂકંપનું કેન્દ્રબિંદુ શહેરથી ઘણું દૂર બંગાળની ખાડીમાં હોવાનું એક અનુમાન છે. આજના ભૂકંપનું કેન્દ્ર જમીનથી ૯૧ કિલોમીટર નીચે હતું, તેથી ભૂકંપથી કોઈ નુકસાન થવાની શક્યતા ઓછી છે. હકીકતમાં, સપાટીથી પાંચ કે ૧૦ કિલોમીટર નીચે આવતા છીછરા ધરતીકંપો સપાટીથી ખૂબ નીચે આવતા ધરતીકંપો કરતાં વધુ નુકસાન પહોંચાડે છે.
૮ જાન્યુઆરીએ પણ કોલકાતામાં ભૂકંપ આવ્યો હતો
આ વર્ષે 8 જાન્યુઆરીએ પણ કોલકાતામાં ભૂકંપના હળવા આંચકા અનુભવાયા હતા. કારણ કે તિબેટના દૂરના વિસ્તારો અને નેપાળના કેટલાક ભાગોમાં શક્તિશાળી ભૂકંપ આવ્યો હતો. ત્યારે ઉત્તર બંગાળમાં પણ ભૂકંપના આંચકા અનુભવાયા હતા, જોકે કોઈ નુકસાન થયું નથી.
EQ of M: 3.2, On: 25/02/2025 00:23:02 IST, Lat: 25.14 N, Long: 94.43 E, Depth: 10 Km, Location: Ukhrul, Manipur.
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/cAyW5FJHWr— National Center for Seismology (@NCS_Earthquake) February 24, 2025
આ પહેલા, મણિપુરના ઉખરુલમાં મંગળવારે મધ્યરાત્રિએ લગભગ 12:23 વાગ્યે ભૂકંપ આવ્યો હતો. તેની તીવ્રતા ૩.૨ હતી અને ઊંડાઈ ૧૦ કિલોમીટર હતી. છેલ્લા કેટલાક દિવસોમાં દેશના વિવિધ ભાગોમાં ભૂકંપના આંચકાના બનાવો નોંધાઈ રહ્યા છે, જેના કારણે લોકો ગભરાઈ ગયા છે. તાજેતરમાં રાજધાની દિલ્હી સહિત ઘણા રાજ્યોમાં એક સાથે ભૂકંપના આંચકા અનુભવાયા હતા.
