36મો રાષ્ટ્રીય રમતોત્સવ કોરોનાને કારણે બેમુદત મોકૂફ

નવી દિલ્હીઃ આ વર્ષના ઓક્ટોબર-નવેંબરમાં ગોવામાં નિર્ધારિત 36મો રાષ્ટ્રીય રમતોત્સવ કોરોના વાઈરસના ફેલાવાને કારણે બેમુદત મુલતવી રાખવામાં આવ્યો છે. આ જાણકારી ઈન્ડિયન ઓલિમ્પિક એસોસિએશનના પ્રમુખ નરિન્દર બત્રાએ આપી છે.

IOA સંસ્થાએ હાલમાં જ ગોવા સરકારને કહ્યું હતું કે એણે આ વર્ષે 20 ઓક્ટોબરથી 4 નવેંબર સુધી નિર્ધારિત રાષ્ટ્રીય રમતોત્સવ યોજવો પડશે.

તે છતાં કોરોનાના કેસોમાં ઉછાળો આવતાં રમતોત્સવને મુલતવી રાખી દેવામાં આવ્યો છે.

નેશનલ ગેમ્સ આયોજન સમિતિએ કોરોના રોગચાળાને ધ્યાનમાં રાખીને રમતોત્સવને મોકૂફ રાખી દેવાનો નિર્ણય લીધો છે, એમ ગોવાના સ્પોર્ટ્સ પ્રધાને કહ્યું છે.

હવે સમિતિ આવતા સપ્ટેંબરમાં બેઠક કરશે અને ત્યારે નેશનલ ગેમ્સની નવી તારીખ નક્કી કરવાનો નિર્ણય લેશે.

છેલ્લે 2011માં ઝારખંડમાં રાષ્ટ્રીય ગેમ્સ યોજાઈ હતી.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]