Home Blog Page 2239

વાઇબ્રન્ટ ગુજરાતમાં વધુ ૨૩ MoU: રૂ. 1 લાખ કરોડના મૂડીરોકાણની શક્યતા

અમદાવાદઃ વડા પ્રધાન મોદીની વિઝનરી લીડરશીપમાં ૨૦૦૩માં શરૂ થયેલી વાઇબ્રન્ટ સમિટની ૧૦મી કડી આગામી ૧૦થી ૧૨ જાન્યુઆરી, ૨૦૨૪ના દિવસોમાં મહાત્મા મંદિર, ગાંધીનગરમાં યોજાવાની છે. ‘ગેટ વે ટુ ધ ફ્યુચર’ની થીમ સાથે યોજાનારી ૧૦મી વાઇબ્રન્ટ ગુજરાત ગ્લોબલ સમિટ માટે દેશ-વિદેશના રોકાણકારોને આકર્ષિત કરવામાં મુખ્ય મંત્રીએ લોન્ચ કરેલી આ વેબસાઇટ તથા મોબાઇલ એપ વન સ્ટોપ સોલ્યુશન બની રહે તેવા યુઝર ફ્રેન્ડલી બનાવવામાં આવ્યા છે.

આગામી યોજાનારી ૧૦મી વાઇબ્રન્ટ ગુજરાત ગ્લોબલ સમિટના પ્રારંભ પૂર્વે રાજ્યના મુખ્ય મંત્રી ભૂપેન્દ્ર પટેલના માર્ગદર્શન હેઠળ વિવિધ ઉદ્યોગ જૂથો સાથે ગાંધીનગરમાં વધુ ૨૩ MoU કરવામાં આવ્યા છે. વિવિધ ઉદ્યોગ રોકાણકારોએ રાજ્ય સરકાર સાથે એક જ દિવસમાં રૂ. એક લાખ કરોડના સંભવિત રોકાણ કર્યા છે, તેની સાથે જ આ રોકાણથી ૭૦,000 રોજગારી સર્જન થવાની સંભાવના છે.

આજે કરવામાં આવેલા એમઓયુ અંતર્ગત પોર્ટ અને પોર્ટ સંબંધિત ક્ષેત્રમાં રૂ.૨૭,૨૭૧ કરોડના અંદાજિત રોકાણ સાથે ૧૦,૧૦૦ રોજગારીનું સર્જન થશે. તે ઉપરાંત પાવર ક્ષેત્રમાં રૂ. ૪૫,૬૦૦ કરોડના અંદાજિત રોકાણ સાથે ૫૫૦૦ રોજગારીનું સર્જન, મિનરલ આધારિત પ્રોજેક્ટ્સ ક્ષેત્રમાં રૂ. ૪૦૦૦ કરોડના અંદાજિત રોકાણ સાથે ૨૦૦૦ રોજગારીનું સર્જન, એન્જિનિયરિંગ ઓટો અને અન્ય ઇન્ડસ્ટ્રીઝ ક્ષેત્રમાં રૂ.૧૩,૦૭૦ કરોડના અંદાજિત રોકાણ સાથે ૮૧૫૦ રોજગારીનું સર્જન, ઔદ્યોગિક પાર્ક, ટેક્સટાઇલ્સ અને એપરલ તથા કેમિકલ અને પેટ્રોકેમિકલ ક્ષેત્રમાં રૂ.૪૪૬૯ કરોડના અંદાજિત રોકાણ સાથે ૩૪,૬૫૦ રોજગારનું સર્જન, શિક્ષણ ક્ષેત્રમાં રૂ. ૩૧૦૦ કરોડથી વધુના અંદાજિત રોકાણ સાથે ૮૨૦૦ રોજગારનું સર્જન તેમ જ એગ્રો અને ફૂડ પ્રોસેસિંગ ક્ષેત્રમાં રૂ. ૩૫૦૦ કરોડના અંદાજિત રોકાણ સાથે ૧૨૯૦ રોજગારનું સર્જન થશે.

