સ્પેન: ગુગલ મેપ્સ સામાન્ય રીતે પ્રવાસીઓને રસ્તો બતાવવાનું કામ કરે છે. જો કે તેણે સ્પેનિશ પોલીસને એક વર્ષ લાંબા હત્યાના કેસને ઉકેલવામાં અણધારી રીતે મદદ કરી છે. ગુગલ મેપ્સ એપ દ્વારા એક શંકાસ્પદ વ્યક્તિની એક ઇમેજ કેપ્ચર કરવામાં આવી હતી. જે કારની ડેકીમાં ડેડ બોડી મૂકી રહ્યો હતો. આ ફોટા દ્વારા કેસને ઉકેલવામાં પોલીસને સફળતા મળી હતી. નવેમ્બર 2023માં કેસ્ટિલ અને લિયોનના ઉત્તરીય ક્ષેત્રમાં એક વ્યક્તિના ગુમ થવા અંગેના અહેવાલ પછી તપાસ શરૂ થઈ હતી.
પોલીસે એક નિવેદનમાં જણાવ્યું હતું કે, “ગુગલ મેપ્સ એપ્લિકેશનમાં કેટલીક તસવીરો હતી. જેમાં અમે એક ગાડી શોધી કાઢી હતી, જેનો ઉપયોગ ગુના દરમિયાન કરવામાં આવ્યો હોઈ શકે છે. સ્પેનિશ મીડિયાએ ઑક્ટોબર 2024નો Google Maps સ્ટ્રીટ વ્યૂનો સ્ક્રીનશૉટ શેર કર્યો હતો, જેમાં એક વ્યક્તિ તાજુકોમાં કારની ડેકીમાં સફેદ કફનથી ઢંકાયેલી ડેડ બોડી મૂકી રહ્યો છે.”
એક 33 વર્ષીય ક્યુબાનો વ્યક્તિ ઓક્ટોબર 2023માં ગાયબ થઈ ગયો હતો. જેણે પરિવારના સભ્યને તેના ફોન પરથી શંકાસ્પદ ટેક્સ્ટ સંદેશા મોકલ્યા હતા. જેના કારણે પરિવારના સભ્યો ચિંતિત બન્યા હતા. પરિવારના સભ્યએ સંદેશાઓ વિશે શંકા દર્શાવ્યા પછી પોલીસે તપાસ શરૂ કરી હતી. જેમાં દાવો કરવામાં આવ્યો હતો કે મૃતક એક મહિલાને મળ્યો હતો અને સ્પેન છોડવાની યોજના બનાવી રહ્યો હતો.
પોલીસે શકમંદોના ઘરો અને વાહનોની તલાશી લીધી, લોકેશન એપમાંથી ઈમેજીસ બહાર પાડી જેમાં ગુના સાથે સંભવતઃ સંકળાયેલું વાહન દર્શાવવામાં આવ્યું હતું. સ્પેનિશ મીડિયાએ Google નકશા સ્ટ્રીટ વ્યૂમાંથી છબીઓ ઓળખી અને કેસ ઉકેલવામાં તેમને મદદ મળી.
