ગુજરાત લોકસભા 2024ની ચૂંટણીમાં 25 લોકસભા બેઠકોની સાથે-સાથે વિધાનસભાની 5 બેઠક પર પણ પેટાચૂંટણી યોજાઈ હતી. આ બેઠકો પર ચાર કોંગ્રેસમાંથી આવેલા અને એક અપક્ષમાંથી આવેલા પૂર્વ ધારાસભ્યો ચૂંટણી લડ્યા હતાં. જેમાં આજના પરિણામમાં વાઘોડિયા અને પોરબંદર બેઠક પર ભાજપ ઉમેદવારની ભવ્ય જીત થઈ છે.
ઉલ્લેખનીય છે કે પોરબંદર વિધાનસભા બેઠક પર ભાજપ ઉમેદવાર અર્જુન મોઢવાડિયાને 1,31,854 મત તો કોંગ્રસ ઉમેદવાર રાજુ ઓડેદરાને 16,096 મત મળ્યાં. અર્જુન મોઢવાડિયાની 1,17,000 મતની લીડથી ભવ્ય જીત થઈ છે.
જયારે વાઘોડિયા વિધાનસભા બેઠક પર ભાજપ ઉમેદવાર ધર્મેન્દ્રસિંહ વાઘેલાને 1,21,265 મત તો કોંગ્રેસ ઉમેદવાર કનુ ગોહિલને 42,500 મત મળ્યાં. જેમાં ભાજપના ધર્મેન્દ્રસિંહની 78,765 મતની લીડથી જીત થઈ છે.