ઉદ્યોગમંત્રી બળવંતસિંહ રાજપૂત, કૃષિ મંત્રી રાઘવજી પટેલ અને ઉદ્યોગ રાજ્ય મંત્રી હર્ષ સંઘવીની ઉપસ્થિતિમાં થયેલા આ એમ.ઓ.યુ. અંતર્ગત ઉદ્યોગો પોતાના એકમો સંભવતઃ ૨૦૨૫ થી ૨૦૩૦ વચ્ચે શરૂ કરશે. અમરેલી, વલસાડ, હજીરા, દેવભૂમિ દ્વારકા, જામનગર, કચ્છ, સલાયા, મોરબી, જામનગર, ધોળકા, રાજકોટ, સુરેન્દ્રનગર, વડોદરા, અમદાવાદ, મહેસાણા સહિતના વિવિધ જિલ્લાઓના વિસ્તારોમાં આ ઉદ્યોગો શરૂ થવાના છે.

 

 

 

 

સાંસદોએ સંસદમાં હંગામો કરનારાઓને માર્યો માર

સંસદના શિયાળુ સત્ર દરમિયાન સુરક્ષામાં મોટી ખામી પ્રકાશમાં આવી હતી. લોકસભાની પ્રેક્ષક ગેલેરીમાંથી બે વ્યક્તિઓ કૂદીને ફ્લોર પર આવ્યા હતા. તેઓએ ધુમાડાનો રંગ પ્રગટાવ્યો અને સંસદમાં ધુમાડો કર્યો હતો. થોડીવારમાં બંને હુમલાખોરો ઝડપાઈ ગયા હતા. આ દરમિયાન કેટલાક સાંસદોએ તેમને જોરદાર માર માર્યો હતો. સાંસદોએ લખનૌના રહેવાસી હુમલાખોર સાગરને વાળથી ખેંચી લીધો હતો. આ પછી ઘણા સાંસદોએ મળીને તેમને થપ્પડ મારી હતી. આ દરમિયાન સુરક્ષાકર્મીઓ ત્યાં પહોંચી શક્યા ન હતા.

રાજસ્થાનના સાંસદ હનુમાન બેનીવાલે એક વ્યક્તિને માર માર્યો

રાજસ્થાનના નાગૌરથી લોકસભાના સાંસદ હનુમાન બેનીવાલ સહિત કેટલાક સાંસદોએ સાગરને સ્મોક બોમ્બ ફોડતા પકડ્યો હતો. આ પછી ઘણા સાંસદોએ સાગરને પકડી લીધો અને તેના વાળથી પકડી જોરથી થપ્પડ મારવા લાગ્યા. ધુમાડાનો રંગ પ્રગટતાની સાથે જ લોકસભામાં અરાજકતાનો માહોલ સર્જાયો હતો અને સાંસદો ભાગતા જોવા મળ્યા હતા. બે હુમલાખોરો લોકસભામાં પ્રવેશ્યા અને ધુમાડાનો રંગ પ્રગટાવ્યો કે તરત જ સુરક્ષાકર્મીઓએ એક વ્યક્તિને પકડી લીધો. અન્ય એક વ્યક્તિને કોંગ્રેસના સાંસદે પકડ્યો હતો.

ભાજપ-MP પ્રતાપ સિમ્હાના પાસનો ઉપયોગ કરી બે શખ્સે લોકસભામાં હુમલો કર્યો

નવી દિલ્હીઃ સંસદભવનમાં આજે સુરક્ષા વ્યવસ્થામાં મોટું ભંગાણ પડ્યું હતું. બે અજાણ્યા શખ્સ મુલાકાતીઓની ગેલેરીમાંથી કૂદીને સંસદસભ્યો જ્યાં બેસે છે તે ભાગમાં ઘૂસી આવ્યા હતા અને પીળા રંગનો ધૂમાડો ફેલાવતા ગેસ કેનિસ્ટર્સ છોડ્યા હતા. બંનેએ કોઈક નારા પણ લગાવ્યા હતા, પણ એટલામાં સંસદસભ્યોએ એમને પકડી લીધા હતા અને માર્શલને હવાલે કરી દીધા હતા. આ ઘટના ઝીરો અવર વખતે બની હતી. યોગાનુયોગ, આજે દેશ 2001ના સંસદભવન આતંકી હુમલાની વરસી મનાવી રહ્યો છે.

