ICC એ બાંગ્લાદેશમાં ખરાબ પરિસ્થિતિને ધ્યાનમાં રાખીને એક મોટું પગલું ભર્યું છે. મહિલા ટી20 વર્લ્ડ કપ 2024નું આયોજન બાંગ્લાદેશમાં થવાનું હતું.ICCની વેબસાઈટ પર જારી કરાયેલા રિપોર્ટમાં એ વાતની પુષ્ટિ કરવામાં આવી છે કે બાંગ્લાદેશમાં યોજાનાર 2024 મહિલા ટી20 વર્લ્ડ કપ હવે સંયુક્ત આરબ અમીરાત (UAE)માં યોજાશે.
ICC રિપોર્ટમાં કહેવામાં આવ્યું છે કે મહિલા T20 વર્લ્ડ કપની 9મી આવૃત્તિ હવે UAEમાં રમાશે. જોકે ટુર્નામેન્ટની યજમાનીનો અધિકાર બાંગ્લાદેશ પાસે રહેશે. તમને જણાવી દઈએ કે 3 થી 20 ઓક્ટોબરની વચ્ચે યુએઈમાં 2 સ્થળોએ મહિલા T20 વર્લ્ડ કપ રમાશે, જેમાં દુબઈ અને શારજાહનો સમાવેશ થાય છે.
ICCના ચીફ એક્ઝિક્યુટિવ જ્યોફ એલાર્ડિસે એક નિવેદનમાં કહ્યું, તે શરમજનક છે કે બાંગ્લાદેશ મહિલા T20 વર્લ્ડ કપની યજમાની કરી શકશે નહીં કારણ કે આપણે જાણીએ છીએ કે બાંગ્લાદેશ એક યાદગાર ઇવેન્ટ યોજશે.
