મધ્યપ્રદેશ: ભોપાલમાં આત્મહત્યાનો ચોંકાવનારો કિસ્સો સામે આવ્યો છે. ભોપાલની શૂટિંગ એકેડમીમાં શૂટિંગ શીખી રહેલા 17 વર્ષના છોકરાએ પોતાને ગોળી મારીને આત્મહત્યા કરી લીધી છે. ગોળી વાગતાં છોકરાનું ઘટનાસ્થળે જ મોત થયું હતું. જણાવવામાં આવી રહ્યું છે કે મૃતકના પિતા રમત-ગમત વિભાગમાં વરિષ્ઠ અધિકારી છે.
પોલીસના જણાવ્યા અનુસાર ગોળીબાર કરનારનું નામ યથાર્થ રઘુવંશી છે. યથાર્થે શોટ ગન વડે પોતાની જાતને છાતીમાં ગોળી મારી લીધી છે. આ સમગ્ર ઘટના રેસ્ટ રૂમમાં બની હતી. તેના પિતા અરુણ રઘુવંશી અશોક નગર જિલ્લાના રમતગમત અધિકારી છે.
પોલીસના જણાવ્યા અનુસાર, યથાર છેલ્લા બે વર્ષથી શૂટિંગ એકેડમીમાં પ્રેક્ટિસ કરી રહ્યો હતો. આત્મહત્યાનું કારણ હજુ સુધી બહાર આવ્યું નથી. પોલીસને તેની પાસેથી કોઈ સુસાઈડ નોટ પણ મળી નથી. યથાર્થના પરિવારજનોના નિવેદન લીધા બાદ પોલીસ એકેડેમી સ્ટાફની પણ પૂછપરછ કરી રહી છે.