બંને ઘૂસણખોરને સાગર શર્મા અને મનોરંજન તરીકે ઓળખી કાઢવામાં આવ્યા છે. તેઓ કર્ણાટકના મૈસુરુના ભાજપા સંસદસભ્ય પ્રતાપ સિમ્હાના મહેમાન તરીકે ગેલેરીમાં પ્રવેશ્યા હતા.

કટ્ટર હિન્દુત્વ વલણ માટે જાણીતા છે પ્રતાપ સિમ્હા

પ્રતાપ સિમ્હા કર્ણાટકના મૈસુરુ કોડાગુ લોકસભા મતવિસ્તારમાંથી 2019માં ચૂંટાઈ આવ્યા હતા. તેઓ 16મી લોકસભામાં પણ ચૂંટણી જીત્યા હતા. 42 વર્ષના પ્રતાપ સિમ્હા ભૂતપૂર્વ પત્રકાર છે. એમણે કન્નડ પ્રભા અખબારમાં કામ કર્યું હતું. એમાં તેઓ અનેક કોલમ લખવા માટે જાણીતા હતા. 2014માં રાજકારણમાં પ્રવેશતા પહેલા એમણે અખબારમાંથી રાજીનામું આપ્યું હતું. તેઓ કર્ણાટક ભાજપ યુવા મોરચાના પ્રમુખ બન્યા હતા. 2019ની લોકસભા ચૂંટણીમાં તેઓ 1.39 લાખ મતોથી વિજયી થયા હતા. તેઓ હિન્દુત્વના પ્રચારમાં કટ્ટર વલણ માટે પણ જાણીતા છે. સંસદસભ્ય તરીકેની એમની મુદત દરમિયાન અનેક વિવાદો થયા છે. 2014ની ચૂંટણીમાં એમણે ઉડુપી ચિકમગલુર બેઠક પરથી ચૂંટણી લડવાની ઈચ્છા વ્યક્ત કરી હતી. પણ એમને મૈસુરુમાંથી લડવા જણાવાયું હતું.

સાસુ અને જમાઈ વચ્ચે પ્રેમઃ ગામલોકોએ પકડ્યાં અને પછી…

નવી દિલ્હીઃ પ્રેમ આંધળો છે. પ્રેમમાં લોકો એકમેક માટે એટલા પાગલ થઈ જાય છે કે એકમેકને મળવા માટે કંઈ પણ કરે છે. બિહારના જમુઈ જિલ્લામાં સંબંધોને શરમજનક મૂકે એવી ઘટના બની છે. અહીં સાસુ અને જમાઈના પવિત્ર સંબંધો પર સવાલ ઊભા થયા છે. એક વિડિયો સોશિયલ મિડિયા પર ઝડપથી વાઇરલ થઈ રહ્યો છે, જેમાં સાસુ અને જમાઈના સંબંધોના લીરેલીરા ઊડ્યા છે. વિડિયોમાં એક શખસની ઝાડથી બાંધીને મારપીટ કરવામાં આવી રહી છે.

જે આરોપીની મારપીટ કરવામાં આવી રહી છે, તે તેની સાસુના પ્રેમમાં પાગલ છે. જિલ્લાના લક્ષ્મીપુર સ્ટેશન વિસ્તારના એક ગામમાં સુનીલકુમારની સાસુ સાથે પ્રેમલીલા ચાલી રહી હતી. બંને વારંવાર રાત્રે મળતાં હતાં. થોડા દિવસો પહેલાં રાતના અંધેરામાં જ્યારે સુનીલ તેની પ્રેમિકા સાસુથી મળવા તેના ગામ આવ્યો અને બંને મુલાકાત કરી રહ્યા હતા, ત્યારે ગામ લોકોએ બંનેને રંગે હાથ પકડી લીધા હતા. ત્યાર બાદ લોકોએ પ્રેમી સુનીલને ઝાડ સાથે બાંધીને મારપીટ કરી હતી.

