ટોકિયો-ઓલિમ્પિક્સ-વિલેજઃ જાહેરમાં આલ્કોહોલ પર કદાચ પ્રતિબંધ મૂકાશે

ટોકિયોઃ ઓલિમ્પિક ગેમ્સ આયોજનના દિવસો નજીક આવી રહ્યા છે ત્યારે એવા અહેવાલ છે કે ગેમ્સના એથ્લીટ્સ વિલેજમાં ડાઈનિંગ તથા જાહેર વિસ્તારોમાં આલ્કોહોલ પર પ્રતિબંધ મૂકાશે. જોકે એથ્લીટ્સને એમની રૂમમાં આલ્કોહોલ પીવાની છૂટ અપાશે. ટોકિયો ઓલિમ્પિક ગેમ્સ આયોજન સમિતિના સીઈઓ તોશીરી મુતોએ કહ્યું છે કે અમે એથ્લીટ્સ પર એમની રૂમની અંદર બેસીને આલ્કોહોલ પીવા પર પ્રતિબંધ મૂકી ન શકીએ, પણ જાહેર વિસ્તારોમાં મૂકી શકીએ. નિર્ણય હજી લેવાયો નથી, વિચારણા હેઠળ છે.

ટોકિયોમાં 20 જૂન સુધી ઈમર્જન્સી લાગુ કરાઈ છે. તેને કારણે રેસ્ટોરન્ટ્સ તથા બીયર બારમાં આલ્કોહોલ પીરસવા પર મનાઈ છે. કોરોનાવાઈરસના કેસ પર અંકુશ રાખી શકાય એ માટે સત્તાવાળાઓ સ્થાનિક લોકો જાહેરમાં પાર્ટીઓ ન કરે એવું ઈચ્છે છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]