ગ્રહો જીવન પર અસર કરે ખરા? કે પછી પૂર્વ ગ્રહના લીધે જીવનમાં પરિવર્તનો આવે છે? પૂર્વગ્રહ વધારવામાં પણ 
ક્યારેક ગ્રહોનું પરિવર્તન જવાબદાર બની શકે. જીવન સરસ ચાલતું હોય. બધાજ માણસો સારા લગતા હોય અને અચાનક જીવનમાં તોફાન મચી ગયું હોય તેવું લાગે ત્યારે વાસ્તુની ઉર્જાનો વિચાર તો થાય જ. પણ ક્યારેક ગ્રહોનું પરિવર્તન પણ ચકાસવું જરૂરી છે. જે ભૂમિ પર રહીએ છીએ તેની ઉર્જા સર્વપ્રથમ જીવનને અસર કરેજ. પણ પૃથ્વીની આસપાસનું વાતાવરણ જેનાથી પ્રભાવિત થાય છે તેને સમજવા જરૂરી છે. એવું નથી લાગતું કે અચાનક લોકોમાં ઉગ્રતા વધવા લાગી છે? નાની નાની વાતમાં મોટા મોટા ઝગડા થવા લાગ્યા છે. તો આવું થવાનું કારણ શું? અમાસના દિવસે શનિદેવ પોતાની રાશી બદલે છે. ૧૬૩૬ ના દિવસે આ પહેલા આવી ઘટના બની હતી. શનિનું એક રાશિમાં લાંબુ રોકાણ હોવાના કારણે શનિનું પરિવર્તન એક અગત્યનું પરિવર્તન ગણવામાં આવે છે. શનિ એક રાશિમાં અઢી વર્ષ રહે છે. જે રાશી પર શનિની વક્રી દ્રષ્ટી હોય અને જે રાશિમાં શનિ હોય તેનાથી છઠી રાશિમાં શનીની ઢેઇયા રહે છે, એટલે કે તે પોતાની રાશિમાં ચંદ્રની માફક તુરંત પાછો આવતો નથી. ૨૪મી જાન્યુઆરીએ શનિનો મકર રાશિમાં પ્રવેશી અને વાતાવરણ અને માનવ જીવન પર કેવી અસર કરશે તે જાણીએ.
ધાતુઓ જેવી કે સોનું, ચાંદી, લોખંડ તેમજ અન્ય ખનીજ જેમકે પેટ્રોલીયમ ના ભાવ વધવાની સંભાવના વિચારી શકાય. લોખંડ સાથે જોડાયેલા વ્યવસાય જેવા કે કારખાનાઓ પર પણ પ્રભાવ જોવા મળે. તો નિર્માણ કાર્યોમાં રુકાવટ કે મંદીની અસર દેખાય શકે. લોકોમાં ધર્મ પ્રત્યે શ્રદ્ધા વધે. તો ધર્મ પ્રત્યે અભિગમ પણ અલગ જોવા મળે. કૃષિ શ્રેત્રમાં નવીનતા આવે અને ઉદ્યોગમાં નવતર પ્રયોગો સાથે સારા દિવસો આવી શકે. રાજકારણમાં નવા સંજોગો ઉદ્ભવતા દેખાય. સીમાઓ પર તણાવ રહે પણ તાત્કાલિક ધોરણે કોઈ મોટી ઘટના ન બને. ન્યાય તંત્રમાં સકારાત્મક પરિવર્તનો દેખાય. લોકોમાં રઘવાટ વધે.
નબળા મનના લોકોને નિર્ણય લેવામાં સમસ્યા આવે. પણ સારા સમાચાર એ છે કે ૨૫ જન્યુઆરીથી ૩ ફેબ્રુઆરી સુધી ગુપ્ત નવરાત્રી છે. 10 દિવસની આ નવરાત્રીમાં શક્તિની આરાધના કરવાથી ખુબજ સારું રહે. આ દસ દિવસમાં સાત શુભ યોગ બને છે. આ નવરાત્રી દરમિયાન કોઈનું મન ન દુભાય તેનું ધ્યાન રાખવું જરૂરી છે. તે ઉપરાંત સારી ભાવના રાખવામાં આવે અને પોતાના લોકોને મદદ કરવામાં આવે તો ચોક્કસ સારું રહે. આ સમય દરમિયાન આકડો, તુલસી, પાન, દુર્વા જેવી વસ્તુઓ દેવીને ન ચડાવવી. કોરા કંકુથી અભિષેક કરી શકાય. આ સમય દરમિયાન ગાયત્રી અનુષ્ઠાન પણ કરી શકાય. પોતાની રાશિને અનુરૂપ સાધના પણ કરી શકાય.
