નવી દિલ્હીઃ દિલ્હી વિધાનસભાની ચૂંટણીમાં લોકો મતદાન મથકોએ સવારથી મત આપવા આવી રહ્યા છે. દિલ્હીમાં 1.47 કરોડ લોકો મત આપવાનો મતાધિકાર ધરાવે છે, જેમાં 2.08 લાખ યુવાન પ્રથમ વાર તેમના મતાધિકારનો ઉપયોગ કરવાના છે. સત્તાધારી આપ પક્ષે દિલ્હીમાં પુનરાગમન કરવાનો વિશ્વાસ દર્શાવ્યો હતો. સામે પક્ષે ભાજપ દિલ્હીમાં 20 વર્ષ બાદ પક્ષનો મુખ્ય પ્રધાન આવવાનો દાવો કર્ઓ છે. કોંગ્રેસે 15 વર્ષ દિલ્હીમાં સત્તાનાં સૂત્રો સંભાળ્યાં છે. કોંગ્રેસ પણ તેના મતની ટકાવારી વધવાની આશા રાખે છે. દિલ્હી વિધાનસભાની ચૂંટણીમાં બપોરે એક વાગ્યા સુધી આશરે 42.29 ટકા મતદાન થયું હતું.
દિલ્હીમાં શાહીનબાગમાંથી ઘણી મોટી સંખ્યામાં મતદારો તેમના મતધિકારનો ઉપયોગ કરવા નીકળ્યા હતા.જોકે દિલ્હી પોલીસે સીએસએનો વિરોધ કરી રહેલા શાહીન બાગ અને જામિયા યુનિવર્સિટીમાં ફ્લેગમાર્ચ યોજી હતી. અહીં ઘણી મોટી સંખ્યામાં મતદારો મત આપવા લાઇનમાં ઊભા હતા.દિલ્હી ચૂંટણીમાં લાલ કૃષ્ણ અડવાની, ભૂતપૂર્વ વડા પ્રધાન મનમોહન સિંહ સહિતના અનેક મહાનુભાવોએ મતદાન કર્યું હતું.
