ચાંગા: ચારુસેટ યુનિવર્સિટી ખાતે NSS યુનિટ દ્વારા 5મી જૂન વિશ્વ પર્યાવરણ દિન નિમિત્તે કેમ્પસમાં વૃક્ષારોપણ કાર્યક્રમનું આયોજન કરવામાં આવ્યું હતું. કેમ્પસમાં 50થી વધુ છોડ રોપવામાં આવ્યા. જેનો હેતુ કેમ્પસને વધુ હરિયાળું બનાવવાનો હતો.
ચારુસેટના રજીસ્ટ્રાર ડૉ. અતુલ પટેલ દ્વારા વૃક્ષારોપણ કાર્યક્રમનું ઉદ્ઘાટન કરવામાં આવ્યું હતું. અન્ય મહાનુભાવોમાં ડૉ. શૈલેષ ખાંટ (રીસર્ચ ડીન), કિશન પટેલ (NSS યુનિટના કો-ઓર્ડિનેટર), ડૉ. પ્રીતેશ પટેલ (NCC યુનિટના કો-ઓર્ડિનેટર ), જૈમીન દેસાઈ (યુનિવર્સિટી એન્જિનિયર), ડૉ. દિલીપ ગોસાઈ (CREDPના વડા) અને NSS પ્રોગ્રામ ઓફિસરો,વિદ્યાર્થીઓ અને સ્વયંસેવકો હાજર રહ્યા હતા. ચારુસેટ યુનિવર્સિટી વેસ્ટ મેનેજમેન્ટ અને ઊર્જા બચત જેવી પહેલ દ્વારા પર્યાવરણનું સંવર્ધન કરી રહી છે. ચારુસેટ યુનિવર્સિટી ભવિષ્યની પેઢીઓ માટે ટકાઉ વિશ્વ બનાવવા સક્રિય ભૂમિકા ભજવવા માટે સમર્પિત છે.