આટલું જ નહીં મહિલાઓ ડંડો લઈને પ્રેમનું ભૂત ઉતારવા માંડી હતી.સુનીલની પત્ની પણ ત્યાં પહોંચી હતી. તેણે પણ ગામ લોકો સાથે તેની મારપીટ કરી હતી. આ ઘટનાની જાણ લક્ષ્મીપુર પોલીસ સ્ટેશનને આપવામાં આવી હતી. સ્થાનિક લોકોની પહેલથી મામલો શાંત થયો હતો અને ફરી ગામમાં પગ નહીં મૂકવાની ચેતવણી આપીને છોડી મૂકવામાં આવ્યાં હતાં.

 

 

 

 

 

 

સંસદમાં સ્મોક બોમ્બ ફાયર કરનાર મનોરંજનના પિતાએ કહ્યું – પુત્રને ફાંસી..

લોકસભામાં કાર્યવાહી દરમિયાન બે યુવકો અચાનક સંસદમાં ઘૂસી ગયા અને પ્રેક્ષક ગેલેરીમાંથી સ્પીકરની ખુરશી તરફ દોડ્યા. સંસદની ચેમ્બરમાં પ્રવેશેલા યુવકોની ઓળખ સાગર અને મનોરંજન તરીકે થઈ છે. બાદમાં સાંસદોએ યુવકને પકડીને પોલીસને હવાલે કર્યો હતો. જો કે મનોરંજન મૈસુરનો રહેવાસી હોવાનું પ્રકાશમાં આવ્યું છે. તે મૈસુરના વિજયનગર વિસ્તારનો રહેવાસી છે. પુત્રની હરકતો જાણ્યા બાદ તેના પિતાએ તેને તેના પુત્રને ફાંસી આપવા કહ્યું. આરોપી યુવકની ઓળખ સામે આવ્યા બાદ દિલ્હી પોલીસે મૈસૂર પોલીસનો સંપર્ક કર્યો અને આરોપી યુવકની સંપૂર્ણ માહિતી મૈસૂર પોલીસને આપી અને મૈસૂર પોલીસને તપાસ કરવા વિનંતી કરી.

આરોપી પિતાએ પોતાના પુત્રને ફાંસી આપવાનું કહ્યું

સંપૂર્ણ માહિતી મળ્યા પછી મૈસુર પોલીસ મૈસુરના વિજયનગરમાં મનોરંજનના ઘરે પહોંચી અને તેની પૂછપરછ કરી. એસીપી ગજેન્દ્ર પ્રસાદ અને વિજયનગર પીઆઈ સુરેશે મુલાકાત લીધી હતી અને મનોરંજનના પિતા દેવરાજ ગૌડા પાસેથી માહિતી લીધી હતી. આ અંગે મનોરંજનના પિતા દેવરાજ ગૌડાએ જણાવ્યું હતું કે મનોરંજને બીઇનો અભ્યાસ પૂર્ણ કર્યો હતો અને એચડી દેવગૌડાએ તેમના પુત્રને બીઇની સીટ આપી હતી. તે દિલ્હી અને બેંગ્લોર જતો હતો, પરંતુ પુત્ર મનોરંજન ક્યાં ગયો તેની મને ખબર નથી. તેમણે કહ્યું કે અમારી ઓળખ કોઈ પાર્ટી સાથે નથી. મને ખબર નથી કે મારા દીકરાએ આવું કેમ કર્યું. તે મારો પુત્ર ન હોઈ શકે, જેણે સમાજમાં અન્યાય કર્યો છે. જો તેણે કંઈ ખોટું કર્યું હોય તો તેને ફાંસી આપવી જોઈએ.

પ્રત્યક્ષદર્શી મોહન દાનપ્પાએ શું કહ્યું?

