સામાન્ય દિવસોમાં દિવસ રાત વેપારથી ધમધમતા જમાલપુર એપીએમસી બજારના પ્રાંગણમાં શુક્રવારની સાંજે એક પરંપરાગત ઉત્સવ ઉજવાયો.
ભરપૂર ટ્રાફિક, પગમુકવાની જગ્યાના હોય એવો માનવ મહેરામણ અને શાકભાજી, ફળ ફળાદી , ફૂલ ઠાલવવા આવેલી લારીઓ, ટ્રક-ટેમ્પાથી ખીચો ખીચ બજાર ગઈ સાંજે ગેર ઉત્સવમાં ફેરવાઈ ગયું.
જમાલપુરના સરદાર પટેલ માર્કેટ યાર્ડના મજુર યુનિયન દ્વારા દર વર્ષે હોળી ધૂળેટી બાદ ગેર ઉત્સવ ઉજવવામાં આવે છે.
સતત વ્યસ્ત બજારમાં માલ સામાનના કટ્ટા ઉચકી મજૂરી કરતા માણસોની માંડી વેપારીઓ તમામ આ ગેર ઉત્સવમાં નવ વસ્ત્રો સાથે રમતા જોવા મળે છે.
મોટી લાઠીઓ અને પરંપરાગત વાદ્ય સંગીત સાથે ગેર ઉત્સવના નૃત્યમાં અસંખ્ય લોકો માણે છે.
(પ્રજ્ઞેશ વ્યાસ)
