ગાંધીનગર: દહેગામથી બાયડ તરફ જતા માર્ગ પર લવાડ ગામની સીમમાં આવેલી રાષ્ટ્રીય રક્ષા શક્તિ યુનિવર્સિટીમાં એક વિશિષ્ટ રમતોત્સવ ચાલી રહ્યો છે. જેમાં મહિલા સશક્તિકરણનું ઉમદા કાર્ય થઈ રહ્યું છે.
ખેલો ભારત અંતર્ગત મહિલાઓની અસ્મિતા જાગૃતિ થાય એ માટે સમગ્ર દેશમાંથી આવેલી બાળાઓની નેશનલ ‘wusu league’ ચાલી રહી છે.
Wusu એ ચાઈનીઝ પરંપરાગત માર્શલ આર્ટ છે. આ સાથે છોકરીઓ દ્વારા અન્ય એક માર્શલ આર્ટ્સ કસરત સાધના સાથે જોડાયેલી ‘ તાઈ ચી ‘ કળાની પણ સ્પર્ધા થઈ. 
દેશની રક્ષાના વિવિધ આયામના સાથેના કોર્સની ડિઝાઈન તૈયાર કરી યુવાનોને તાલીમ આપતી રક્ષા શક્તિ યુનિવર્સિટીના પ્રાંગણમાં ભવિષ્યની ઉત્કૃષ્ટ મહિલા શક્તિ ‘ wu su league ‘ રમી રહી છે.
શારિરીક, માનસિક મુલ્યાંકન સાથે આ ટુર્નામેન્ટમાં બાળાઓ ભાગ લઈ રહી છે. આ સાથે બાળાઓ માટે રક્ષા શક્તિ યુનિવર્સિટીએ ઉચ્ચ ગુણવત્તાની સગવડો પુરી પાડી છે.‘ખેલ હી પહેચાન’ મહિલા અસ્મિતાને મજબુત બનાવવા માટે RRUની સાથે ગૃહ મંત્રાલય ભારત સરકાર, મિનિસ્ટ્રી ઓફ યુથ અફેર્સ એન્ડ સ્પોર્ટ્સ, સ્પોર્ટ્સ ઓથોરિટી ઓફ ઈન્ડિયાને રમતગમતના સંગઠનોએ સહયોગ આપ્યો.
(પ્રજ્ઞેશ વ્યાસ-અમદાવાદ)