ઓડિયન્સ ગેલેરીમાં હાજર પ્રત્યક્ષદર્શી મોહન દાનપ્પાએ કહ્યું કે અમે લોકસભાની કાર્યવાહી જોવા આવ્યા હતા. અમે પ્રથમ ગેલેરીમાં હતા. તે ગેલેરી બેમાં હતો. તે અચાનક ગેલેરીમાંથી ઘરમાં ઘૂસી ગયો અને પેઇન્ટ છાંટ્યો. તેને જમણા પગના જૂતામાંથી બહાર કાઢીને તેના પર પીળો રંગ છાંટવામાં આવ્યો હતો, જેને કેટલાક સાંસદોએ પકડી લીધો હતો. બાદમાં આરોપીને સુરક્ષા કર્મચારીઓને સોંપવામાં આવ્યો હતો. આ બેમાંથી એક મૈસુરના સાંસદ પ્રતાપ સિંહાના ખાનગી સચિવ પાસેથી પાસ લઈને સંસદમાં પ્રવેશ્યા. બીજી તરફ આ ઘટના બાદ સંસદમાં હોબાળો મચી ગયો છે. સાંસદોએ સુરક્ષાને લઈને સવાલો ઉઠાવ્યા છે અને કેન્દ્રીય ગૃહમંત્રીના નિવેદનની માંગણી કરી છે. તે જ સમયે, વક્તાએ પ્રેક્ષક ગેલેરીમાં પ્રવેશ પર પ્રતિબંધ મૂક્યો છે.

‘ઈંગ્લેન્ડ સામેની ટેસ્ટમેચમાં અમે આક્રમક ક્રિકેટ રમીશું’: હરમનપ્રીત કૌર

નવી મુંબઈઃ ભારત અને ઈંગ્લેન્ડની મહિલા ક્રિકેટરો આવતીકાલથી અહીંના ડો. ડી.વાઈ. પાટીલ સ્પોર્ટ્સ એકેડેમી સ્ટેડિયમમાં ટેસ્ટ મેચ રમશે. બંને ટીમ વચ્ચે આ એકમાત્ર ટેસ્ટ મેચ હશે. આ પહેલાં બંને ટીમ વચ્ચે ટ્વેન્ટી-20 ઈન્ટરનેશનલ મેચોની શ્રેણી રમાઈ ગઈ છે. એમાં ઈંગ્લેન્ડે ભારતને 2-1થી પરાજય આપ્યો હતો. ભારતીય મહિલા ટીમની કેપ્ટન હરમનપ્રીત કૌરે આજે ટેસ્ટ મેચની પૂર્વસંધ્યાએ પત્રકારો સાથેની વાતચીતમાં કહ્યું કે, ‘અમારી અમુક મર્યાદાઓ છે તે છતાં અમે ઈંગ્લેન્ડ સામે આક્રમક રમત રમીશું અને જીતવાની કોશિશ કરીશું.’

ભારતીય મહિલા ટીમ 9 વર્ષ પહેલાં ઘરઆંગણે ટેસ્ટ મેચ રમી હતી. એનો છેલ્લો ટેસ્ટ મુકાબલો બે વર્ષ પહેલાં ઓસ્ટ્રેલિયા સામે કેરારામાં થયો હતો. હરમનપ્રીત કૌર તે મેચ ચૂકી ગઈ હતી. કેપ્ટન તરીકે તેની આ પહેલી મેચ હશે. ઓપનર સ્મૃતિ મંધાના તેની ડેપ્યૂટી છે.

ભારતીય ટીમઃ હરમનપ્રીત કૌર (કેપ્ટન), સ્મૃતિ મંધાના (વાઈસ કેપ્ટન), શેફાલી વર્મા, યાસ્તિકા ભાટિયા, જેમિમા રોડ્રિગ્સ, દિપ્તી શર્મા, રિચા ઘોષ (વિકેટકીપર), પૂજા વસ્ત્રાકર, સ્નેહ રાણા, રાજેશ્વરી ગાયકવાડ, રેણુકા ઠાકુર સિંહ, હરલીન દેઓલ, સાઈકા ઈશાક, શુભા સતીષ, તિતાસ સાધુ અને મેઘના સિંહ.

ઈંગ્લેન્ડ ટીમઃ હીધર નાઈટ (કેપ્ટન), ડેનિયલ વાયેટ, ટેમી બ્યોમોન્ટ, માયા બાઉચીર, નેટ શીવર-બ્રન્ટ, સોફિયા ડન્ક્લી, એમી જોન્સ (વિકેટકીપર), સોફી એકલ્સટોન, કેટ ક્રોસ, લૌરીન ફાઈલર, લૌરીન બેલ, શાર્લોટી ડીન, બેસ હીથ, એલિસ કેપ્સી, ક્રિસ્ટી ગોર્ડન.

