ચેન્નઈઃ દક્ષિણ આફ્રિકાની વિરુદ્ધ વનડે સિરીઝમાં ભારતીય મહિલા ટીમે એકમાત્ર ટેસ્ટના પહેલા જ દિવસે ઐતિહાસિક રેકોર્ડ બનાવી દીધો છે. આફ્રિકાની વિરુદ્ધ ટોસ જીતીને પહેલાં બેટિંગ કરવા ઊતરેલી શેફાલી વર્મા અને સ્મૃતિ મંધાનાએ શાનદાર બેટિંગની મદદથી આફ્રિકી બોલરોની જબરદસ્ત ધુલાઈ કરી હતી.
ભારતીય મહિલા ક્રિકેટ ટીમની ઓપનર શેફાલી વર્માએ દક્ષિણ આફ્રિકા સામે ટેસ્ટ ક્રિકેટમાં ઇતિહાસ રચ્યો છે. શેફાલીએ દક્ષિણ આફ્રિકા સામેની એકમાત્ર ટેસ્ટ મેચના પહેલા દિવસે બેવડી સદી ફટકારી હતી. બેવડી સદી ફટકારનાર મહિલા ટેસ્ટ ક્રિકેટ ઇતિહાસમાં તે એકમાત્ર બેટર છે.
20 વર્ષની શેફાલી મહિલા ટેસ્ટ ક્રિકેટ ઈતિહાસમાં સૌથી ઝડપી બેવડી સદી ફટકારનારી ખેલાડી બની ગઈ છે. તેણે વીરેન્દ્ર સેહવાગને તેની 16 વર્ષ જૂની ઇનિંગ્સની યાદ અપાવી. સહેવાગે દક્ષિણ આફ્રિકા સામે ચેન્નઈમાં આટલા જ બોલમાં બેવડી સદી પણ ફટકારી હતી.
2⃣0⃣5⃣ runs
1⃣9⃣7⃣ deliveries
2⃣3⃣ fours
8⃣ sixesWHAT. A. KNOCK 👏👏
Well played @TheShafaliVerma!
Follow the match ▶️ https://t.co/4EU1Kp6YTG#TeamIndia | #INDvSA | @IDFCFIRSTBank pic.twitter.com/UTreiCRie6
— BCCI Women (@BCCIWomen) June 28, 2024
એમએ ચિદમ્બરમ સ્ટેડિયમ ખાતે દક્ષિણ આફ્રિકા સામે રમાઈ રહેલી એકમાત્ર ટેસ્ટ મેચમાં શેફાલી વર્માએ શાનદાર બેટિંગ કરી હતી. તેણે 194 બોલમાં બેવડી સદી ફટકારી હતી, જેમાં તેણે 22 ચોગ્ગા અને 8 છગ્ગા ફટકાર્યા હતા. તેણે 113 બોલમાં પોતાની સદી ફટકારી હતી. શેફાલીએ વાઇસ-કેપ્ટન સ્મૃતિ મંધાના સાથે મળીને પ્રથમ વિકેટ માટે 292 રનની ભાગીદારી કરી હતી. સ્મતિ મંધાનાએ 149 રન બનાવ્યા હતા. જ્યારે તેણે બીજી વિકેટ માટે એસ. શુભા સાથે 33 રન જોડ્યા હતા અને જેમિમા રોડ્રિગ્સ સાથે 86 રનની ભાગીદારી કરી હતી. જમણા હાથની બેટ્સમેન શેફાલીએ 66 બોલમાં પોતાની ફિફ્ટી પૂરી કરી અને 113 બોલમાં સદી ફટકારી. શેફાલીએ 158 બોલમાં 150 રન પૂરા કર્યા.
💯💯
Describe that double ton with an emoji 🔽
Follow the match ▶️ https://t.co/4EU1Kp6YTG#TeamIndia | #INDvSA | @IDFCFIRSTBank pic.twitter.com/WJuiEJRqr8
— BCCI Women (@BCCIWomen) June 28, 2024
આજથી બરાબર 16 વર્ષ પહેલાં વીરેન્દ્ર સેહવાગે ચેન્નઈમાં દક્ષિણ આફ્રિકા સામે માત્ર 194 બોલમાં પોતાની બેવડી સદી પૂરી કરી હતી. ત્યાર બાદ સહેવાગે પ્રથમ દાવમાં 42 ચોગ્ગા અને 5 છગ્ગા સાથે 319 રન કર્યા હતા.