મલેશિયાને પણ આ વાતનો હાલમાં જ અનુભવ થઈ ગયો. ભારતે મલેશિયાથી આવતા પામતેલની આયાતને બ્રેક મારી દીધી તેના કારણે તેને મોટા પાયે નુકસાન થઈ રહ્યું છે. મલેશિયાના 94 વર્ષના અને વિશ્વના સૌથી મોટી ઉંમરના વડા પ્રધાન મોહાતીર મોહમ્મદે ભારતના નાગરિકતાના કાયદા અંગે પણ ટીપ્પણી કરી તે પછી ભારતે વળતો ઘા કર્યો હતો. છેલ્લા પાંચ વર્ષમાં મલેશિયાનું સૌથી વધુ પામ તેલ ભારત મોકલાયું છે. ભારતે વેપાર અટકાવ્યો પછી તમે શું કરશો એવા પત્રકારોના સવાલના જવાબમાં મોહાતીરે કહ્યું કે કોઈ વળતી વેપારી કાર્યવાહી કરી શકીએ તેમ નથી. ભારત બહુ મોટો દેશ છે અને તેની સામે કાર્યવાહી કરી શકાય તેમ નથી, તેથી સમસ્યાના ઉકેલ માટે બીજા પ્રયાસો કરીશું એમ તેમણે કહેવું પડ્યું હતું.
દરમિયાન પાકિસ્તાનમાંથી સત્તાવાર રીતે આંકડાં આવી ગયા છે કે કઈ રીતે ગયા નાણાકીય વર્ષના છ મહિના કરતાં આ વર્ષના છ મહિનામાં વેપારમાં ફટકો પડ્યો છે. અગાઉ પાકિસ્તાનની ભારત ખાતેની નિકાસ સવા 21 કરોડ ડૉલરની હતી, તે આ વખતે ઘટીને માત્ર પોણા બે કરોડની થઈ ગઈ છે. સામી બાજુ ભારતમાંથી નિકાસ પણ મોટા પાયે ઘટી ગઈ છે. તેનું નુકસાન ભારતના વેપારીઓને ખરું. ગત નાણાંકીય વર્ષના જુલાઈથી ડિસેમ્બરના છ મહિનામાં ભારતમાંથી 86.5 કરોડ ડૉલરની નિકાસ થઈ હતી. ચાલુ નાણાકીય વર્ષના જુલાઈ-ડિસેમ્બરમાં તે ઘટીને 28.6 કરોડ ડૉલરની જ રહી ગઈ છે. 50 કરોડ ડૉલરના વેપારનો ફટકો ભારતને પડ્યો છે, તેમાંથી 20 કરોડની આયાતને બાદ કરો તોય ભારતને 30 કરોડની નિકાસનું નુકસાન થયું છે. જોકે કુલ આયાત-નિકાસમાં વેપારી ખાધ ઊભી થાય તેમાં ભારતનો ફાયદો પહેલાંની જેમ યથાવત છે. 28.6 કરોડ ડૉલરની નિકાસ ભારતે કરી અને આયાત કરી માત્ર 1.68 કરોડ ડૉલર એટલે 26.9 કરોડ ડૉલર જેટલો તફાવત રહ્યો.
કઠોળ અને ખાદ્ય તેલોનું ઉત્પાદન વધારવા માટે ભારત પ્રયાસો કરી રહ્યું છે, પણ ખાવાનું તેલ ભારતને સૌથી વધુ જોઈએ છે. તેથી વિશ્વમાં સૌથી વધુ આયાત ભારત કરે છે અને મલેશિયા સૌથી વધુ નિકાસ કરે છે. આ વેપારી સંબંધનો જ ઉપયોગ કરીને ભારતે મલેશિયાને ભીંસમાં મૂકી દીધું છે. શાસ્ત્રોના શ્લોકો અને વાક્યો ગોખીને બકવાસ કરનારા ઝાકિર હુસૈન ભાગીને મલેશિયામાં ભરાયો છે. ઝાકિર હુસૈનના મામલે પણ ભારતે દબાણ કર્યું હતું, પણ વેપાર પર તેની અસર પડી નહોતી. પરંતુ હાલમાં ભારતે નાગરિકતાના કાયદામાં સુધારો કર્યો તે પછી વડા પ્રધાન મોહાતીરે તેનો વિરોધ કર્યો હતો. તે પછી ભારતે પગલાં લીધા છે અને મલેશિયાની પામ તેલની આયાત અટકાવી દીધી છે.