સ્મોક બોમ્બ શું છે? જેના કારણે વિરોધીઓએ સંસદમાં હંગામો મચાવ્યો

સંસદના ચાલુ શિયાળુ સત્ર દરમિયાન બુધવારે એક મોટી દુર્ઘટના સર્જાઈ હતી. સંસદની કાર્યવાહી દરમિયાન પ્રેક્ષક ગેલેરીમાંથી બે અજાણ્યા લોકો કૂદીને સંસદની ગેલેરીમાં પહોંચ્યા, આ બધું ત્યારે થયું જ્યારે ત્યાં ઘણા સાંસદો હાજર હતા અને અહીં સુરક્ષામાં આટલી મોટી ભૂલ થઈ. તેમના હોબાળા દરમિયાન, બંને વિરોધીઓએ સંસદમાં સ્મોક બોમ્બનો ઉપયોગ કર્યો અને સમગ્ર સંસદમાં હંગામો મચાવી દીધો હતો.

સ્મોક બોમ્બ શું છે?

નામ સૂચવે છે તેમ તે એક ફટાકડા છે જે ઘણો ધુમાડો ઉત્પન્ન કરે છે. તમે દિવાળી કે કોઈ પણ પાર્ટી વખતે આવા સ્મોક બોમ્બ જોયા હશે. તે ભારતમાં છેલ્લા કેટલાક સમયથી ટ્રેન્ડમાં છે અને આજે તેનો ઉપયોગ સંસદમાં પ્રદર્શન તરીકે કરવામાં આવે છે. જો આપણે સ્મોક બોમ્બના ઇતિહાસમાં જઈએ તો તે મૂળ જાપાનના ઇતિહાસમાંથી આવે છે. પરંતુ જો આપણે આધુનિક સમયની વાત કરીએ તો 1848માં બ્રિટિશ શોધક રોબર્ટ યેલે સ્મોક બોમ્બની શોધ કરી હતી. આમાં ચાઈનીઝ પદ્ધતિનો ઉપયોગ કરવામાં આવ્યો હતો, કેટલાક ફેરફારોની સાથે એવી વસ્તુઓ ઉમેરવામાં આવી હતી કે જેથી ધુમાડો લાંબો સમય ટકે. હાલમાં વિવિધ પ્રકારના સ્મોક બોમ્બ જોવા મળે છે જે રંગબેરંગી ધુમાડો બહાર કાઢે છે. બુધવારે સંસદમાં થયેલા સ્મોક બોમ્બ હુમલામાં પીળો અને લાલ રંગનો ધુમાડો નીકળતો જોવા મળ્યો હતો. જે ત્યારે દેખાતું હતું જ્યારે વિરોધકર્તાઓને પકડીને સંસદ ભવનની અંદર અને પછી બહાર લઈ જવામાં આવ્યા હતા.

બુધવારે સંસદમાં શું થયું?

બુધવારે જ્યારે સંસદની કાર્યવાહી ચાલી રહી હતી ત્યારે લગભગ 1.15 વાગ્યે એક વ્યક્તિ લોકસભાની પ્રેક્ષક ગેલેરીમાંથી કૂદી ગયો હતો. અને તે કૂદીને સ્પીકરની ખુરશી તરફ આગળ વધી રહ્યો હતો.જેવો જ આ વ્યક્તિ સાંસદોની સીટ પરથી પસાર થઈ રહ્યો હતો ત્યારે ત્યાં હાજર સાંસદોએ આ વ્યક્તિને પકડી લીધો હતો. સંસદની સુરક્ષામાં આ એક મોટી ખોટ છે, કારણ કે જે રીતે હુમલાખોર સાંસદના મહેમાન બનીને ગૃહમાં ઘૂસ્યો અને એવું કામ કર્યું, જેનાથી સાંસદો અને ત્યાં હાજર લોકો મુશ્કેલીમાં મુકાઈ શકે.

