રાયપુરઃ ઝારખંડના કોંગ્રેસના રાજ્યસભા સાંસદ ધીરજ પ્રસાદ સાહુના ઘરે આવકવેરા વિભાગે પાડેદા દરોડામાં અબજોની સંપત્તિ મળી છે. શુક્રવારથી જારી દરોડામાં અત્યાર સુધીમાં 220 કરોડ રૂપિયાની વસૂલાત કરવામાં આવી છે. આવકવેરા વિભાગના દરોડામાં હજુ પણ રોકડ જપ્ત કરવામાં આવી રહી છે. સુદપરા પાસેના એક ઘરમાં દરોડા દરમિયાન બંટી સાહુના ઘરેથી 19 કરોડ રૂપિયા પણ મળી આવ્યા હતા. નોટો ગણવા માટે 30થી વધુ મશીનો લગાવવામાં આવ્યા છે. નોટોની ગણતરી હજુ ચાલુ છે. ધીરજ સાહુની પાસેથી રિકવર કરાયેલી રોકડમાંથી રૂ. 200 કરોડ માત્ર ઓડિશાના બોલાંગીર જિલ્લામાં ડિસ્ટિલરી ગ્રૂપના પરિસરમાંથી જ મળી આવ્યા હતા. આ ઉપરાંત અન્ય ઘણી જગ્યાઓ પર પણ દરોડા પાડવામાં આવ્યા છે.
આવકવેરા વિભાગે ધીરજ સાહુના અનેક સ્થળો પર એકસાથે દરોડા પાડ્યા છે. જેમાં ઓડિશાના બોલાંગીર જિલ્લાના સુદાપાડામાં સૌથી વધુ રોકડ મળી આવી હતી. આ સિવાય ઓડિશાના સંબલપુર અને સુંદરગઢ, ઝારખંડના બોકારો અને રાંચી અને કોલકાતામાં પણ દરોડા પાડવામાં આવ્યા છે જ્યાંથી મોટી માત્રામાં રોકડ મળી આવી છે. ઝારખંડના ટિટિલાગઢ, બૌધ, સુંદરગઢ, રાઉરકેલા અને ભુવનેશ્વર અને રાંચી અને બોકારોમાં પણ દરોડા પાડવામાં આવી રહ્યા છે.
વર્ષ 2018માં રાજ્યસભાની ચૂંટણી દરમિયાન ધીરજ સાહુએ ચૂંટણી પંચને આપેલા એફિડેવિટમાં પોતાની કુલ સંપત્તિ 34 કરોડ રૂપિયા જાહેર કરી હતી. એટલું જ નહીં, તેણે એવું પણ કહ્યું હતું કે તેના પર લગભગ 2.40 કરોડ રૂપિયાનું દેવું છે. અગાઉ 2016-17માં તેણે પોતાની આવક માત્ર એક કરોડ રૂપિયા જાહેર કરી હતી.
देशवासी इन नोटों के ढेर को देखें और फिर इनके नेताओं के ईमानदारी के ‘भाषणों’ को सुनें… 😂😂😂
जनता से जो लूटा है, उसकी पाई-पाई लौटानी पड़ेगी, यह मोदी की गारंटी है।
❌❌❌💵 💵 💵❌❌❌ pic.twitter.com/O2pEA4QTOj
— Narendra Modi (@narendramodi) December 8, 2023
પીએમ મોદીએ X પર પોસ્ટ કર્યું
ઈન્કમટેક્સ વિભાગે દરોડા પાડીને જંગી સંપત્તિ શોધી કાઢ્યા બાદ વડાપ્રધાન નરેન્દ્ર મોદીએ પણ ધીરજ સાહુ પર નિશાન સાધ્યું છે. “દેશવાસીઓએ ચલણી નોટોના આ ઢગલા જોવું જોઈએ અને પછી તેના (કોંગ્રેસ) નેતાઓના પ્રામાણિક ભાષણો સાંભળવા જોઈએ. લોકો પાસેથી લૂંટવામાં આવેલો એક-એક પૈસો પાછો મેળવવો પડશે. આ મોદીની ગેરંટી છે,” તેમણે એક પોસ્ટમાં જણાવ્યું હતું.
કોણ છે ધીરજ સાહુ?
ધીરજ સાહુ કોંગ્રેસના રાજ્યસભા સાંસદ છે. તેઓ ત્રીજી વખત રાજ્યસભા પહોંચ્યા છે. આ સિવાય તેઓ કોંગ્રેસની ટિકિટ પર ચતરા લોકસભા બેઠક પરથી પણ ચૂંટણી લડ્યા છે, જોકે તેઓ જીતી શક્યા ન હતા. ધીરજ પ્રસાદ સાહુનો પરિવાર દારૂના વ્યવસાય સાથે જોડાયેલો છે. તેની પાસે ઝારખંડના લોહરદગા જિલ્લામાં બલદેવ સાહુ અને ગ્રુપ ઓફ કંપનીઝ છે.
