મુંબઈઃ વૈશ્વિક ક્રીપ્ટોકરન્સી માર્કેટ શુક્રવારે ફરીથી વધી હતી અને 3.0 વર્સે લોન્ચ કરેલો વિશ્વનો સર્વપ્રથમ ક્રીપ્ટો ઇન્ડેક્સ – આઇસી15 બપોરે ચાર વાગ્યે પૂરા થયેલા ચોવીસ કલાકમાં 2.00 ટકા (1,071 પોઇન્ટ) વધીને 54,523 પોઇન્ટ બંધ રહ્યો હતો. ઇન્ડેક્સ 53,452 ખૂલીને 54,903ની ઉપલી અને 53,291 પોઇન્ટની નીચલી સપાટીએ ગયો હતો. ઇન્ડેક્સના અવાલાંશ સિવાયના તમામ કોઇન વધ્યા હતા, જેમાંથી સોલાના અને કાર્ડાનો અનુક્રમે 14.73 અને 13.82 ટકા સાથે ટોચના વધનારા હતા.
નોંધપાત્ર ઘટનામાં ભારતે કહ્યું છે કે ક્રીપ્ટોકરન્સી અને વેબ3ને લગતો ખરડો વર્ષ 2025ના મધ્ય ભાગ સુધીમાં સંસદમાં રજૂ થવાની શક્યતા ઓછી છે. બીજી બાજુ, અમેરિકાના પ્રમુખપદની ચૂંટણીના ઉમેદવાર વિવેક રામાસ્વામીએ ઉમેદવારો માટેની ચર્ચા દરમિયાન ક્રીપ્ટોકરન્સીના મુદ્દે પણ ચર્ચા કરી હતી.