સોશિયલ સ્ટોક એકસચેંજીસ પર પ્રથમ NGO ઉન્નતિ ફાઉન્ડેશનનું લિસ્ટિંગ

મુંબઈઃ દેશમાં સૌપ્રથમ વાર એક અતિ નોખી ઐતિહાસિક ઘટના આકાર લઈ રહી છે, જેની લાંબા સમયથી ચર્ચા સાથે રાહ જોવાતી હતી એ સોશિયલ સ્ટોક એકસચેંજ કાર્યરત થવા સાથે તેના પર પ્રથમ નોન-પ્રોફિટ ઓર્ગેનાઇઝેશન સ્વરૂપે SGBS ઉન્નતિ ફાઉન્ડેશનનું ૧૩ ડિસેમ્બરે લિસ્ટિંગ થઈ રહ્યું છે.

આ ફાઉન્ડેશન BSE અને NSE બંનેના સોશ્યલ સ્ટોક એકસચેંજ સેગમેન્ટ પર લિસ્ટેડ થશે. આ NGOનો પ્લાન માર્કેટમાંથી રૂ. બે કરોડ ઊભા કરવાનો હતો, જેનું લક્ષ્ય સરકારી કોલેજીસના ૧૦,૦૦૦ ગ્રેજ્યુએટસ (ફાઇનલ વરસના) ને UNXT પ્રોગ્રેમ હેઠળ નોકરી મેળવવામાં સહાય કરવાનું છે. આ કોલેજો વિવિધ રાજયોની હશે. જોકે ઉન્નતિને રૂ.૧.૮૦ કરોડનું ભંડોળ પ્રાપ્ત થયું છે, જેનાથી તેને સંતોષ હોવાનું તેના ટ્રસ્ટી રમેશ સ્વામી જણાવે છે. હવે પછી આ NGOના લિસ્ટેડ યુનિટસમાં સ્ટોક એક્સચેન્જ મારફત રોકાણ થઈ શકશે.

એકસચેંજ અધિકારીઓના કહેવાનુસાર આને પગલે વધુ NGO આગળ આવશે અને સ્ટોક એકસચેંજીસ સામાજિક સેવાના સ્તરે મોટી અસર ઊભી કરશે. એકસચેંજ અધિકારીઓના કહેવાનુસાર આને પગલે વધુ NGO આગળ આવશે અને સ્ટોક એકસચેંજીસ સામાજિક સેવાના સ્તરે મોટી અસર કરશે. બેંગલુરુ સ્થિત ઉન્નતિ ફાઉન્ડેશને ૨૦૦૩થી ૨૦૦૮ દરમ્યાન ૩૨૦ યુવાનોને તાલીમ આપી હતી અને અત્યાર સુધીમાં ૪૫,૦૦૦ યુવાનોને તાલીમ આપી છે, જેમાંથી ૩૫,૦૦૦ને પ્લેસમેન્ટ પ્રાપ્ત થયું છે. ઉન્નતિનું સૂત્ર છે, લર્ન, અર્ન એન્ડ સ્ટેન્ડ ટોલ.

ઉન્નતિને જાણીતા બ્રોકિંગ પ્લેટફોર્મ ઝેરોધા તરફથી રૂ. એક કરોડનું, નાબાર્ડ તરફથી રૂ. ૩૦ લાખ, ગોવિંદ ઐયર તરફથી રૂ.૨૦ લાખ અને આશિષ કચોલિયા તરફથી રૂ.૩૦ લાખ પ્રાપ્ત થયા છે.

 

 

 

 

ત્રણ રાજયોની ચૂંટણીમાં ભાજપની જીતનો જશ્ન વિદેશમાં પણ

અમદાવાદઃ ત્રણ રાજ્યોની વિધાનસભામાં ભાજપની જીતને લઈ વિદેશના લોકોએ પણ પ્રશંસા કરી હતી. આ દરમ્યાન ત્યાંના લોકોએ એ પણ જણાવ્યું હતું કે અમેરિકાના ‘મોર્નિંગ કન્સલ્ટ’ ના સર્વે રિપોર્ટમાં પણ 76 ટકા એપ્રુઅલ રેટિંગ સાથે પીએમ મોદી વિશ્વના સૌથી વધુ લોકપ્રિય નેતા જાહેર થયા છે, જે આપણા સૌ માટે ગૌરવની બાબત છે.

