મુંબઈ: મુકેશ અંબાણી અને નીતા અંબાણીના લાડકા નાના પુત્ર અનંત અંબાણી અને રાધિકા મર્ચન્ટ આજે એટલે કે 12મી જુલાઈના રોજ લગ્ન કરવા જઈ રહ્યા છે. લગ્ન માટે વિવિધ દેશ-વિદેશથી મહેમાનો મુંબઈ પહોંચી રહ્યાં છે. લગ્નની તૈયારીઓ વચ્ચે મહેમાનોનું પણ આગમન શરૂ થઈ ગયું છે. અનંત અંબાણી અને રાધિકાના લગ્નમાં ઘણા વિદેશી મહેમાનો આવવાના છે. તેઓ એરપોર્ટ અને હોટલની બહાર જોવા મળી રહ્યા છે. લગ્ન માટે ઘણા પ્રખ્યાત લોકો પહોંચ્યા છે.
લાલુ પ્રસાદ યાદવ મુંબઈ પહોંચ્યા
બિહારના પૂર્વ મુખ્યમંત્રી અને પૂર્વ કેન્દ્રીય મંત્રી લાલુ પ્રસાદ યાદવ અને તેજસ્વી યાદવ અનંત અંબાણી અને રાધિકા મર્ચન્ટના ભવ્ય લગ્ન માટે મુંબઈ પહોંચ્યા હતા. ‘બેબી કોમડાઉન’ માટે જાણીતા સિંગર રેમા પણ બ્લેક આઉટફિટ પહેરીને મુંબઈ પહોંચ્યા છે. અનંત અંબાણી અને રાધિકાના લગ્નની ગેસ્ટ લિસ્ટ મોટી થઈ રહી છે.અંબાણીના લગ્નમાં હાજરી આપવા માટે બ્રિટનના પૂર્વ વડાપ્રધાન ટોની બ્લેર તેમની પત્ની ચેરી બ્લેર સાથે મુંબઈ પહોંચ્યા હતા. ભારે વરસાદ વચ્ચે તે ખાનગી એરપોર્ટની બહાર નીકળતા જોવા મળ્યા હતા.
વિદેશી મૉડલ અભિનેત્રી કિમ કાર્દાશિયન અને ખલો કાર્દાશિયન અનંત અંબાણી અને રાધિકા મર્ચન્ટના સ્ટાર-સ્ટડેડ લગ્ન માટે હૉલીવૂડ અંદાજમાં મુંબઈ પહોંચી છે. બંને ખૂબ જ સ્ટાઇલિશ અંદાજમાં ભારત પહોંચ્યા અને એરપોર્ટ પર તેમનું ભારતીય અંદાજમાં સ્વાગત કરવામાં આવ્યું. દુનિયાની સૌથી મોટી ઈલેક્ટ્રોનિક્સ કંપની સેમસંગના માલિક હાન જોંગ અનંત અંબાણીના લગ્નમાં હાજરી આપવા ભારત આવ્યા છે. તે પણ એરપોર્ટ પર જોવા મળ્યા હતા.
બ્રિટનના પૂર્વ વડાપ્રધાન બોરિસ જોનસન અનંત અંબાણી અને રાધિકા મર્ચન્ટના ભવ્ય લગ્ન માટે મુંબઈ પહોંચ્યા હતા. બોરિસ સંપૂર્ણ વેકેશન સ્ટાઇલમાં દેખાયા. તે કારમાં બેસીને હોટલ તરફ જતો જોવા મળ્યા હતાં. અનંત અંબાણી અને રાધિકા મર્ચન્ટના લગ્ન માટે પ્રિયંકા ચોપરા તેના પતિ હોલીવુડ સિંગર નિક જોનાસ સાથે અમેરિકાથી મુંબઈ આવી છે. લગ્ન સમારોહ માટે પહોંચેલી પ્રિયંકા તેના પતિ સાથે કેઝ્યુઅલ આઉટફિટમાં એરપોર્ટ પર જોવા મળી હતી. જોકે અનંત અંબાણીના લગ્ન પહેલા પીસીએ પોતાના ભાઈ સિદ્ધાર્થનો બર્થડે સેલિબ્રેટ કર્યો હતો.
