અમદાવાદઃ ગુજરાત પ્રદેશ કોંગ્રેસ સમિતિના પ્રમુખ શક્તિસિંહ ગોહિલે રાજ્યના તમામ ભાઈ-બહેનોને હર્ષોઉલ્લાસ અને ઉજાસના તહેવાર દિવાળીની શુભેચ્છાઓ પાઠવી હતી.
વિક્રમ સંવંતના નવા વર્ષમાં સૌ ભાઈ-બહેનોના જીવનમાં સદાય સ્નેહ-આનંદ, સુખાકારી અને પ્રગતિ થાય. નવા વર્ષમાં રાજ્યની પ્રગતિ, સેવા-સાધનાના યજ્ઞમાં જોડાઈ આર્થિક અસમાનતા, મોંઘવારી, બેરોજગારી અને ગુજરાતીઓને પડતી મુશ્કેલીઓમાંથી બહાર આવે. છેવાડાના માનવીના ઘરમાં દીપકનો ઉજાસ, મહાલક્ષ્મીના આશીર્વાદ અને સરસ્વતીની વિદ્યા પ્રસરે એ માટે આપણે સૌ કટિબદ્ધ થઈએ, એમ તેમણે જણાવતાં સર્વે ગુજરાતી ભાઈ-બહેનોને નૂતન વર્ષાભિનંદનની શુભકામનાઓ પાઠવી હતી.