હાલ યોજાયેલી ચૂંટણીમાં ‘મોદી ગેરંટી’ શબ્દ ખૂબ જ લોકપ્રિય બની રહ્યો છે અને હવે તે ભાજપના પ્રચાર અભિયાનનો પણ મુખ્ય આધાર બની ગયો છે. હાલમાં જ યોજાયેલી પાંચ રાજ્યોની ચૂંટણીમાં ભાજપને રાજસ્થાન, મધ્ય પ્રદેશ અને છત્તીસગઢમાં અભૂતપૂર્વ જીત એ PM મોદીની રેકોર્ડ લોકપ્રિયતાનું પરિણામ છે. આ અગાઉ ગયા વર્ષે ગુજરાત વિધાનસભામાં પણ 156 બેઠકોમાં જીત એ ઐતિહાસિક ઘટના બની રહી છે. ભારતીય રાજકારણમાં મોદીનો શાસનકાળ મોદી યુગ તરીકે પ્રસિદ્ધ થશે.

ખાસ કરીને ભારતીય રાજકારણમાં જ્ઞાતિ જાતિના રાજકારણને બાજુ ઉપર રાખીને વિકસિત ભારતની વિચારધારા સાથે વિકાસની રાજનીતિની શરૂઆત કરી. આજે વિશ્વના રાજકારણમાં ‘modi the boss’નો સિક્કો ચાલી રહ્યો છે. આગામી 2024ની લોકસભાની ચૂંટણીમાં પણ મોદી ગેરંટીનો કરંટ વિપક્ષને હચમચાવી રહ્યો છે.

મોદીનું નામ ચોક્કસ પણે આજે વિશ્વ ફલક પર છે ત્યારે આ વાતની ઉજવણી ભારતમાં જ નહીં, પરંતુ વિદેશોમાં પણ થઈ રહી છે. લોસ એન્જેલસમાં આ વાતને લઈ ભારતીય મૂળના લોકો ભેગા થયા હતા. જેમાં ખાસ કરીને ઇન્ડો અમેરિકનના કલ્ચર સોસાયટીના પ્રમુખ અને રિપબ્લિકન પાર્ટીના ઉમેદવાર તરીકે રહી ચૂકેલા યોગી પટેલ જોડાયા હતા. સાથે આર્ટેશિયા ચેમ્બરના સ્થાપક અને સેરીટોસ કોલેજ ફાઉન્ડેશનના અધ્યક્ષ પરિમલ શાહ હજાર રહ્યા હતા. BJP પશ્ચિમ ઝોનના પ્રમુખના વિદેશી મિત્ર પી.કે. નાયક પણ આ કાર્યક્ર્મમમાં ખાસ હાજર રહ્યા હતા.

 

કુર્લામાં લોકમાન્ય તિલક ટર્મિનસ સ્ટેશનમાં મોટી આગ લાગી

મુંબઈઃ અહીંના કુર્લા ઉપનગરના લોકમાન્ય તિલક ટર્મિનસ રેલવે સ્ટેશનની એક કેન્ટિનમાં આજે બપોરે મોટી આગ લાગતાં નાસભાગ મચી ગઈ હતી. આગ પ્લેટફોર્મ નંબર 1 પર ‘જન આહાર’ કેન્ટિન પાસે લાગી હતી. બનાવમાં સદ્દભાગ્યે કોઈ જાનહાનિ થઈ નથી કે કોઈને ઈજા થઈ નથી.

આગના ધૂમાડાના ગોટેગોટા દૂરના અંતરે પણ જોઈ શકાતા હતા. તેની તસવીરો અને વીડિયો ઈન્ટરનેટ પર વાઈરલ થયા છે. આગ બપોરે 3 વાગ્યાની આસપાસ લાગી હતી. અગ્નિશામક દળના જવાનોએ તરત જ ત્યાં પહોંચી જઈને અડધા કલાકની અંદર આગ બુઝાવી દીધી હતી.

1...2,2382,2392,240...5,147Page 2,239 of 5,147