નવી દિલ્હીઃ ખાલિસ્તાની આતંકવાદી ગુરુપતવંત સિંહ પન્નુએ ભારત પર હુમલો કરવાનો ધમકીભર્યો એક વિડિયો જારી કર્યો છે. તેણે વિડિયોમાં કહ્યું હતું કે મારી હત્યાનું ષડયંત્ર નિષ્ફળ થયું છે. હું 13 ડિસેમ્બેર સંસદ ભવન પર હુમલો કરીને એનો જવાબ આપીશ. 13 ડિસેમ્બર, 2001એ સંસદ ભવન પર આતંકવાદી હુમલો થયો હતો. ભારતીય એજન્સીઓએ તેની હત્યાની યોજના બનાવી હતી, જે નિષ્ફળ થઈ છે. તેના હુમલાની યોજનાના જવાબમાં તે 13 ડિસેમ્બરે સંસદ પર હુમલો કરશે, એમ તેણે કહ્યું હતું.
પન્નુએ સંસદ ભવન પર હુમલાના દોષી અફઝલ ગુરુ સાથેના એક વિડિયોમાં એક પોસ્ટર પણ જારી કર્યું છે, જેમાં લખ્યું હતું કે ‘દિલ્હી બનશે પાકિસ્તાન.’ હજી હાલમાં અમેરિકી એજન્સીઓએ એક ભારતીય શખસની ધરપકડ કરીને પન્નુની હત્યાના કાવતરાને નિષ્ફળ બનાવ્યું હતું. અમેરિકી એજન્સીઓએ દાવો કર્યો હતો કે ધરપકડ કરવામાં આવેલો આરોપી ભારતીય એજન્સીઓના ઇશારે કામ કરી રહ્યો હતો. જોકે ભારતે સ્પષ્ટ શબ્દોમાં આરોપોથી ઇનકાર કર્યો હતો અને તપાસ માટે ઉચ્ચ સ્તરીય સમિતિ બનાવી છે.
સુરક્ષા એજન્સીઓએ પન્નુના તાજા વિડિયોને જોઈને જણાવ્યું હતું કે પન્નુના વિડિયોનું કન્ટેન્ટ સાંભળીને સ્પષ્ટ લાગ રહ્યું છે કે પન્નુ સ્ક્રિપ્ટ પાકિસ્તાની જાસૂસી એજન્સી ISI K-2 ડેસ્કે લખીને આપી છે. એને કારણે વિડિયોમાં એક તરફ ખાલિસ્તાનનો પ્રોપેગેન્ડા ચાલતો અને સંભળાવી દઈ રહ્યો છે કે તે અફઝલ ગુરુનું નામ લઈને કાશ્મીરી આતંકવાદી અને પાકિસ્તાનના કાશ્મીરી એજન્ડાનો પણ સાથ છે. પન્નુના આ વિડિયો પછી સુરક્ષા એજન્સીઓ હાઇ અલર્ટ પર છે.
