અમદાવાદ: ડિજિટલાઇઝેશનના આ યુગમાં, ઓનલાઈન ટ્રાન્ઝેક્શન કરવું પહેલાં કરતા વધુ સરળ બની ગયું છે. તેમાં પણ વળી UPI (યુનિફાઈડ પેમેન્ટ્સ ઈન્ટરફેસ)એ તો સરળતાને વધું સરળ કરી દીધી છે. નેશનલ પેમેન્ટ્સ કોર્પોરેશન ઓફ ઈન્ડિયા (NPCA)ના લેટેસ્ટ ડેટા અનુસાર, જુલાઈ 2024માં ભારતમાં UPI દ્વારા 1,443 કરોડ ટ્રાન્ઝેક્શન કરવામાં આવ્યાં હતાં. આ ટ્રાન્ઝેક્શન દ્વારા કુલ 20.64 લાખ કરોડ રૂપિયાની રકમ ટ્રાન્સફર કરવામાં આવી હતી.
જે શેરી વિક્રેતાઓથી લઈને રિક્ષાચાલકો સુધી દરેક જણ UPI દ્વારા ચુકવણી કરી રહ્યા છે. UPIની સફળતાએ દુનિયાને પણ આશ્ચર્યચકિત કરી દીધી છે. જેના કારણે હવે તમે ઘણા દેશોમાં UPI દ્વારા પેમેન્ટ કરી શકો છો. ભારતમાં કરોડો લોકો UPI દ્વારા દૈનિક વ્યવહારો કરે છે. આ સંખ્યા દરરોજ વધી રહી છે. જો કે તેનાથી ખતરો પણ વધી ગયો છે. છેતરપિંડી કરનારાઓ હવે UPI યુઝર્સને નિશાન બનાવીને છેતરપિંડી કરી રહ્યા છે. આ શ્રેણીમાં નવું સ્કેમ છે – ‘UPI ઓટો-પે રિકવેસ્ટ સ્કેમ.’ આ સ્કેમમાં, UPI ઓટો-પે વિનંતી મંજૂર થતાં જ ખાતામાંથી નાણાં સ્કેમર્સના ખાતામાં ટ્રાન્સફર થઈ જાય છે.
UPI Autopay છેતરપિંડી એક સરળ સિદ્ધાંત પર કામ કરે છે. આમાં છેતરપિંડી કરનારાઓ વપરાશકર્તાઓને સસ્તો માલ ખરીદવા માટે લલચાવે છે અથવા અમુક સેવા માટે ચુકવણી માટે વિનંતીઓ મોકલે છે. તમે અજાણતામાં UPI કલેક્ટ મની અથવા ઑટોપેની વિનંતીને મંજૂર કરો છો. ઉદાહરણ તરીકે, તમે Netflix જેવાં કોઈપણ OTTનું સબ્સ્ક્રિપ્શન લઈ રહ્યાં છો. એક દિવસ તમને Netflix માટે ચુકવણી કરવાની વિનંતી મળશે. તમે સમજો છો કે આ તમે લીધેલ સબ્સ્ક્રિપ્શન માટે ચુકવણી માટેની વિનંતી છે. તમે ચુકવણી કરો છો પરંતુ તે વાસ્તવિક નથી. આ છેતરપિંડી કરનાર દ્વારા તેના Netflix એકાઉન્ટમાંથી શરૂ કરવામાં આવેલ અસલી UPI ઑટોપે વિનંતી છે. તેથી, જો તમે ભૂલથી આ વિનંતીને એ વિચારીને મંજૂર કરો છો કે તે તમારા પોતાના Netflix સબ્સ્ક્રિપ્શન માટે છે, તો તમે કપટપૂર્ણ Netflix સબ્સ્ક્રિપ્શન માટે પૈસા ચૂકવશો. આ રીતે છેતરપિંડી કરનારાઓ તમારી પાસેથી પૈસા લૂંટવાનો પ્રયાસ કરી શકે છે જો તેઓને તમારું UPI ID ખબર હોય.
UPI ID સામાન્ય રીતે મોબાઇલ નંબર અને UPI પ્રદાતાનું વિસ્તરણ છે. સ્કેમર્સ આનો ફાયદો ઉઠાવે છે. મોબાઇલ નંબર અને અન્ય વિગતો એ સરળ લક્ષ્ય છે કારણ કે ફોન નંબરો ઘણીવાર ઇ-શોપિંગ, રેસ્ટોરન્ટ્સ, મોલ્સ, પાર્કિંગ લોટ વગેરે જેવા સ્થળોએ શેર કરવામાં આવે છે. આ કારણે, છેતરપિંડી કરનારાઓ માટે UPI ID ક્રેક કરીને છેતરપિંડી કરવાનું સરળ બની જાય છે.
