ગુજરાતઃ ભાજપ આજથી શરૂ કરશે વિધાનસભાના ઉમેદવારોની નામની ચર્ચા

ગાંધીનગર– ગુજરાતમાં ભાજપ અત્યાર સુધી સૌથી મોટા ચૂંટણીના પડકારોનો સામનો કરી રહ્યું છે. આજે શનિવારે ગાંધીનગરમાં કોર કમિટીની બેઠક મળશે, જેમાં ગુજરાત વિધાનસભાના નવા ઉમેદવારો પર ચર્ચા થશે. આ બેઠકમાં પાર્ટીના તમામ સુપરવાઈઝરો સામેલ થશે. પાર્ટીએ દરેક જિલ્લામાં ત્રણ સુપરવાઈઝરની નિમણૂંક કરી છે. સુપરવાઈઝરો તેમનો પક્ષ રજૂ કરશે, અને ઉમેદવારોના નામ પર ચર્ચા થશે.

જાણવા મળ્યા મુજબ પાર્ટી દરેક વિધાનસભા બેઠક માટે 2થી 3 વિકલ્પો શોર્ટ લિસ્ટ કર્યા છે. તે પછી આ યાદી નવી દિલ્હી મોકલવામાં આવશે. જ્યાં ભાજપ રાષ્ટ્રીય પ્રમુખ અમિત શાહની નજર પછી આખરી યાદી તૈયાર થશે.

હિમાચલ પ્રદેશની સાથે ગુજરાત વિધાનસભાની ચૂંટણીની તારીખોની જાહેરાત નહી કરવા બદલ ચૂંટણી પંચ પર વિપક્ષોએ ટીકાઓનો વરસાદ વરસાવ્યો છે. અંતે ચૂંટણી પંચે મૌન તોડ્યું છે કે ઓ.પી. રાવતનું કહેવું છે કે જે નિર્ણય લેવાયો છે, તેની સાથે પંચ છે. કોઈપણ પ્રકારની અવ્યવસ્થા ન સર્જાય તે માટે ગુજરાત વિધાનસભાની ચૂંટણીની તારીખો જાહેર કરવામાં આવી નથી. પંચે એ વાતનો સ્વીકાર કર્ય હતો કે તેને ખબર હતી કે તારીખોની જાહેરાત નહી કરીએ તો ટીકા થશે. પણ ચૂંટણી પંચ હવે આગળનું કામ કરશે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]