વોશિંગ્ટનઃ અમેરિકાના રાષ્ટ્રપતિ ડોનાલ્ડ ટ્રમ્પે એક AI વિડિયો પોસ્ટ કર્યો છે. આ વિડિયોમાં ભૂતપૂર્વ રાષ્ટ્રપતિ બરાક ઓબામાની ધરપકડ થતી દેખાય છે. આ વિડિયોના સાથે ટ્રમ્પે લખ્યું છે, કાયદા કરતાં મોટું કોઈ નથી. આ AI દ્વારા બનાવેલો વિડિયો છે, બરાક ઓબામાની સાચી ધરપકડ થઈ નથી. તેમ છતાં આ વિડિયોના માધ્યમથી ટ્રમ્પ એ સંદેશ આપવા માગે છે કે જો રાષ્ટ્રપતિ પણ કાયદાનું ઉલ્લંઘન કરશે તો તેમની પણ ધરપકડ થઈ શકે છે. આ પોસ્ટને સોશિયલ મિડિયા પર ઘણી ટીકાઓ મળી રહી છે. વિસંગત અને ઉશ્કેરણીજનક કહેવાતો આ વિડિયો અનેક લોકોના નિશાન પર છે.
વિડિયોમાં શું બતાવવામાં આવ્યું છે?
આ 45 સેકંડના AI વિડિયોમાં શરૂઆતમાં એક સંવાદકાર દેખાય છે. ત્યારબાદ બરાક ઓબામાના એઆઈ અવતારને દર્શાવવામાં આવ્યા છે, જેમાં તેઓ કહે છે – “ખાસ કરીને રાષ્ટ્રપતિ કાયદા કરતાં ઉપર છે. ત્યાર બાદ અનેક નેતાઓનાં નિવેદનો દર્શાવાય છે, જેમાં તેઓ કહે છે કે કાયદા કરતાં કોઈ ઊંચું નથી. એ પછી વીડિયોમાં ટ્રમ્પ અને ઓબામાના AI અવતાર ઓવલ ઓફિસમાં સાથે બેઠેલા હોય છે. એટલામાં FBI એજન્ટ્સ આવે છે અને ઓબામાના AI અવતારને ખુરસી પરથી ખેંચી જમીન પર પાડીને ધરપકડ કરે છે. ત્યાર બાદ ઓબામાને અમેરિકન જેલના કેદીની યુનિફોર્મમાં જેલના સળિયા પાછળ બતાવવામાં આવે છે.
Donald J. Trump Truth Social 07.20.25 06:47 PM EST pic.twitter.com/Xf5LYzkZiI
— Fan Donald J. Trump Posts From Truth Social (@TrumpDailyPosts) July 20, 2025
તુલસી ગેબાર્ડનો દાવો
તુલસી ગેબાર્ડ જે અમેરિકા માટે નેશનલ ઇન્ટેલિજન્સની ડિરેક્ટર છે, તેમણે દાવો કર્યો છે કે બરાક ઓબામા અને તેમના ટોચના ગુપ્તચર અધિકારીઓએ ગુપ્ત માહિતીઓ સાથે ચેડાં કર્યા હતા. તેમણે 114 પાનાંનો દસ્તાવેજ જાહેર કર્યો છે. ગેબાર્ડે ઓબામા વહીવટ પર આરોપ મૂક્યો છે કે તેમણે માહિતીને ચેડાં કરીને એવી રીતે રજૂ કરી કે તેનાથી લાગે કે ટ્રમ્પે 2016ની રાષ્ટ્રપતિ ચૂંટણીમાં રશિયાની સાથે મળીને હસ્તક્ષેપ કરવાનો પ્રયાસ કર્યો હતો.
