બ્યુટી ક્વીન ઉર્વશીએ મુંબઈ એરપોર્ટ પર પ્રશંસકો સાથે જન્મદિવસ ઉજવ્યો…
બોલીવૂડ અભિનેત્રી ઉર્વશી રાઉતેલાએ 25 ફેબ્રુઆરી, મંગળવારે પોતાનો 26મો જન્મદિવસ ઉજવ્યો હતો. એ મુંબઈ એરપોર્ટ પર જોવા મળી હતી.
મંગળવારે એ માલદીવ ટાપુઓ ખાતે જવા માટે મુંબઈથી રવાના થઈ હતી. એરપોર્ટ પર એ જન્મદિવસના અભિનંદન આપવા માટે કેટલાક પ્રશંસકો તથા પ્રેસ ફોટોગ્રાફરો પહોંચી ગયા હતા. એમની સાથે મળીને ઉર્વશીએ મીઠાઈ અને કેડબરી ચોકલેટ ખાધી હતી.
ઉર્વશી જિમ વેરમાં સજ્જ હતી. સાથે આંખો પર કાળા રંગના એકદમ ટચૂકડા કદના સનગ્લાસીસ પહેર્યાં હતાં.
પ્રશંસકો ઉર્વશી માટે કેક લઈને આવ્યા હતા. જે પણ એમણે સાથે મળીને ખાધી હતી.
જન્મદિવસે ઈન્સ્ટાગ્રામ એકાઉન્ટ પર ઉર્વશીએ પોતાની કેટલીક તસવીરો પોસ્ટ કરી હતી. એની કેપ્શનમાં એણે લખ્યું કે, 'આજે સૂરજ મારા માટે થોડોક વધારે ચમકે. આ ધરતી પરની સૌથી સુંદર વ્યક્તિને જન્મદિવસની શુભેચ્છા, જે હું છું. જન્મદિવસ માટે મને શુભેચ્છા આપનાર સૌનો આભાર. એને કારણે હું આપની માનીતી હોવાનો મને એહસાસ કરાવ્યો. મારા જન્મદિવસે તો રજા જાહેર કરવી જોઈએ.'
2015માં મિસ યુનિવર્સ સ્પર્ધામાં ભારતનું પ્રતિનિધિત્વ કરનાર ઉર્વશી બોલીવૂડની સુંદર અભિનેત્રીઓમાંની એક ગણાય છે અને એની ફેશન પસંદગી પણ ધ્યાનાકર્ષક રહે છે.
ઉર્વશી ઉત્તેજક ડાન્સ પરફોર્મન્સ, મારકણી અદા અને સ્માઈલને માટે દર્શકોમાં પ્રિય બની છે.
'સિંઘ સાબ ધ ગ્રેટ'માં એ સની દેઓલ સાથે ચમકી હતી. તે ઉપરાંત 'ભાગ જોની', 'સનમ રે', 'ગ્રેટ ગ્રાન્ડ મસ્તી', 'કાબિલ', 'હેટ સ્ટોરી 4' તેમજ હાલમાં જ એ 'પાગલપંતી'માં જોન અબ્રાહમ, કૃતિ ખરબંદા, અર્શદ વારસી, સૌરભ શુક્લા, ઈલિયાના ડીક્રુઝ સાથે જોવા મળી હતી.