મલેશિયાથી રિફાઇન્ડ અને ક્રૂડ એમ બંને પ્રકારનું પામ ઑઇલ આયાત થાય છે. આ ઉપરાંત કોપર અને એલ્યુમિનિયમ વાયર, એલ્યુમિનિયમ ઇગ્નોટ જેવી આયાત થાય છે, તેના પર પણ પ્રતિબંધ મૂકવાની તૈયારીઓ ચાલી રહી હોવાનું જાણકારો કહે છે. વર્તમાન નાણાકીય વર્ષમાં નવેમ્બર મહિના સુધીમાં મલેશિયામાંથી 700 કરોડ ડૉલરની આયાત થઈ ચૂકી છે. મલેશિયા વળતા વેપારી પગલાં ભરી શકે તેવી શક્યતા ઓછી છે, કેમ કે ભારત તરફથી આમ પણ મલેશિયામાં થતી નિકાસ ઘટી છે. ૨૦૧૮-૧૯માં ભારતે મલેશિયામાં ૬૪0 કરોડ ડૉલરની નિકાસ કરી હતી, જ્યારે ચાલુ વર્ષે નવેમ્બર સુધીમાં ૪00 કરોડ ડૉલરની નિકાસ થઈ છે. બીજું મલેશિયાએ હજી વળતાં પગલાં લીધાં નથી, તેથી નિકાસ અટકી નથી. તાત્કાલિક અટકે તેમ લાગતું પણ નથી. તેનું કારણ એ છે કે મલેશિયાએ ભારત સાથે વેપાર કરતો રહેવો જરૂરી છે. તેથી અમે બીજા રસ્તા વિચારીશું એમ મોહાતીર મોહમ્મદે કહ્યું છે. આ બીજા રસ્તા એટલે ભારત સાથે સમાધાન અને ભારતનો આ પ્રકારના મુદ્દે વિરોધ બંધ કરવો. ઝાકિર હુસૈન ત્રણ વર્ષથી ત્યાં છે તેને સોંપવાનું દબાણ પણ છે. તે દિશામાં પણ મલેશિયાએ વિચારવું પડશે. કદાચ ઝાકિરને ત્યાંથી અન્યત્ર રવાના કરી દેવાય તેવું પણ બને.
સદીઓથી વિશ્વ વેપારમાં ભારત સક્રિય હતું અને મરી-મસાલા, મખમલી વસ્ત્રો પૂરા પાડીને દુનિયામાંથી સોનુ-ચાંદી વેપારીઓ લઈ આવતા હતા. પરંતુ વેપારી જહાજ સાથે ભારતે લશ્કરી જહાજ તૈયાર નહોતા કર્યા અને તેના કારણે ધીમે ધીમે યુરોપના દેશોની દરિયાઇ તાકાત વધી ગઈ હતી. દરિયા માર્ગે થતા વેપાર પર પોર્ટુગીઝ, સ્પેનિશ અને અંગ્રેજોએ કબજો જમાવ્યો હતો. સમગ્ર વેપાર હવે યુરોપના લોકોના હાથમાં આવી ગયો હતો. વેપારી કોઠી સુરતમાં નાખી, પણ આગળ જતા સુરતનો જ કબજો કરી લીધો. વેપાર માટે આવેલા અંગ્રેજોએ દેશ પર કબજો જમાવ્યો હતો. ભારતમાં અફિણ તૈયાર કરીને તેની મોટા પાયે નિકાસ ચીનમાં થતી હતી. ચીનમાં અફીણ ઘૂસાડીને ચીનને પણ ખોખલું કરી નાખ્યું હતું. તે પછી ચીન પર પણ કબજો કર્યો. ચીનમાં ચા થતી હતી તેના પર અંગ્રેજોએ કબજો કર્યો. ભારત અને બર્મા અને શ્રીલંકામાં પણ ચાનું વાવેતર મોટા પાયે કર્યું અને સમગ્ર દુનિયામાં તેનો વેપાર પોતાના હાથમાં રાખ્યો. વિશ્વ વેપારનો કબજો કરીને જ શ્વેત પ્રજા સમૃદ્ધ થઈ છે. સમગ્ર દુનિયાનું શોષણ લશ્કરી માર્ગે ના થઈ શકે, પણ વેપારી રીતે સમગ્ર દુનિયાનું શોષણ ચાલતું રહ્યું અને આજે પણ ચાલે છે.
