મુંબઈઃ ગુજરાત રમખાણોમાં ખોટી માહિતી આપવાના આરોપમાં સામાજિક કાર્યકર્તા તિસ્તા સેતલવાડ સહિત બે ભૂતપૂર્વ IPS અધિકારી સંજીવ ભટ્ટ અને આર. બી. શ્રીકુમારની સામે કેસ નોંધવામાં આવ્યો છે. ગુજરાત ATS સામાજિક કાર્યકર્તા તિસ્તા સેતલવાડના ઘર પર શનિવારે પહોંચી હતી. ગુજરાત ATSની બે ટીમો મુંબઈ પહોંચી હતી અને એક ટીમ સાંતાક્રૂઝ પોલીસ સ્ટેશન ગઈ હતી. બીજી ટીમ મુંબઇ પોલીસ સાથે તિસ્તા સેતલવાડના જુહુ સ્થિત ઘરે ગઈ હતી. જ્યાંથી ગુજરાત ATSએ તિસ્તાની અટકાયત કરી લીધી છે અને તેમને લઇ ગુજરાત આવવા રવાના થઈ ગઈ છે.
